طريقة خياطة مئزر للبنات الشطورات

[fifiarch]

مساء الخير لبنات

ان شاء الله تكونو بخير
اليوم جبتلكم طريقة عمل مئزر للبنات
كان المفروض انزلها من مدة لكن نسيتها واليوم وانا ندور في ملفاتي لقيت الصور قلت ضروري نحطهم بالاك نفيد الاخوات

اولا وكالعادة نطوو القماش على اربعة بالطول المرغوب فيه



ثم نفصلو بطريقة الفصالة العادية لي وريتهالكم قبل في اسهل طريقة لتفصيل القندورة في هذا الموضوع

https://www.djelfa.info/vb/showthread.php?t=1193493



بعدين نفصلو قطعة الامام عن الخلف ونبداو في تفصيل كل قطعة وحدها
قطعة الامام نقصو الرقبة بالوسع لي نحبوه ونقصو المكان لي راح نلصقو فيه الفارميتير



انا اخترت هذه القصة بحيث تكون الفارميتير تغلق على جنب
ومن الخلف نقص فقط مكان الرقبة



بعدين نبدا في الخياطة انا زينت بالحاشية البيضاء باه تعطي اكثر جمالية وبعدين لصقت القطع في بعض
وماتنساوش تخدمو جيب اكيد الاطفال يحتاجوه يهزو فيه مشوارة
وهذه كانت النتيجة لي حصلت عليها



ممكن تزيني بالرسم على القماش او الطرز
كانت عندي وحدة لبنت اقل رسمت فيها ميكيات شوفو كيفاه جات اجمل

[wafaachal]

شكرااااااااااااااااااااااااااااااااااااااااااا

[biba04]

مشاء الله خدمة متقونة انا عندي ولد يعني تصلح نديرها بنفس الطريقة بلون الازرق ونلصق فيهم سبونج بوب هههه

ولا ماتصلحش

[fifiarch]

مشكورين لبنات

اكيد تصلح للاولاد الثانية طبعا تجي هايلة

وتعمليلو الرسمة لي يحبها هو

[sarra5]

barak allah fik fifi

mawdo3 raw3a merciii

[stayfiya]

الله لا يحرمنا من ابداعاتك ختي فيفي بارك الله فيك

[ام سارة 285]

شكرا اختي على المجهود

[fifiarch]

الله يسلمكم لبنات
نورتو الموضوع

[lalynabila]

ثانكيو ميغسي

[ميار صهيب]

نتيج ولا اروع

[ام مريم اسراء]

ربي يبارك فيك اختي الطريقة واضحة و مفسرة يريت كامل الاخوات يحطولنا مراح الحياطة هكذا نتعلمو و يكسبو ينا ثواب

[ماريا205]

بارك الله فيك على المجهود

[janino]

kharejete raoua yatike el saha

[fifiarch]

مشكورين اخواتي على الردود الطيبة

[مليكة31]

يعطيك الصحة انا ماعنديش بنت لكن رايحة نخيطه لولدي راه المودال ميكس معليش شكرا ليك على المجهود الي راكي تقدميه جزاك الله كل خير