هل منحة افريل دخلت في ولاية سطيف؟

[maxbar]

السلام عليكم كاش ما دخل عط هنا في ولاية سطيف تاع شهر افريل؟

[djoja]

لا مزال لا شهر مارس و لا أفريل

[samir35]

في خنشلة لا مارس ولا افريل
راهم يقولو في 10 جوان يدخلو في زوج
الله اعلم ؟؟؟

[صافيناز 23]

ايه حتى انا مكانش
مي قالولي دخلت تاع مارس للناس القدم يعني الي بداو في جانفي وقبل
مي احنا الجديد كاين الي راهو يقول ودرولنا البونتاج ولازم نعادو نحطوه
مي انا مفهمت فيها والو راني نستنى نشوف ترى لجماعه

[maxbar]

وقيلا كلحونا حنا الجدد انا بديت في فيفري حتا لضرك مسلكت في والو.ربي بقي ستر

[zinebio]

المشاركة الأصلية كتبت بواسطة صافيناز 23

ايه حتى انا مكانش
مي قالولي دخلت تاع مارس للناس القدم يعني الي بداو في جانفي وقبل
مي احنا الجديد كاين الي راهو يقول ودرولنا البونتاج ولازم نعادو نحطوه
مي انا مفهمت فيها والو راني نستنى نشوف ترى لجماعه

عليكي وعلى المديرية اللي راهي في تبينت قلك ثم يكتيفيو السلاك

[mouna72]

انا من ادرار بديت من أفريل الادماج لحد الان الخلصة ماكانش.

[**همسة حنين**]

المشاركة الأصلية كتبت بواسطة zinebio

عليكي وعلى المديرية اللي راهي في تبينت قلك ثم يكتيفيو السلاك

لا تبينت ولا والو

الله يلي في تبينت والله ماعلابالهم بالدعوى كيفاه راهي ماشية

عندي صحبتي بدات في جانفي لضرك ماخلصت والو وكيتروح لانم يعني لتبين كما راك تحكي كل مرة يقولولها مازال مازل وهذي المرة

قالولها راهي دخلتلك 3 ملايين وحاجة و الشهر هاذو لخرين مازال أصبري شوي

المسكينة راحت تخلص ماكان والو ضرك عندها سمانة مابان والو

فهموني

والله واحد ماعلابالو بالدنيا كيفاه ماشية مطفرة فينا



********
بالنسبة ليا بديت في فيفري وراني خلصت في النص نتاع أفريل خلصت في شهر فيفري ومارس
وأفريل وماي مازال مابان والو



والله كل شيء ممكن


ربي يكون في العون
و أسمحولي على الاطالة

[maxbar]

و المنحة تاع افريل ما علابالكش وكتاش تدخل؟

[maxbar]

ولله وليت نحشم نمشي في الطريق راهي الناس اكل تسال لي نشوفو نبدل طريق. ولله لانام هذي طيحت لنا قدرنا

[**همسة حنين**]

المشاركة الأصلية كتبت بواسطة maxbar

و المنحة تاع افريل ما علابالكش وكتاش تدخل؟

والله للأسف أخي علمي علمك

ان شاء الله في القريب

أنا عني مازال ماخلصتش أفريل

سلااااام

[**همسة حنين**]

المشاركة الأصلية كتبت بواسطة maxbar

ولله وليت نحشم نمشي في الطريق راهي الناس اكل تسال لي نشوفو نبدل طريق. ولله لانام هذي طيحت لنا قدرنا

جات غير في لانام خويا

والله الجزائر كامل ما بقى فيها حتى قدر

خلي يديرو رايهم ........راه يجي الوقت نتاعهم ماتخافش

إذا ماشي في الدنيا

غدوة عند ربي

ربي يجيب لي فيه الخير

[fouad_ess]

لا مازال ما دخلتش .والله يا لانام راهم يقصرو بينا او حاطينا بين ايديهم
احنا لي رانا ساكتين وا مادرنا والو ......

[maxbar]

اليوم سقسيت عن سبب تأخر منحة شهر افريل قالولي بلي المديرية الجهوية تاع التشغيل تاع قسنطينة راهي اضراب و قالولي بلي مزالو مطولين.ولله كارثة