أسفة و متأسفة أنا غي قريت ردك
/ربي يرزقك بالذرية الصالحة في القريب العاجل اختي لامية مي قوليلي حنونة سبب تأخر الحمل منك و الا من زوجك ؟
إذا كان منك عندي وصفة مليحة عن تجربة
و على عشبة مريم أنا استعملتها من قبل و كانت نتائجها ايجابية في تعديل الهرمونات.../
كلمة عن تجربة أكدتلي حملك وجريت على خاص والله فرحة دون أي مراجعة
المهم راني قريت مواضيعك و عرفت بليي ربي مزال مكتبش صدقيني دمعتي طاحت مفهمتش علاه ريحتلك وحسيتك وحدة من خوتاتي
لا تقنطي حبيبتي من رحمة الله نعطيك تجربتتي يمكن تفيدك
قبل زوجت خالي قعدت 13 سنة ومكرهتش كل شيء دارته و قطعوها الأطباء لياس وقتلت روحها بلحشاييش و في لأخير تبعت غي طبيبواحد و كل مرة يجرب فيها دوا هو كان يائس قالهالنا بروحو لمهم ربي قال كن فكان و حملت وجاها ولد صدقني طبيب كان متبع و خايف على حملها كثر منا هههه خلها كملت 8 شهر بليوم وتصل بيها و فجاءها بعملية قيصرية كان حابو يعيش وبده ولدت وهذا بفضل ربي وبفضله وبفضل لأم لي أصرت على لإنجاب ودروك راه عنده 12 سنة و الأطباء يقولو نفس شيء
لعبرة من هاذ شي ربي حنين كريم و متخلطوش لأطباء تبعو غير واحد
أما قصتي طولت عليك راكي تقولي واش فكرها بيا ههههههه طال الرجاللللللل ضحكي بالكي ماتضحكيش نقتلك و نزوجلك سيدك كيما قلتي
لمهم أنا قعدت عاااااااااام ونص وطاب فيا زيت وتاني لعجوز قرقشتني
جربت كل شي لخزامة لعرعار لمرميوية بخرت رقيت أووف عيت من لكتابة
بصح تعبك راحة يا عسل
و واحد نهارة جاتني لمهنية لعادة و تحزمت ليها شربت نهار 2 كاس فيجل وكاس خزامة صباح على 10
و في ليل غي كاس خزامة مدة 3 أيام هاذو ملااااااااح حتى للإلتهباتغي جربيهم 44444444444444
ونهار تنقيت حشاك بديت في ليقات عسل حر وعود ريح دقيته مليح وخلطته مع لعسل ودرته 7كويرات صغار ولمدتهم في لgاز وكنت نديرهم في لمهبل وقت لعصر حتى للمغرب حذاري حزمي طرف لأخر من كويرة بخيط وحزميه في فخضك ملييح ومن بعد غلظي مليح وخلي سيدك لي يحط لعشاء هههههدرتها7 أيام ما نكذبش عليك هاذ دوا كنت خايفة منه رغم بزاف لي رفدو عليه أنا خليته أخر دواء بعد هذاك شهر جاتني تانييييي بصح دم فوووور
كرشي حمااااااااات بزاف مشيت عند طبيب قالي طبيب واش درتي
كرشك حمات ياك قتلك مافيك ولوووووو قالي نحب راجلك يجي دروك
وصح قالي مفيك والو بصح قلت طبيب ميعرفش للبرد وتاني بغيت٧نقطع شك و متحصيش كان فيا برد ربي يعلم
لمهم طلب منه تحاليل وخرج أستينوسبارمي ضعف في حركة لحيوانات في نفس شهر جرينا درناله عقدة١ كيلو.عسل حر ٢ غذاء ملكة نحل 15غ ٤ 2 مغارف حبة لبركة مطحنة ٤ حبوب طلع غبرة وهذ جابتهلي ختي جابتلي عرجون ذكار نخل إذا معرفتيهش صقصي أصحاب نخيل قوليلهم النخلة لي تذكروبها باقي نخيل لمهم حكمنان ونفضناه وهذيك لغبرة زدناها في لعقدة أم لي بقا في لعرجون إلي هو ذكار حفنة منه +2 حفنات زرع +قدر ماء ديريهم يغلو وتشربي أنت وياه في لفجر وإذا قدر هو يشربه في بلاصت لماء كيما دارسيدي هههه نولو لعقدة نسيت ٥ كاس مكسرات مطحونين
و والله في نفس شهر حمل لحمد لله جا أمجد كان ينوض في ليلل يصلي ويبكي هذاك وين حس بجرياتي و بعده على ربعين جات أنفال ولمشكلة جبتهم قيصرية غي ربي سلكني خطرش مطولتش ولكارثة ضروك بلكاشي وجبت أنس هههههه