ارجوكم ادخلووووو

bouchra hakerz · 2014-08-06, 16:33

السلام عليكم
اخواني انا العام القادم نجوز الباك شعبة تسيير و اقتصاد
مانيش حابة نروووح للجامعة
حابة ندرس شبه طبي قالولي الشعبة ديالك
فيها مساعد طبي و مساعد اجتماعي
زعما انا كي نقرا عند بريفي ميطلبليش الشعبة العلمية
لاني حابة نقرى قابلة ولا تخصص مخبري
ربي يجازيكم و ثاني انصحوني واش هي الاحسن و شكون اضمن
..
..
..
..
عفوا نسيت مقلتلكم قالولي بلي كون تقراي عند البريفي متقدريش تخمي عند الدولة
تخدمي عن البريفي فقط

ahmed nine · 2014-08-06, 17:34

انا اختي ما ننصحكش انك تقري عند لبريفي على خاطر راح تخسري
حتى الدبلوم انتاعك ماشي معترف بيه من طرف الدولة امالا ما كلاه اتشقي روحك اختي
انا ثاني اقريت في الشبه طبي مساعد ممرض وضرك الحمد لله راني خدام وما ايخصني والو

bouchra hakerz · 2014-08-06, 18:32

اقتباس:

المشاركة الأصلية كتبت بواسطة ahmed nine

انا اختي ما ننصحكش انك تقري عند لبريفي على خاطر راح تخسري
حتى الدبلوم انتاعك ماشي معترف بيه من طرف الدولة امالا ما كلاه اتشقي روحك اختي
انا ثاني اقريت في الشبه طبي مساعد ممرض وضرك الحمد لله راني خدام وما ايخصني والو

الحمد لله ربي يزيدك خويا
مي بالمعريفة زعما يخلوني نخدم؟؟

rabah120 · 2014-08-07, 01:01

السلام عليكم اختي الكريمة عيدك مبارك و كل عام و انتي بالف خير معاك اسامة من المسيلة نخدم ممرض نقلك شيئ الخدمة انشاء الله كاينة عند الدولة راهم بزاف يخدمو معاي تخرجو من البريفي و ثانيا قضية قرايتك شيئ يهمك كي تجيبي الباك ساهل تقدري تدخلي وين حبيتي تحبي تدخلي بارمديكال بمعدل الباك او تدخلي بمستوي الثالثة ثانوي انا اصلا راني قريت في البارمديكال و اذا حبيتيني نساعدك في القراية مكانش مشكل او عندك اي سؤال نجاوبك علي حسب الاستطاعة و ربي يوفقك و يحقق امنياتك يارب اخيك اسامة

إكرام ملاك · 2014-08-07, 11:22

السىلام عليكم

حت تحصلي على تخصص قابلة يلزمك بكالورياا اولا وتكون علمية ان لم تخني الذاكرة

والمعدل يكون مليح مدة الدراسة 5 سنوات

نصيحتي من الاحسن كملي دراسة وانجي في البكالوريا من بعد تقدري تدخلي للشبه طبي

لانوا لي عند البكالوريا احسن

bouchra hakerz · 2014-08-07, 12:44

اقتباس:

المشاركة الأصلية كتبت بواسطة rabah120

السلام عليكم اختي الكريمة عيدك مبارك و كل عام و انتي بالف خير معاك اسامة من المسيلة نخدم ممرض نقلك شيئ الخدمة انشاء الله كاينة عند الدولة راهم بزاف يخدمو معاي تخرجو من البريفي و ثانيا قضية قرايتك شيئ يهمك كي تجيبي الباك ساهل تقدري تدخلي وين حبيتي تحبي تدخلي بارمديكال بمعدل الباك او تدخلي بمستوي الثالثة ثانوي انا اصلا راني قريت في البارمديكال و اذا حبيتيني نساعدك في القراية مكانش مشكل او عندك اي سؤال نجاوبك علي حسب الاستطاعة و ربي يوفقك و يحقق امنياتك يارب اخيك اسامة

الله يحفظك انا ثاني من المسيلة ربي يجازيك كل خير
قالولي كاين في المسيلة سونتر مدرسة بريفي ديال باراميديكال زعما يقبلوني تسيير و اقتصاااد؟؟؟؟
يقراو 2 سنة ب 20 مليون صح كاينة منها؟؟؟
و ثاني التخصصات لي ثم واش كاين كامل؟؟؟؟؟
و بالنسبة للدراسة ساهلة ولا صعيبة؟؟؟

bouchra hakerz · 2014-08-07, 12:45

اقتباس:

المشاركة الأصلية كتبت بواسطة إكرام ملاك

السىلام عليكم

حت تحصلي على تخصص قابلة يلزمك بكالورياا اولا وتكون علمية ان لم تخني الذاكرة

والمعدل يكون مليح مدة الدراسة 5 سنوات

نصيحتي من الاحسن كملي دراسة وانجي في البكالوريا من بعد تقدري تدخلي للشبه طبي

لانوا لي عند البكالوريا احسن

بارك الله فيك و ان شاء الله

bouchra hakerz · 2014-08-07, 23:07

هل من مزيد؟؟؟؟؟؟؟

rabah120 · 2014-08-09, 22:19

السلام عليكم لا شكر علي واجب اختي الكريمة بالنسبة لاختصاصك لا يهم المهم عندك مستوي ثالثة ثانوي يقبلوك في مدرسة بارمديكال بريفي صح الدراسة كلش بالفرنسية بصح عادي تتعودي انا كنت خايف من الفرنسية و بعدين خلاص بصح مليحة القراية فيها بصح كامل ينجحوكم مكانش ليعاود العام مهما كان مستواك صح كاينة منها تقراي عامين بصح كاين داخلي 35 مليون خارجي 20 مليون

bouchra hakerz · 2014-08-10, 00:29

ربي ان شاء الله يجازيك كل خير و يوفقك و يعطيك كل ماراك متمني وعد مني ندعيلك في صلاتي
لانك معاوني بزاااااااااف و مساندني ربي يجازيك كل خير
المهم ممكن تقولي على المسابقات
و ثاني انا اذا دخلت نقرى في هاذي ديال الشبه الطبي نقدر في هذا سبتمبر ولا حتان نكمل العام الدراسي لازم يطلبو فيها مستوى ثالثة ثانوي كاملة ولا ليس بالضروووورة؟؟؟؟
الله يجازيك خير راني في انتضااااار الرد و اذا عندك رقم هاتف هاذي المدرسة الخاصة غير مدولي
شكرااااا مسبقااااا

bouchra hakerz · 2014-08-12, 18:36

ان شاء الله ياااا رب
و بالنسبة لهذا الموضوووووع
لا افكر فيه

mica nourh · 2014-08-13, 16:23

ههههههه البنت من نيتها تقولك عاوني وانت قوللها انا ابحث عن زوجة هل تفكرين في الزواج خخخخخخ
تبا لك دير الخير بلا مقابل و بركا ما تلعبها
--------------------------------------------------------------
بشرى انا العام اللي فات كان عندي رقم المدرسة البريفي تاع وهران و في سبتمبر قالتلي راهم قريب يكملوا التسجيلات (((بصح ما سجلتش دخلت بتاع الباك )))
هيا روحي سقسيهم روحك على الوثائق هوما اللي يعطوك الخبر الصحيح
-------------------------------------------------------------
تخصص قابلة و لا مخبرية يخص بكالوريا و زيد علمية و معدل مليح تاني