الحنيفيات كيما تعلمتها

[sisi 26]

المقادير نفس عجينة البقلاوة +خميرة
كيلو فرينة + 200 غ مارغرين التوريق + حبة بيض + قرصة ملح + 2 خميرة كيميائية + حليب أو ماء دافئ
حطي الفرينة + المارغرين طريها بيدك متذوبيهاش+ قرصة ملح و بسي مليح بيدك زيدي حبة بيض و خلطي مليح ثم الخميرة و لمدي بالحليب أو الماء حتى تولي شوية يابسة على عجينة البقلاوة
خليها ترتاح
اقسميها 4كريات شوية كبار و حلي كل كرية و اقسميه على 6

حلي كل قطعة في الماشينة ابتداءا من الرقم 2 ثم 4 ثم 6 ثم الرقم الأخير
خليها طويلة و رشيها بالمازينة كثري شوية

لويها حربوش ما ترخيش اضغطي شوية كي تكوني تلوي

قطعيها مقروطات شوية صغار كل واحد كيفاش يحب صغار أوكبار الحربوش اقسميه على 3 مقروطات


ضعي حلال رقيق في وسط المقروطة و اضغطي مليح

ثم مشي بشوية حتى يخرجو الحواشي ثم مشي الحلال فوق الحواشي جهة واحدة دوري للأسفل و الأخرى للأعلى حتى تولي هكذا


سخني الزيت مليح و يكون الزيت غزير ثم نقصي للنار و اقليهم مع رمي الزيت فوقهم عند القلي
ثم عسليهم مليح يجو هايلين ومورقين عن تجربة عدة مرات



أعتذر الصور غير واضحة شهية طيبة

[faizarbh]

رووووووووووووعة و كل شيئ ره واضح

[sisi 26]

انت الاروع شكرا لمرورك نورتيني

[بشرى2008]

بارك الله فيك

[benlahlo]

يعطيك الصحة حلوة لذيذة وشهتيناوهذا الوقت .

[benlahlo]

لكن مفهمتش حاجةلهي دوري للاسفل وللاعلى كيف ذلك .

[linat]

بارك الله فيك

[امال7]

يعطيك الصحة

[*سماح 94*]

ماشاء الله عليك ختي شاطرة في دروسك
راهم هايلين

[gateau algerien]

wasfa ana nhabeha bezzaf we dayretha:

[*ام رامي*]

يعطيك الصحة يا الشاطرة
هايلين

[زهرة البيلسان البرية]

ربي يحفظك ختيتو ،، طريقة واضحة جدا يعطيك الصحة

[sisi 26]

المشاركة الأصلية كتبت بواسطة بشرى2008

بارك الله فيك

و فيك بركة

[sisi 26]

المشاركة الأصلية كتبت بواسطة benlahlo

يعطيك الصحة حلوة لذيذة وشهتيناوهذا الوقت .

الله يسلمك حنونتي

[sisi 26]

المشاركة الأصلية كتبت بواسطة benlahlo

لكن مفهمتش حاجةلهي دوري للاسفل وللاعلى كيف ذلك .

كي تعودي تحلي فيها دوري و عوجي في اتجاه الأعلى و الجهة الأخرى دوري للأسفل