Boules au chocolat

[*رتاج الكعبة*]

السلام عليكم ورحمة الله وبركاته


اليوم جبتلكم مقادير كريات الشوكولاطة سهلة ولذيذة..


المقادير:
250غ زبدة ذايبة-بيضتان -1 خمارة -2ملاعق كبار كاكاو-2ملاعق ك سكر ناعم--كاس مايزينة-فرينة -عسل

-للعقدة نحتاج بياض بيضة-كاس ونص قاوقاو محص ومطحون-ملعقة فانيليا-نص كاس سكر ناعم


للتزين:

شوكولاطة-رقائق اللوز


-في صحن غامق نحط الزبدة السكر والبيض ونخلطهم مليح باليد نضيف الخمارة-المايزينة الفرينة حتى نتحصل على عجينة طرية


-تحضير العقدة:

نخفق بياض البيض ثم نضيف السكر الناعم-لافاني ونخلط مليح بملعقة خشبية ثم نضيف القاوقو المطحون والمقلي ونلمهم مليح ونشكل كويرات صغيرات قد حبة البندق


-نشكل كويرات صغيرة من العجين ونحشيها بقليل من العقدة ونغلقها جيدا ونضعها فالفرن لمدة 20 دقيقة على نار متوسطة
وعندما تجهز نعسلها ثم نغمسها في الشكولاطة ذايبة وتزين برقائق اللوز او الكاوكاو مرحي ونتركها تجف







وبالصحة والعافية