كوفرولي للبيبي بمراحل ااخياطة

[ام حمزة22]

السلام عليكم ورحمة الله تعالى وبركاته
كنت حطيت من قبل موضوع نبحث فيه عن مودال كوفرولي ولقسيت بعض الردود لي ساعدتني في فكرتي
دورت هدوك البياسات شحال من دورة باه تحصلت على هاد المودال ان شاء الله يعجبكم والشرح يكون مفهوم
واتمنى ما نكونش غلطت في اختيار القسم لوضع هاد الموضوع
قبل ما نحط الصور نشرح المراحل
خدمت هاد البياسات والحاشية نتاع الكروشي وكنت مزروبة باه نكمل وخلاص ما جاتنيش الفكرة باه نحط شرح البياسات حتى ولو حطيت ما نعرفش نشرح كيما المتخصصات في هاد المجال ربي يحفضكم ويخليلكم صحتكم
الا حبيتو تضحكو عليا حتى القماش شريتو بزرب وما حسبتش شحال يلزملي للكوفرولي
المهم راني كملتو وقدرت نتحصل على كوفرولي ومخيييييدة صغيييرة هههههههه
خليت الساتان على حالو نقست طرف للمخدة
وحطيت لاوات تحت الساتان ثم شديتو بالمساسك باه ما يتحركش ويجينا معوج من بعد نخيط بغرز متباعدة لتتييت لاوات مع الساتان
بعد التتبيت نحط البياسات والحاشية ونمسكهم ثم نفوفيليهم باه كي نخيطهم في المشينة ما يهربوليش البياسات
ما ديروش الغلطة ديالي مسكتهم من بعد خيطتهم بالمشينة جاتني صعوبة فالخياطة و تحركت البياسات بعض الشيئ من مكانها
بعد ما خيطنا البياسات نشبح بوردات كنت خدمتهم بالحاشية الورود الصغيرة فيهم 12سم والكبيرة 24سم
بعد دالك نخيط اطراف الكوفرولي ونخلي فتحة صغيرة باه نقلب الكوفرولي على الوجه ديالو ونركب الحاشية البيضاء دات التكماش وكنت خيطتلها في وسطها الحاشية الوردية
وان شاء الله الشرح يكون مفهوم في الصور
اما عن الوسادة بعد ما نخيط البياسات ونشبحها بالورود في اسفل الوسادة نركبلها الفرميتور باه جينا ساهلة كي ندخل الوسادة لي جي من داخل ولي عمرتها ببقايا لاوات
ارجو من المتخصصين فالكروشي الا شافو اخطاء في مصطلحات الكروشي يخبرنني وشكرا مسبقا