راني خايفة نتمنى تنصحوني واش ندير - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى الأسرة و المجتمع > قسم مشكلتي

قسم مشكلتي هنا يمكنك طرح أي مشكلة تواجهك بواسطة الاستعانة بخدمة الوسيط

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

راني خايفة نتمنى تنصحوني واش ندير

موضوع مغلق
 
أدوات الموضوع انواع عرض الموضوع
قديم 2013-08-24, 13:22   رقم المشاركة : 1
معلومات العضو
مشكلتي
العضوية خاصة
 
إحصائية العضو









B8 راني خايفة نتمنى تنصحوني واش ندير

السلام عليكم اخواني اخواتي نهاركم مبروك
اليوم حبيت نفرغلكم قلبي و تنصحوني الله يجازيكم
انا فتاة عندي قريب 19سنة نجحت هاذ العام في الباك في بداية السنة بعد ما قرينا شهرين جا عندي استاذ الفرنسية و قالي انو راه حابني في الحلال و ميحبش الحرام بعد ما لاحظت معاملتو المليحة معاي و هو متربي و اخلاق و ادب الله يبارك انا شاورت دارنا و بابا قالي نعرف اخواله ننصحك بيه انا قبلت و جا و جاب دارهم تمت الخطبة في ديسمبر الماضي كي عرفو صديقاتي والله بدل ما يباركولي وسوسوني من جيهته وحدة تقولي ماشي شباب (رغم انه مقبول والله ما ناقصه والو) و وحدة تقولي كبير عليك بزاف (عنده 30سنة) حيروني و هو كان يحكي معاي غير كي نخرجو والله في حدود قهرتني اقرب صديقة ليا كي قاتلي نبقى بايرة طول حياتي و منتزوجهش و انا تحديتهم و قبلت بيه و رغم المشاكل بقا لاصق فيا و مصر باش يتزوجني مننكرش انو اصرارو و اهتمامو بيا خلاني نحبو بزااااااااااف المهم قبل اسبوع تم العقد الشرعي و بما انو صار زوجي ولينا نحكو فالبورطابل و كي عرفو صحاباتي بالعقد بدل ما يجو يباركولي جاو قنطوني هكاك و مسمعتلهمش قلتلهم كي نحبو و يحبني خلاص حتى فيقتني وحدة كي قاتلي "عندك الجرأة تتزوجي استاذك و................???? " نتمنى فهمتو انا فيقتني و الله من اللي راحو و انا مبلعة على روحي و نبكي خفت منو يعني صاحبتي عندها الحق كيفاش رايحة نواجهو ليلة العرس والله نموووووووووووت خجلا عيطلي البارح يسقسي عليا صرخت عليه هو حار قالي واش درتلك كوبيت عليه و مزدتش رديت و انا راني غير نبكي معلاباليش علاه راني حاسة انو راني خايفة منو رغم انو الطف البشر محكيتش حتى لواحد من غير اختي راني حايرة كيفاش نواجهو ليلة العرس خايفة و خجلانة كل ما نفكر في هاذيك الدقيقة انهمر بكاء خاصة ان عرسي بقاله اسبووووووووووع واش ندير راني اتعس عروس رغم اني نحب خطيبي و نموت عليه قولولي راني نورمال كي راني خايفة منو في هاذيك الليلة نصحوني ارجوووووكم و شكون اللي صرالها كيفي و الله كلشي بسبب صاحبتي و كان ماشي هي انا منخممش كامل في هاذيك اللحظة
ادعوووووووولي ارجوكم و انصحوني الله يجازيكم راني حابة نفرح كيما البنات
اسمحولي طولت عليكم اسفففففففففففففففة و شكرا مسبقا









 


قديم 2013-08-24, 13:56   رقم المشاركة : 2
معلومات العضو
القذافي999
عضو مميّز
 
الصورة الرمزية القذافي999
 

 

 
إحصائية العضو










افتراضي

هاذو شياطين الانس و الجن راهم دايرين بيك


ربي يوفقك معاه










آخر تعديل ناصرالدين الجزائري 2013-08-24 في 17:40.
قديم 2013-08-24, 14:16   رقم المشاركة : 3
معلومات العضو
Angleeyes
عضو مبـدع
 
الصورة الرمزية Angleeyes
 

 

 
إحصائية العضو










افتراضي

؟؟؟؟؟!!!!دوختيني يا الاخت و علاه كي يكون راجل وحد آخر ماكيش رايحة تحشمي و تخافي هديك الليلةً؟؟؟ هذي الحاجة طبيعية الطفلة بطبيعتها تحشم و زيدي راكي تحبيه ماتخافي ماوالو وصحباتك هذو تافهين من الأحسن تبعدي عليهم بالتوفيق










قديم 2013-08-24, 14:37   رقم المشاركة : 4
معلومات العضو
أمة الله 12
عضو فعّال
 
إحصائية العضو










افتراضي

حسبي الله و نعم الوكيل في صحباتك

شياطين الانس هاذم ماهمش صاحبات,

أختي باينة خلاص راهم غايرين

ماديري والو في بالك, و الخوف و الحشمة فيها فيها أستاذك و لا غيرو

نصيحة أقطعي علاقتك بيهم خلااااااااااااااااص, ماتعرضيهم لعرسك ما تزيدي تخلي أخبارك توصلهم



مبروك عليك, ربي يهنيكم و يدوم العشرة و المحبة مابيناتكم
بيش تعرضيني للعرس










قديم 2013-08-24, 14:45   رقم المشاركة : 5
معلومات العضو
اسماء الشريفة
عضو مجتهـد
 
إحصائية العضو










افتراضي

ربي يوفقك لى مافيه خير

هذي مرحلة صعبة خاصة وانك مازلت صغيرة

ان شاء الله تتعودي وتعيشي احلى الايام










آخر تعديل ناصرالدين الجزائري 2013-08-24 في 15:53.
قديم 2013-08-24, 14:50   رقم المشاركة : 6
معلومات العضو
لكحل بلال
عضو متألق
 
الصورة الرمزية لكحل بلال
 

 

 
الأوسمة
وسام العطاء في منتدى التعليم الثانوي 
إحصائية العضو










افتراضي

عندي زميلة تزوجت استاذها والامور مشات على ما يرام والحمد لله
هذا تفكير ضيق ختي
نورمال هذا حلال ماشي حرام
الله يهنيك ويفرج عليك ماتقلقي ماوالو عادي والله وش فيها تزوجي استاذك ،، بالعكس حاجة مليحة ربي يسهلك في عرسك وتتهناي في دار اهلية الزوج وتفرحينا
بوليد ولا بنية ههه ومتسايش تسميه بلال ولا أنس هههه ايا ربي يسهلك ،،










قديم 2013-08-24, 14:51   رقم المشاركة : 7
معلومات العضو
ايمان نور الجزائر
عضو مميّز
 
الصورة الرمزية ايمان نور الجزائر
 

 

 
إحصائية العضو










افتراضي

اه يا اختي يا من يامن بنات حوااااء
هاذا قع من الغيرة والحسد.....ونتي ديري عليهم كي المهبولة
ما تسمعيلهمش قع........قولهم ديت مكتوبي وراني راضية بيه
وننصحك تجبدي روحك عليهم تماماااااااااا
++
رجال قع كيف كيف استاذ .......والا بطال..........والا طياااااااااااار
طبيعة البنت تحشم..............وعند ربي راح يكون زوجك وكل شيء مباح في الحلاااااااااال
اطردي وساوس الشيطان وعيشي حياتك هذا وين بدا
ت









قديم 2013-08-24, 15:05   رقم المشاركة : 8
معلومات العضو
مراد سابقا
محظور
 
إحصائية العضو










افتراضي

يا أختي بصراحة شديدة

أنا نشوف في المراهقات هوما لي يتلاحوا على الرجال

وأنت خائفة

والله ضحكتيني










قديم 2013-08-24, 15:07   رقم المشاركة : 9
معلومات العضو
أسومة المتفائلة
عضو مميّز
 
الصورة الرمزية أسومة المتفائلة
 

 

 
إحصائية العضو










افتراضي

انا تبانلى مكانش حتى مشكلة راكي برك تضخمي فى الامور

وتقولى عليهم صديقاتك هادي صحبة هادي
اخطيك منهم هادو شياطين يكونو غيرانين منك برك
ربي يهنيك ويسعدك
الف مبروك العقد
ربي ييسر امورك










قديم 2013-08-24, 15:07   رقم المشاركة : 10
معلومات العضو
~~ أغيلاس ~~
عضو متألق
 
الصورة الرمزية ~~ أغيلاس ~~
 

 

 
إحصائية العضو










افتراضي

السلام عليكم،

أنصحك أن تقاطعي صديقاتك كليا كليا،

هؤلاء الصديقيات حسودات و غيارات،

يا بنتي الغيرة راهي قاتلتهم،

قلوبهم راهي تحرق،

المرة القادمة لويكلمك خطيبك اطلبي منو السماح، عيب تعيطي عليه يقدر حتى يفسخ الخطبة و تبقاي نادمة،

قوليلو كنت مدمرة نفسيا و اسمحلي كي عيطت عليك،

بالنسبة للخجل عادي جدا هذه فطرة في البنت و التي لا تخجل مطلقا حالة استثنائية،

الاستاذ راهو استاذ في المؤسسة التروبوية فقط، أما في المنزل ميصيرش قع استاذ،

خطيبك اللي راكي تشوفي فيه استاذ مثالي بعد الزواج راح تشوفي وجهو الحقيقي، شاب ككل الشباب، شخص عادي جدا، يقسر، يتمهبل، يزهى ( في المعروف طبعا )، حتى أنك لن تتصوري مطلقا أنه هذا هو الاستاذ الجدي في القسم،

مديريش قع في بالك راكي مخطوبة لأستاذ،

و مرة ثانية اخطيك من هاذوك الغيارات الحسادات،

محملوهاش،

الششششششههههههههههه فيهم،

يخي ستوتات يخي .










قديم 2013-08-24, 15:11   رقم المشاركة : 11
معلومات العضو
بلسم غرام2018
عضو محترف
 
الصورة الرمزية بلسم غرام2018
 

 

 
الأوسمة
وسام المرتبة الثانية 
إحصائية العضو










افتراضي

طبيعة البنت تحشم..............وعند ربي راح يكون زوجك وكل شيء مباح في الحلاااااااااال
اطردي وساوس الشيطان وعيشي حياتك هذا وين بدا
ت










قديم 2013-08-24, 15:50   رقم المشاركة : 12
معلومات العضو
قَاسِمٌ.قَاسِم
عضو فضي
 
الصورة الرمزية قَاسِمٌ.قَاسِم
 

 

 
الأوسمة
وسام الوفاء المواضيع المميزة 2014 وسام المرتبة الثالثة الموضوع المميز لسنة 2013 
إحصائية العضو










افتراضي

موضوع فيه بعض الحلول لهذه الإنشغالات
وبعض خبرات الإخوة والأخوات
۞ظاهرة زواج الأساتذة من تلميذاتهم بين الواقعية والاستغلال!!۞۝
ننتظر بصماتكم ووقصصكم الشخصية










قديم 2013-08-24, 16:04   رقم المشاركة : 13
معلومات العضو
khawlita.dz
عضو مميّز
 
الصورة الرمزية khawlita.dz
 

 

 
إحصائية العضو










Icon24

لا تلقى بالا يا اختى لكلام هؤولاء الصديقات فليست كل صديقة صدوقة و تتمنى الخير لك كما تظنين
ربما هى غيرة منهن فلا تلتفتى ان كلن رجلا تقيا مؤمنا مسؤولا و يحبك
و عيشى اللحظة بلحظتها
استرشدى باراء اخواتك و من يحب لك الخير لا بصديقات لا خير فيهن فلو كان به عيب و نبهنك نقول مقبول لكن ان ينفرنك منه بدون سبب اظن انها غيرة منك و الله اعلم
وفقك الله










قديم 2013-08-24, 16:06   رقم المشاركة : 14
معلومات العضو
« أبْجَدِيَّاتْ »
عضو محترف
 
إحصائية العضو










افتراضي

عليكِ السَّلام و رحمةُ الله..
أعرفُ الكثير من الفتيات اللّواتي تزوّجنَ أسَاتذة وهنَّ الآن ينعمنَ بحياةٍ طيّبَة..
والدةُ صديقة أختي تزوَّجت أستاذها وهو يبلغُ 33 سَنة بينمَا كَانت في التَّاسعةِ عشر من عُمرها..
و اليومَ هي مُحاميَة، وهو لا يزالُ يعملُ أستاذًا، و رزقهُم الله 4 بناتٍ أكبرهُنَّ تخرَّجَت قبلَ عامينِ مع أختي صيدليَّة..
و الثَّانية التَحقَت بجامعةِ أختِها العامَ الماضي..
لا أفهمُ أينَ العيبُ الذِّي تراهُ صديقاتُكِ في الأمر.. بل أحسَبُهُنَّ تشعُرنَ بالغيرة والله أعلم..
فلابُدَّ أنَّهُنَّ لاحظنَ مُعاملتهُ الطَّيّبة نحوَك فأخذَتْ من أنفُسِهِنَّ الغيرةُ مأخذًا..
اقتربَ عُرسُك يا جميلة فافرحي و سَارعي إلى طلبِ العفو من زوجِك.. و دعيكِ من أقوال البَنَات..
( و ما تخلّيهمش يفزّدو عليك فرحتك ).. فإن كرّرت فتاةٌ أخرى على مسَامِعك تلك الوسَاوِس الخبيثَة
إسخَري ممَّا تقُول و اقطعي صِلتكِ بها..

وأمّا الخجل، فهي فِطرتُكِ التيِّ جُبِلتِ عليها أختي، ولا حرجَ في الأمر..
و الحقيقةُ أنَّني لا أدري ما أقولُ هنا ( فأنتِ بمثلِ سِنيِّ )
ولكن.. حاولي أن تجعلي من الجوّ
الذي يجمعكما جوّ مُزاحٍ و ملاطفة
كي لا تشعُري بثقلِ الحَدِيث..
و ستَعتادينَ بمرور الأيّام ان شاءالله..

( كِدتُ أنسىَ أن أنصحكِ بتغيير شريحة الهاتف المحمول كي لا تُزعِجَكِ اتّصالاتهنّ.. )

و باركَ الله في زواجكُما و يسَّرَ أموركُما و جعل الهناء و السَّعادة لا تفارقكما ..











قديم 2013-08-24, 16:08   رقم المشاركة : 15
معلومات العضو
هيا الجزائر
عضو متألق
 
الصورة الرمزية هيا الجزائر
 

 

 
إحصائية العضو










افتراضي السلآمـ عليكُمـ و رحمـة الله و بركآته

و أتريـــن أختـي هآتـه مُشكلـة
هآتـه سُنـة الحيآة
أتأسـف لمآ يُختـصر الزوآج بتِلكـ الليلـة فقـط

هُو حقاً مـن طبـع الْبـنت الخجـل فـي الأول لكـنكـ ستعتآديــن زوجكـ

+


و أتعتقديـــن سيُعآملكـ كمآ يُعآمل تلآ مذته
بالطبـع لآ
أنت ستكُونيـن زوجتـه و شريـكـة حيآتـه
أمآ صديقآتكـ لسـن كذلكـ
إفرحـي بعرسـكـ يآ مهبـولـة و عيـشي أيآمـ أحلـى مـع زوجكـ










موضوع مغلق

الكلمات الدلالية (Tags)
تنصحوني, خايفة, راني, نتمنى, ندير

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 15:22

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc