مقرونة بالصالصة تونسية 100% و بالتفاصيل :)

أنا أمهم · 2012-04-09, 15:18

السلام عليكم و رحمة الله و بركاته
بسم الله

هذه طريقة طبخ المقرونة بالصالصة بالطريقة التونسية ( ما نعرفش اذا انتم في الجزائر تطيبوها بنفس الطريقة و الا لا )

المقادير :

500غ مقرونة
قطع دجاج مفوح بالكركم الملح الفلفل الاسود (كليل و زعتر مرحين) 1 م ك زيت زيتون
4 م ك طماطم معجونة - نصف م ك فلفل احمر مرحي (بابريكا) - ملح حسب الرغبة - اوراق رند (من الاحسن ما زالو خضر و معاهم عودهم) - م ص فلفل اسود - م ص كركم - راس ثوم مهرس - قرابة 100 مل زيت نباتي - 2 بطاطا مقطعة كبيرة - كاس جلبانة (أو حمص منفخ)

تقلي الزيت مع ( الطماطم.فلفل احمر.ملح.فلفل اسود.رند. كركم.دجاج مفوح) كاس صغير ماء لمدة 10 دقائق مع التحريك حتى يتنحى المطعم الحامض للطماطم و هذه نقطة هامة و تعرفها وقت اللي الزيت و الطماطم ينفصلو على بعضهم و الماء الكل ينشف بهذه الطريقة :

بعد تحطي البطاطا و الجلبانة و ثلثي كمية الثوم المهرس و تمرق بالماء (حتى يتغطى الدجاج و البطاطا بالمرق) و تخلي الصالصة تغلي مدة نصف ساعة أو أكثر , تفقدوها كل مدة و حركوها شوية. (هنا تلاحضو اللي ريحتها البنينة وصلت لاخر الشارع )

اذا البطاطا طابت خرجها في صحن باش ما تتفتتشي في الصالصة

كي تطيب المكونات الكل خفف على النار(اذا عندك فلفل اخضر تحطيه في هذه المرحلة) و خليها تصير خاثرة (كثيفة) و تقر زيتها هكذا :

اول ما تظهر قطرات الزيت من فوق (اي قرت زيتها بالتونسي) تحط بقية الثوم المهرس , تحركها و تبعدها على النار, ما تنساش باش تغطيها , لازم.
بعد 5 دق خرج الدجاج و البطاطا (اذا ما خرجتيهاش قبل) من الصالصة

من ناحية اخرى اسلقي المقرونة في (ماء يغلي + ملح) , اول ما تطيب صفيها من الماء و صبيها على الصالصة

حركيها و حطيها في صينية كبيرة( اذا العائلة تاكل مجتمعة حطي البطاطا و الدجاج و الفلفل من فوق)

أو قدمي لكل شخص في صحن وحده

في التقديم يمكن تحط عليها من فوق جبن مرحي

و صحة و بالشفاء
نتمنى تجربوها اذا هي مختلفة على طريقتكم.

الأمنيات · 2012-04-09, 18:37

أنا أمهم · 2012-04-10, 10:09

شرفني ردك أختي الامنيات
اما يظهرلي اللي الاخوات ما عجبتهمشي (مع انها بنينة )
يمكن ذوق كل بلاد يختلف على البلاد الاخرى
مش مشكل المرة الجاية نحاول نجيب وصفة من ذوق اهل الجزائر الغاليين

من اجتهد وأصاب فله أجران و من اجتهد و لم يصب فله أجر واحد (أنا عندي أجر واحد ان شاء الله

ماما ليث · 2012-04-10, 10:36

مقرونة تشهي

loubna2 · 2012-04-10, 10:43

شكرا اختي الحبيبة على الوصفة الهايلة
صراحة راني من محبات الاكل التونسي ممممممممممم خاصة المقرونة التونسية الطواجن والمقروظ المقلي والملوخية يا عيني على الملوخية
صراحة شرحك مفصل جدا
خاصة العفسة تاع تقر اي تطلق الزيت معلومة مهمة
شوفي نجرب طريقتك انشاء الله
ومرحبا بيكي وسطنا احنا اخواتك الجزائريات
اكيد مردوش لانو الوصفة جديدة اصبري برك
ويا حبذا تزيدي تحطي لنا طريقة طياب اللوخية والمقروظ المقلي واطباق اخرى

مرحبا بيكي بيناتنا

واعتبريني اخت لك

بنت الطيب · 2012-04-10, 10:47

يعطيك الصحة اختي والقرونة التونسية ذقتها وفعلا لذيذة ربي يبارك وان شاء الله نجربها

rock on · 2012-04-10, 13:48

فعلا راهي تشهي ربي يبارك وان شاء الله نجربها

أنا أمهم · 2012-04-10, 14:41

اقتباس:

المشاركة الأصلية كتبت بواسطة ماما ليث

مقرونة تشهي

مرحبا بيك ماما ليث في موضوعي و ربي يباركلي فيك

أنا أمهم · 2012-04-10, 14:48

اقتباس:

المشاركة الأصلية كتبت بواسطة loubna2

شكرا اختي الحبيبة على الوصفة الهايلة
صراحة راني من محبات الاكل التونسي ممممممممممم خاصة المقرونة التونسية الطواجن والمقروظ المقلي والملوخية يا عيني على الملوخية
صراحة شرحك مفصل جدا
خاصة العفسة تاع تقر اي تطلق الزيت معلومة مهمة
شوفي نجرب طريقتك انشاء الله
ومرحبا بيكي وسطنا احنا اخواتك الجزائريات
اكيد مردوش لانو الوصفة جديدة اصبري برك
ويا حبذا تزيدي تحطي لنا طريقة طياب اللوخية والمقروظ المقلي واطباق اخرى

مرحبا بيكي بيناتنا

واعتبريني اخت لك

يا لبنى فرحتني برشة و شرفتني انك تعتبرني اخت ياربي نكون عند حسن ظنك

و اول شرف هو اني نتعرف على الاخوات الجزائريات

و بالنسبة لاقتراحاتك ان شاء الله اول ما تتوفر عندي المكونات نصورلك الطريقة
تقبلي مني كل احترامي

أنا أمهم · 2012-04-10, 14:50

اقتباس:

المشاركة الأصلية كتبت بواسطة بنت الطيب

يعطيك الصحة اختي والقرونة التونسية ذقتها وفعلا لذيذة ربي يبارك وان شاء الله نجربها

مرحبا بيك بنت الطيب
الله يخليك
ان شاء الله تجربيها و تضبط معاك
صحة و بالشفاء مقدما

أنا أمهم · 2012-04-10, 14:53

اقتباس:

المشاركة الأصلية كتبت بواسطة rock on

فعلا راهي تشهي ربي يبارك وان شاء الله نجربها

يشرفني ردك أختي
إن شاء الله تجربيها و تنجحلك
هي ساهلة و احنا في تونس اول حاجة نتعلموها خاطرها ساهلة

موفقة

manel.nina · 2012-04-10, 16:43

mmmmmmmmmmmm ki chofte almakarouna tfakarte tounes alkhadra baina thabel

ya3tik asaha mane fadlak okhti

lakane takadri thotili makadire tajine jbane rani anmoute 3lih ta3 tounes o youyou jarabtou mais majaniche mlih

chokrane lik

zitoukar · 2012-04-10, 17:07

شكراااااااااااااااااااااااااااااااااااا لك اختي لقيتيني حايرة في العشاء ذرك نطيبها ولداي يحبو بزاف المقرونة

*سماح 94* · 2012-04-10, 17:14

يعطيك الصحة ختي
بارك الله فيك تبان مليحة

بشرى2008 · 2012-04-10, 17:39

مشكوووووووووووووووووووورة