كرواسون بشكل جديد

aphrodite16 · 2014-02-23, 18:59

السلام عليكم
مساء الخير حبيباتي و اخوااتي
موضوعي اليوم راح يكون عن الكرواسون لكن بشكل جديد نتمنى يعجبك و تجربووه

المقادير:
3اكواب فرينة
ملعقة خميرة فورية
بيضة
ملعقتين كبيرتين زبدة
ملح
ملعقتين سكر
ملعقتين ياغورت
ملعقةصغيرة خميرة الحلويات
نصف كاس حليب دافئ
ماءدافء للعجن
100غ زبدة مع ملعقتين زيت للدهن بين الطبقات

الطريقة:

اول شيءندفي الحليب و الزبدة حتى تدوب و نضيف للخليط البيضة و قطرتين خل او فانيليا

باناء نمزج النواشف دقيق و ملح و سكر و الخميرة بنوعيها تم الياغورت
ونضيف خليط الحليب و البيض و الزبدة
ثم شوي شوي الماء حتى نحصل على خليط لين يلصق باليد نعجنو ميييح و نخليه حتى يتضاعف حجمو

قسمت العجين 4 قطع متساوية بسطتها لدوائر كلما كانت كبيرةاحسن

نضع الزيت تسخن و نضيفها على الزبدة و نخلطوهم راح نتحصلو على خليط كريمي

ندهن بين الطبقات

ونتحصلو على 4طبقات فوق بعض بالحلال نرققوهم شوية باش ما تجينيش خشينة بزاف

نشكلو منها مثلثات

كل مثلث شكلت منوحبة كرواسون قسمتها نصفين

وحطيها في صينية مدهونة زبدة على هدا الشكل
اخر حبة كرواسون قسمتها على 4 قطع ووضعتها بالوسط

نسقيها بقليل من خليط الزيت و الزبدة و نخلوها تخمر حتى يتضاعف الحجم تاعها

دهنتها بخليط صفار بيضة و حليب و قطرات خل

ونطيبوها في فرن مسخن مي ما يكونش سخون بزاف باش تطيب مليح من برا قبل ما تتحمر
و هدا الشكل النهائي تاعها

ان شاء تعجبكم و تجربوههااا

narifati · 2014-02-23, 19:30

كثير من ناس عنهم طريقة لصنع المارنج كما مان وحود وتخرجلهومش عليها حطتلكم هذي الوصفة المكونات
3 بياض بيض
رشة ملح
1/2 ملعقة صغيرة عصير ليمون
1 ملعقة صغيرة فانيليا
150 جرام سكر
طريقة التحضير
يخفق بياض البيض مع رشة ملح حتى يصبح رخوا
يضاف اليه عصير الليمون والفانيليا ويخفق حتى يصبح متماسكا
يخفق مع السكر على ثلاثة مراحل مع الخفق جيدا ً بعد كل اضافة حتى يصبح متماسكا ً تماما
يضخ على صينية فرن مجهزة بورق الخبز.
يخبز في فرن بدرجة حرارة 100 درجة مئوية حتى يصبح هشا ً وخفيفا ً( من ساعتين الى 4 ساعات تقريبا ً حسب الفرن).