صنع في الصين made in china

الفاطمي محمد · 2012-09-10, 18:53

يحكي لي صديق قصة بحثة عن بناء ينهي له بعض اعمال التبليط في بيته و بعد بحث طويل وعناء اخيرا وجد احدهم من
" اولاد البلاد " ليتفق معه على موعد في اليوم الموالي طبعا جاء البناء " ولد البلاد " وقيم العمل وقدر له فترة زمنية اسبوع من الاشعال واتفقوا على التكلفة مع بعض الشروط اهمها وجبة غذاء جيدة اؤكد جيدة خلال العمل لشخصين طيلة اسبوع بقي فقط موعد الانطلاق الذي حدد بكلمة " قريب " ظل صاحب البيت ينتظر يوما بعد اخر ليطول انتظاره ليرشده صديقه الى فكرة الاستنجاد بعامل صيني حيث ان الامر كان اشبه بحلم اتصلوا بالعامل واتفقوا على كل الترتيبات وانطلق العامل الصيني في الاشعال في فترة لم تتعدى 24 ساعة بل اكثر من ذلك لم تستغرق الاشغال اكثر من يومين ونصف ولم يشترط اي شيء بل ان الاجرة التى تلقاها كانت اقل بكثير مما طلبه " ولد البلاد " فضلا عن الفترة التى اختصرها من اسبوع الى اقل من ثلاثة ايام
بربكم هل نحلم يوما بكلمة صنع في الجزائر تعود من جديد الى قمصاننا على الاقل ؟
ان كنا لا نقوى على منافستهم حتى في الاشعال العضلية التى لا تتطلب جهدا فكريا قطعا لم يبقى لنا شيء تعودوا على كلمة "صنع في الصين " يا جماعة بكل اسف

le fugitif · 2012-09-12, 07:27

قلة البنائين وكثرة الطلب وراء تدلال وليد لبلاد

ChihiHD · 2012-09-12, 13:09

نقلك حاجة البنائين انتاعنا نهابين

setouta · 2012-09-12, 13:42

البنائين الجزائريين و المقاولين همهم المال و ملء الجيوب لا غير

و اذا شافو البراني يخدم يبداو يحطو و يهدرو لبلاد ما خدمتناش

كيما صرا فالباراج تاع سطيف وليد لبلاد سرق و كي شافو تاع الصين راح شكا بيه

البراني ولا يخمم على لبلاد

~~Terrified-dz~~ · 2012-09-12, 14:38

دائما تنتقصون من قيمة وليد البلاد و تمجدون الاجانب
هده هي مشكلتنا و لن تقوم لنا قائمة ما دمنا نمجد الاجانب
اعرف الكثير من الجزائريين يتقنون العمل و الف مرة احسن من الشناوة
وليس كما تعتقد ان كل الجزائريين كسالى يوجد شباب يريد الشغل و لكن لا حياة لمن تنادي

valaek · 2012-09-12, 15:06

شكرا على الموضوع

shiva · 2012-09-12, 22:18

اقتباس:

المشاركة الأصلية كتبت بواسطة terrified-dz

دائما تنتقصون من قيمة وليد البلاد و تمجدون الاجانب
هده هي مشكلتنا و لن تقوم لنا قائمة ما دمنا نمجد الاجانب
اعرف الكثير من الجزائريين يتقنون العمل و الف مرة احسن من الشناوة
وليس كما تعتقد ان كل الجزائريين كسالى يوجد شباب يريد الشغل و لكن لا حياة لمن تنادي

الحق احق ان يقال , البناء الجزائري لا يتقن عمله عندما يبني بيته الخاص فما بالك ببيوت الآخرين . يمكن مناقشة و تحليل أسباب الظاهرة لكن لا يمكن إنكارها .

الباجيرو · 2012-09-13, 08:13

في السابق فضلتو بنات البرى على بنات لبلاد وقلنا بلاك ضاهرة وتزول

وثاني الماصوات ايا براكات يزي...

همسة مشاعر · 2012-09-13, 08:46

حنا مشكلتنا حتى في خدمة كيما هذي نتكاسلو ومنخدموش احنا نستعرو من الخدمة هذي كون جاء كل واحد يبني في بيتو خير على الاقل مايبقاش يديرونجي في الغاشي ويضيع وقتو
خدمة البناء انا تعجبني الجزائريين يشوفو بالي راح تاع ناس معندهمش شهادات وفقراء برك وهي والله مهنة ديكور وتعب فكري انا عمي دكتور جامعة ودارو كرلجها هو كامل وخدم كوزينتو لانو ملقاش ماصو
الخدمة هذي لو يعلموها لنساء انا وحدة نخدمها واش فيها
ذرك البناء تطور

همسة مشاعر · 2012-09-13, 08:48

زيد حاجة اليابانيين والاصينين راهم يحبو يخدموديما باش يقدرو يعيشو

سوسو92 · 2012-09-13, 12:47

كاين منها دايما يشكوا من قلت الخدمة في الحين هم لايصلحون للاعمال الشاقة باغين غير خدمة البيرويات

Dj BoBo · 2012-09-13, 14:24