الدرس الخامس عشر من دورة تعليم الحلويات

*أم كوثر* · 2012-01-14, 15:58

السلام عليكم
اليوم حبيت نوريلكم طريقة كيكة سهلة و لديدة وكما لي تتباع برا
علبالي بلي الكيكة ماشاء الله كلكم ماهرات في اعدادها و ايضا في تزيينها
لكن وضعت هدا الدرس فقط من احل ان اعرفكم على كريمة طيبة ولديدة متل اللي نشوفوها عند بائع الحلويات
شحال من مرة نتساءل عن الكريمة اللي يديرو بيها الباتيسري برا
نقصد كريمة الزبدة ,جربت شحال من وصفة لكن مداقها ما يجيش كما تع برا و لا لونها الفاتح
و اخيرا و بعد بحث و تنقيب هههههههههههه وجدت الوصفة السحرية
نبداو بالكيكة
4 بيضات و كاس سكر عادي نضربوهم مليح
نزيدو كاس فرينة و 1 خميرة حلوى و نخلط
الصور توضح

الان نحضر الكريمة
ساااهلة و غير مكلفة
نحتاج ماء و نشاء و سكر و زبدة فقط
نجيب بول تع ماء كما هدا

مليئ ماء مع 8 مغارف كبار سكر على النار يغلي 5 د و نطفي عليه
على جنب 8 مغارف ماء ندوب معاهم 4 مغارف كبار نشاء

و نحطهم على نار قليلة فوق السيرو اللي حضرناه حتى يثقل الخليط

و نخليه يبرد تماااااما لازم يبرد

لما يبرد نحطه في انا و نضربو مع
من 150غ زبدة الى 180 غ
الزبدة تكون قطع و كلما كانت نوعية الزبدة جيدة كانت الكريمة رااائعة
و نخبط بالباتور

حتى نكمل الكمية كلها

و كلما نخبط تزيد الكريمة تبياض اكتر
في الاول رح نلاحظ ان الزبدة انفصلت و نشوف شوية ماء في الكريمة واصلو الخلط على سرعة عالية سرعان ماتتحول الى كريمة متماسكة
و ناصعة البياض

نتحصل على كريمة ناصعة البياض و بنينة و خفيفة كما تع الباتيسري اللي نشرووه
لونوها حسب الرغبة وزينو كما تحبوا

نتمنى تجربوها لانها هااايلة الا ان دوقها متوقف على نوعية الزبدة

موفقات و لاتنسوني من صالح الدعاء

azade · 2012-01-14, 16:07

الله يبارك و شكرا على كريمة الزبدة الفكرة تاع النشا جديدة لمادا زدته ممكن تشرحلى من فضللك انا نحصرها بسيرو ولكن يدون نشا وشكرا لكى

aziza05 · 2012-01-14, 16:12

جزاك الله عنا كل خير

توكل · 2012-01-14, 16:22

الله يعطيك الصحة

2012-01-14, 16:26

يعطاك الصحة حبيبتي على فكرة الكريمة راهي هايلة يا ريت تقوليلي نوع الزبدة الي استعملتيه

linat · 2012-01-14, 16:28

ممممممممممممممم نموت على هاد النوع من الحلويات مشكورة أختي
يا ريت تقوليلي نوع الزبدة الي استعملتيه

hanouna2011 · 2012-01-14, 17:03

مساء الخير
بارك الله فيك ام كثر الغالية
تسلمي حبوبة
راح احاول ان اجربها مع العطلة
ربي يحفظك

hanouna2011 · 2012-01-14, 17:07

يعطييييييييييييييك الصحة ام كثر الغالية
بارك الله فيك حبوبة
راح نجربها مستقبلا ان شاء الله
في انتظار حلوي الدزيريات او القنيدلات ههه لاتنساني

*أم كوثر* · 2012-01-14, 17:29

منورين اخواتي
الوصفة فيها النشاء يساعد في تماسك الكريمة و ماتكونش اساسها زبدة فقط

نوع الزبدة انا استعنلت لابال
حنونة مع اني منحبش الحلويات المعسلة الا اني رح نحاول نلبي طلبك