حرتي واش تديري حشو للبوراك؟ ارواحي هنا و تحيري واش تخيري!!!

[المداينية26]

السلام عليكم و رحمة الله تعالى وبركاته,,
واش راكم يا لحراير لاباس؟ علابالي راني جديدة في القسم و ما تعرفونيش هههه
اسمي آية و عمري 16 سنة و نموت في الطياااااب
لمهم جيتكم بشوية تدبيرات خفاف للحشو تع البوراك باش ما نبقاوش غير في الفيونداشي خخخ
تابعوني و ان شاء الله يعجبوكم






ملاحظة: { شرح مفردات ههه } نحمس = نْـــقَـــلِي = نــَحْـرج = نذبل = نحط ملعقة كبيرة زيت أو زبدة+ زيت - باش ما تتحرقش الزبدة و تطلق المرارة - أو أكثر في مقلاة و نزيدلها بصل أو لحم,, إلخ

_بصلة كبيرة رابي نحمسها في شويا زيت ملح فلفل أسود معدونس نص ربطة و كفتة لحم مفروم و نحمس و في الأخير نزيدلها فرماج و نلخط مليح نقدر نزيد زيتون أخضر أو شومبينيو
_ نغلي بطاطا قطع صغيرة نقطرها و نلبزها بلفرشيطة مع ملعقة كبيرة زبدة و علبة بتيسويس { مكتوبة فيه جبن طبيعي يجي ياهورت صغييير أبيض و يدير 15 د ج } باش يجي خفيف ملح فلفل أسود فرماج نفتح الديول و نحط البطاطا و تونة طماطم و قطع فرماج و قطع بصل مقطع صغييير



_ نطيب البيشاميل يلي هي زوج ملاعق كبار زبدة و 3 ملاعق كبار فرينة أو مايزينة ملح فلفل أسود و زوج كيسان حليب نخليها على النار حتى تثقال و نحرك مليح ,, في مقلاة نحمس بصلة رابي مع معدنوس و صدر دجاج مفتت رقيق بعد ما يطيب نخلط الدجاج مع البيشاميل و ندير لفرماج لازم يكون الخليط ثقيل باش يشد روحو
_نحمس بصلة رابي مع زعفران ملح فلفل أسود نص ربطة معدنوس و صدر لجاج أو اسكالوب بعد ما يطيب نرحيه في روبو و نزيدلو الفرماج



_ نقطع سلق رقييييق و نغليه و نقطرو مليح,, نحمس بصلة كبيرة رابي مع معدنوس ملح فلفل لكحل صدر دجاج و نزيدلهم السلق و نحمس مليح و نرحيهم في روبو و نزيدلهم فرماج
_ نطيب بيشاميل ثقيلة و نحمس كروفات مع ميرلو و بصلة كبيرة رابي ملح فلفل أسود امبعدا نخلطهم مع البيشاميل و الفرماج تجي تــــقـــــتل
_ نقطع 3 حبات بطاطا و نحطها تغلي في الماء و الملح ثم نرحيها مع قطعة جبن بطرية ثم نضيف لها قليل من المعدونس و فرماج رابي



_نحمس شوية فيونداشي و بعد ما يطيب نزيدلو ملح فلفل أسود حبة بيضة و نخلطهم مليح كيما تقدري تديريه بإضافة البيض المغلي و تقطعيه قطع صغار + فرماج و احشي في الديول
_صدر جاج مفتت بعد ما يطيب مع زيتون قطع صغار و بيض مسلوق و مقطع و فرماج
_ نحمس اللحم المرحي ملح فلفل أسود و نضيفلو بطاطا مرحية و بصلة مقطع رقيييييق جدا جدا + معدونس و فرماج




ملاحظة: تقدرو تزيدو هريسة إذا تحبو الحار
و بصحتكم البوراك يا سكان المملكة,,,~~
رمضانكم بالصحة و صحا فطوركم

[ام حمودي]

شكرا رمضان كريييييييييييييييييم

[صغيرة بس خطيرة]

ماشاء الله تسلمي

رمضان مبارك

[nihal159]

يعطيك الصحة.

[amira19]

موضوع ممتاز اية يعطيك الصحة

[متروجة]

y3tiQ s7a

raw3333a

[المطمئنّة]

السّلام عليكم ورحمة الله وبركاته
جزاكِ الله خيرا وحفظكِ الله
شكرا ..

[JIMI17]

هايلين يعطيك العافية على المجهود

[fafi05]

موضوع رائع..شكراااااا

[mariana1]

أفكار مذهلة شكرا لك

[حياة نور الدين]

يعطيك الصحة بنتي فكرة هايلة يثبت الموضوع واحلى تقييم للنشجيع

[جنة الفردوسْ]

يعطيك الصحة راكي شطووووووورة

[آية نور اليقين]

شكراً روووووووووووعه

[سر سعادتي..]

مشكوووووورة بارك الله فيك على الافادة بالتوفييييييق

[Selwa bou]

شكرا بارك الله فيك ������������