كيف تتحولين من امرءة عادية الى سوپروومن

[bailassan]

بارك الله فيك موضوع جد مفيد في انتظار البقية

[درة بيتي]

جزاك الله خيرا تعرفي موضوع في الصميم ربي يخليك كثرينا من هاد المواضيع ومعليش تقولينا من أي منتدى هزيتيه باش تعم الفائدة
أكتررر

[cherilety]

اتمنى تكونوا عملتو واجب النهاردة، أنا عارفة انكو شطار و بتسمعو الكلام

النهاردة هنخش في التفاصيل و ازاي تنظمي حياتك وخاصة شغل البيت اللي بيفضل هو الهاجس رقم واحد لأي ست بيت و هنحاول نتبع إن شاء الله ال planning ده :

- الخطوات الأولى : babysteps

- روتين الصباح

- روتين ما قبل النوم

- الروتين الاسبوعي

- ال Check-Lists

- ال Menu Planner

- جايين ضيوف والبيت يضرب يقلب، تعملي إيه ؟

- نصايح عشان الدنيا متبوزش منك تاني أبداً


الخطوات الأولى :

الروتين هو حاجة بنعملها بطريقة تلقائية من غير منقعد نفكر ونخطط ليها، و لو عملتي لكل حاجة روتين ده هيسهل عليكي الشغل قوي و مش هضيعي وقتك متنحة قدام المطبخ اللي يضرب يقلب وإنتي بتتحسري و مش عارفة تبتدي منين وممكن قوي يجيكي إحباط ومتعمليش حاجة أصلاً .

احنا هنبدء مع بعض بالتدريج عشان الروتين يتثبت فدماغكو و تبتدو تعملوه بكل سهولة :

للاشارة كل ده أنا وخداه من موقع أجنبي رائع بيبسط كل حاجة و كل يوم يبعت على بريدك تعملي إيه النهار ده والاسبوع ده كمان

اليوم الأول :
النهاردة كل اللي هتعمليه هو انك قبل النوم تمسكي حوض الغسيل (المجلى ) و تلمعيه لما يبقى فلة وده يستلزم طبعاً انك تغسلي مواعين العشا أول بأول وبعديها تنشفيه و استمتعي كل صباح بحوض غسيل يفتح النفس للشغل

بالذمة انهو أحسن

ده



ولا ده



ملحوظة :

اوع تنسو روتين صلاة الفجر و الضحى و أذكار قبل النوم والرياضة 3 مرات في الاسبوع دول المفروض هما الحاجة اللي هتعينا على التعب و تدينا الطاقة المطلوبة

[نادية46]

يعطيك الصحة على الموضوع متبخليناش بدروسك نحن في انتظار الجديد
مشكورة

[سليلة ذات النطاقين]

بارك الله فيك

[cherilety]

عَلَ[للبنات اللي حاسة بيأس و مش عارفة تبتدي منين تعالي معانا، دي فرصة لبداية جديدة، "قُلْ يَا عِبَادِيَ الَّذِينَ أَسْرَفُوا ى أَنفُسِهِمْ لَا تَقْنَطُوا مِن رَّحْمَةِ اللَّهِ"، ربنا بيبسط ايده في النهار ليتوب مسيء الليل و يبسط يده في الليل ليتوب مسيء النهار في رحمة أكثر من كده !؟
[

الخطوات الأولى .... اليوم الثاني


احنا طبعا بدئنا نتعود على النظام الجديد، فجر ضروري و إلزامي و مؤكد و مفيش أعذار ... ركعتي الضحى صدقة على كل عضمة في جسمك و قوة لبدنك وعزيمتك ان شاء الله، الرياضة نشاط و حيوية وشباب دائم و باي باي أمراض العظام والمفاصل و القلب و اللازمنو و أهلاً بلوش المنور و الجسم الرياضي ... أذكار قبل النوم سنة و تفكر و قوة ربانية ...

تلميع حوض الغسيل و مسحه قبل النوم هيخلكي تبتسمي أول ما تدخلي المطبخ الصبح و تحسي بالفخر بنفسك، مطبخ نظيف = منزل نظيف، المطبخ هو ترمومتر نظافة المنزل كله.

الواجب النهاردة هو الاعتناء بنفسك أول ما تصحي، يعني تخيلي نفسك زي ما تكوني رايحة الشغل و لازم تتأنقي، يعني أول ما تصحي لو بتخدي دش كويس جداً لو مش بتخديه اغسلي وشك بمنظف حلو و حتي كريم مرطب و مرطب لشفايفك و كحل لعنيكي و ممكن شوية أحمر خدود خفييف عشان وشك ميبنش تعبان و الشعر يتسرح برضه و الأسنان تتفرش .
طب ده إيه علاقته بشغل البيت و النظام ؟؟؟

في علاقة طبعاً، إنتي لازم تتعاملي مع شغل البيت زي ما يكون وظيفة بتقبضي عليها مرتب، هو ينفع تروحي الوظيفة وشعرك منكوش و عنيكي وارمة من النوم ؟؟؟ يعني لازم تعاملي بطريقة بروفيشينال مع شغل البيت وتخلصيه أول حاجة (ده للستات) اللي مش بتشتغل، يعني مش تشغلي التلفزيون و شوية مع صباح الخير يا مصر و شوية إعادة مسلسل امبارح ... التنظيف أولاً لأن هو ده ال job بتاعك (يعني الفترة الصباحية دي)

ده غير إن من التميز إن جوزك و ولادك يشوفوكي ديماً في أبهى صورة، أنا مش بقولك تتزوقي عالصبح و تعملي فل ميكاب، أنا بقولك بس حاجة حطي خفييفة عشان أما تجي تبصي على المرآة إنتي تعجبي بنفسك و ده هيديكي ثقة كبيرة والثقة دي هتخلي كل اللي حواليكي يعجبو بيكي و أولهم جوزك طبعاً

أنا عيزاكو و انتو بتعملو التغيرات دي تلاحظو كويس رد فعل جوزك ممكن ميقولش بس هيبااان عليه
[/COLOR][/SIZE][/SIZE][/SIZE]

[أم أسامة 07]

بارك الله فيك
بالنسبة لصلاة الصبح وركعتي الضحى
فهي تساعدك فعلا وعن تجربة
أضيف لو سمحت قراءة أية الكرسي بعد كل صلاة
وقبل النوم وعند الاستيقاظ والله الموفق

[cherilety]

انتو دلوقتي من غير ما تحسو بقيتو من الناس اللي عندها schedule وماشيين ببرنامج أي نعم لسة فاضل كم تكة بس أحب أطمنكو انكو على الطريق الصحيح إن شاء الله والدليل انكو بقى ليكو روتين صباحي وروتين مسائي

الروتين المسائي :

- مواعين العشا تتغسل و الحوض يتلمع و يتنشف (لو كسلتي اعملي التايمر على 15 دقيقة وقولي أنا هخلص اللي أقدر عليه في الوقت ده وبعديها أروح أرتااح هتلاقي نفسك يا إما خلصتي كلو في الوقت ده يا إما فاضل لك حاجة بسيطة هتتشجعي تخلصيها )
- امسكي hot spot (حاجة في شغل البيت عاملالك عقدة نفسية وقربتي تروحي الدكتور بسببها هههه ) وإشتغلي عليها 5 دقايق بسسس
- تحضير لبس بكرة (حتى الستات اللي قاعدة في البيت ... اللبس حاجة مهمة للراجل، مش لازم ديماً لبس مغري حتى اللبس العادي لو كان شيك و عليه قيمة و مناسب لجسمك بيديكي ثقة في نفسك )
- أذكار ما قبل النوم

الروتين الصباحي :

- صلاة الفجر
- العناية الشخصية (شعر، أسنان، منظف حلو للوجه، مرطب، كحل، أحمر خدود خفييف)
- ترتيب السرير
- صلاة الضحى

واجب النهاردة :

تصدقو إن واجب النهاردة أسهل من اللي فات كله

انتو هتمسكو 3 ورقات (لأ مش كوتشينة منك ليها مصدقتو عايزين تلعبو ههههه )

ورقة هتكتبو عليها "روتين الصباح" وتكتبو فيها الخطوات اللي قلتلكو عليها فوق
والتانية هتكتبو عليها "روتين المساء" وبرضه تكتبو فيها الخطوات اللي قلتلكو عليها
وتجيبو ورقة ثالثة وتكتبو عليها "الروتين الاسبوعي" وتقسموها لسبعة أيام و قدام الأيام اللي هتلعبو فيها رياضة، إكتبو "حصة رياضة"

خلاص بس كده و الورقات دول يتحطو في مكان تشوفيه كل يوم
وكل ما عملتي حاجة حطي قدامها علامة وأنا كل مرة حزود حاجة في الجداول دي بس انتو وحدة وحدة عشان تتعودو و يبقى الروتين على قلبكو ذي العسل ومش حتقدرو تعيشو من غيرو تاني

[شذا الربيع]

بارك الله فيك اختي الكريمة اكيد رايحين نستفيدو من هذا الموضوع بزااااف ربي يبارك فيك وفي كاتبته

[oum mohamed w jasmin]

baraka lahoufiki

[cherilety]

سلام عليكم يا حلوات يا قمرات

دلوقتي نيجي لمصروفك الشخصي (ضروووري يكون ليكي مصروف ايدك و لو حاجة بسيطة )، أنا كنت بصرف كتير على الsnacks، يعني لو رحت السوبر ماركت أجيب kitkat و شيبس و حلويات و عصاير معلبة من صغري و أنا بموت في الحاجات دي و الحقيقة انها كلها حاجات مضرة بالصحة و ضياع كبير للفلوس اللي ممكن نعمل بيها حاجات أفيد لحياتنا و صحتنا ...
أنا بقيت بوفر فلوس الحاجات الحلوة دي و أجيب بيها حاجات مفيدة : مستحضر عناية حلو، بيجامة حلوة ... حاجة لنفسي

أنا عيزاكو تجيبو حصالة



و كل ما عنيكو تزوغ على حاجة حلوة بس مضرة بالصحة تقولي لنفسك "الشيبس يا بت و لا طقم الرياضة اللي يجنن" ... الشيبس طبعاً يا أبلة ههههه بهزر بهزر و تحطي ثمنها في الحصالة

وعشان تعرفوا اني مش حرماكو من حاجة كل ما تجمع عندك 100 جنيه بالطريقة دي شيلي منها 10% يعني 10 جنيه وشبرقي نفسك بقى هههه

نصيحة تانية في حكاية الشراء دي احنا الستات بنعالج مشاكلنا النفسية بالشراء الكتير لحاجات ممكن ملهاش لازمة فعشان نحارب الحكاية دي لازم كل فترة تعملي جرد للحاجة اللي عندك واكتبي ناقصك إيه و لما تيجي تشتري حاولي تلتزمي بالائحة اللي معاك

وضروري توفري شوية من دخلك الشهري و لو 10%

و لا تنسوا الصدقة

وربنا يوسع رزقنا جميعاً

[ام امجد14]

الله يبارك فيك

[cherilety]

عل حساب عدد الردود ،جاب لي ربي ما عجبكومش هاذ الموضوع بزآآآآآآاف



، !!!!!!،

[أم الفرسان]

موضوع رااااااااائع ولغته تحفيزية جدا... واصلي أختي الكريمة .. نحن معك للآخر.....
محبتي لك

[وفاء سعاد]

راهو الموضوع رائع كنا نستناو يخلص الموضوع برك ونردو رانا متابعيينك