عجينه وحده ديري بيها 101 حاجه

[OM DHOHA ANES]

البسملة1

اعزائي مرحبا بكم مره أخرى معي، اليوم جبتلكم وصفة عجيينتي الاكثر من راااااااااااااائعه ندير بيها 100حاجه وحاجه يعني 101ههههههه
مثل الأفخاذ الكذابه اللي ماتحشمش



الوصفه قديمه وربما الكثير منكم يعرفها لكن كاين بزاااااااااف الأخوات مايعرفوهاش.
المهم حوست عليها ولقيت ياسر وصفات بأمانه هزيت الطريقه بصح درت العجينه الخاصه بينا أنا واختي(باش ماتزعفش) وهي والله عجينه اكثر من رائعه
نبداو على بركة الله
المقادير:
3 كوب فرينة
ربع كوب زيت (أنا هنا نقصت مغرف كيعاد رايحه نقليها)
3مغارف حليب بودره
مغرف كبيرة سكر
مغرف كبيرة خميرة الكسرة
مغرف صغيرة خميرة القاطو
الملح على حسب الرغبه
الاظافه اللي دير فااااااااارق كبيييييير هي ياؤورت طبيعي أو لبن
انا في هاذ الوصفه زدت قيمة 2 مغارف كبا ر ياؤورت
ولمي بماء دافىء حتى تولي عجينه طرييييييييييه واعجني ملييييييييييييييح
غطيوها وخليوها تخمرثم هبطولها الطلوع وابداي التشكيل بدووووون اعادة العجن بلييييييز
الحشو:
بالنسبه ليا أنا قليت حبه بصل مقطعه +جزره مرابيه+مغرف زيت +رشة ملح +قطع دجاج مقطعه رقيق+فلفل أسود+رشة زنجبيل +رشة كمون+زيتون اخضر مقطع +ماعدنوس وخليهم على نار هادئة حتى يطيبو طفي النار وزيدي فرماج وخلطي مليح وخليها تبرد

تقدري تستبدلي هاذ الحشو بواش عندك فالدار مثلا طون،سلق، لحم مرحي.....
قشري 2 حبات بطاطا وقطعيها فريت شويه خشين واقليها نص قليه
ناتي الى التشكيل
حبايبي روحو للرابط هاذا للاخت ليليا 30
https://www.djelfa.info/vb/showthread.php?t=1372005
الله غالب ماعولتش نحطها موضوع ما صورتش الخطوات

انا هاذ الكميه نقسمها حوالي 20حبه وبعد نقرص كل حبه بيدي ونحط حبة البطاطا نصفها داخل العجينه ونصفها في الخارج ومغرف حشو وقطعة فرماج اممممممم واغلقي ملييييح واعطيها شكل الفخذ
التغليف:
ديري لحبه نتاعك في خليط البيض: بيضه +مغرف زيت+ حليب أو ماء
ثم مباشرة في شابلير
كملي كل الكميه ثم مباشرة الى القلي في زيت غزييير النار في الأول قاويه ومبعد نقصي وقلبي باش يطيبو
ملاحظه : اصبري عليهم حتى يطيبو من داخل واستمتعو باحلى أفخاذ
شوفو شكلها عن قرب



وهاذي من داخل شحال خفييييييفه ومقرمشه



ناتي الآن الى استعمالات هذه العجينه التي لا تعد ولا تحصى فقط طراوة العجينه تختلف من وصفه لأخرى

هومبورقر هنا درت وحده كامله ياؤورت طبيعي او نفس القيس لبن والعجينه طريييييييييييييه
والصور خير دليل

بريوش زيدي كمية السكر مثلا 3مغارف واحشيه بشيكولا مرابيه او نيتيلا وكي يطيب ادهنيه بالمعجون أو العسل أممممممم

بيتزا ولا اروع هنا العجينه متوسطة الطراوه

معجنات محشيه في الفرن رائعه مع لي سوب

ولك حرية الابدااااااااااااع

ان شاء الله نكون وفقت في ايصال المعلومه وأفدتكم ولو بالقليييييل
اسمحولي طولت عليكم بصح الله غالب صنعه نحب نشرح كلشي
وفي الختام لكم مني احلى تحيه
سلااااااااااااااااام

يتبع