رجاء ... شكون تعرف طيب القهوة ؟؟؟

~ السلطانة ~ · 2014-09-15, 07:02

صباح الخير اخواتي ...
رجاءا لكل من تعرف طريقة طهو القهو كما للي تباع في المقاهي تعلمني الطريقة رايحة نجن و خاصة الرغوة البيضاء للي من فوق ....بفففف علابالي فهمتوني ...
سلام و تحياتي و شكر كبير لكل من تزودني بالطريقة الناجحة ...

أم ياسين الزهراء · 2014-09-15, 08:05

خاختي عادي قهوة البرى وحدها تهنيتي من قهوة الصباح ماشي معناه قهوتك صامطة والف بتاع البرى

~ السلطانة ~ · 2014-09-15, 08:07

اقتباس:

المشاركة الأصلية كتبت بواسطة أم ياسين الزهراء

خاختي عادي قهوة البرى وحدها تهنيتي من قهوة الصباح ماشي معناه قهوتك صامطة والف بتاع البرى

ربي يعيشك اختي ... الله غالب ولى عندي هاجس غير نتعلمها برك عععععععععع

أم ياسين الزهراء · 2014-09-15, 08:19

اختي والف تاع برى انا شخصيا مدمنة قهوة بصح مانشربش تاع برى وعندي حبيبتي زوجها يفطر عادي الصباح في الدار والقهوة يروح لبرى ماتخمي ماولو الحل قوليلو يشريلك براس تاع القهاوي هههههههههههههههههههههه

~ السلطانة ~ · 2014-09-15, 08:29

اقتباس:

المشاركة الأصلية كتبت بواسطة أم ياسين الزهراء

اختي والف تاع برى انا شخصيا مدمنة قهوة بصح مانشربش تاع برى وعندي حبيبتي زوجها يفطر عادي الصباح في الدار والقهوة يروح لبرى ماتخمي ماولو الحل قوليلو يشريلك براس تاع القهاوي هههههههههههههههههههههه

ههههههههه بلاك في هذي عندك الحق حلها البراس تاع القهاوي ..... هكذا يولي البلوك كامل يفطر عندي الصباح هههه

lمنال · 2014-09-15, 08:33

شوفي اختي القهوة تاع برا ميشي كيما تاع الدار خاطرش الكافيتيير انتاعهم خاصة ادير الرغوة لكن تاع الدار ما اديرش , في اوروبا خرجت كافيتيار يسموها expresso ادير القهوة كيما تاع برا ولكن عندها كبسولات تتباع تاع قهوة خاصة بهاديك الكافيتيير بصح ما نيشي عارفة اذا تتباع في الجزائر , المهم ما تقلقيش روحك ما هوشي منك بالاكى تتعقدي من طياب القهوة ههههههههههه

~ السلطانة ~ · 2014-09-15, 09:33

اقتباس:

المشاركة الأصلية كتبت بواسطة lمنال

شوفي اختي القهوة تاع برا ميشي كيما تاع الدار خاطرش الكافيتيير انتاعهم خاصة ادير الرغوة لكن تاع الدار ما اديرش , في اوروبا خرجت كافيتيار يسموها expresso ادير القهوة كيما تاع برا ولكن عندها كبسولات تتباع تاع قهوة خاصة بهاديك الكافيتيير بصح ما نيشي عارفة اذا تتباع في الجزائر , المهم ما تقلقيش روحك ما هوشي منك بالاكى تتعقدي من طياب القهوة ههههههههههه

ربي يخليك اختي و بارك الله فيك ... منيش معقدة من طياب القهوة فقط حبيت نتعلمها ههههه

بتول8 · 2014-09-15, 09:46

كاين الة فاكتو اكبريسو دير قهوة مدوزية كما القهاوي متعبيش روحك لكان والف تع برا لانو تع برا الذ لانها مدوزية و ثقيلة و تع الدار خفيفة

سر التقى · 2014-09-15, 09:51

كاينة المشينة نتاع القهوة اسمها اكسبريوا تخدمهالك كيما نتاع برا و راهي تتباع اشرها و هني راسك هههههههههه

دعاء القلوب · 2014-09-15, 10:31

ممكن من القهوة في حدذاتها يعني نوعيتها مش مليحة نتي تشري فيها مرحية واجدة ولا تشريها خضرا وتgليها فالدار وترحيها اللي تخدميها فالدار تجي ابن من تاع برا نعطيك طريقتي تاع اولاد نايل تاعالجلفة وجربي غلي الما في طاوة زمن بعد ديري القهوةقيس مغرف في الصفاية تاع القهوة وديري معاها شوية فلفل كحل والا عندك شيح ديري تاني عرف صغير كي يطبخ الما ابداي صبي غير بالشوية والقطرات اللي يهبطو عادي ديريهم فالصفاية وكملي الما بصح بلاكي تكثري الما مغرف قهوة تعطيك تريبا نص براد تاع قهوة حليها وديري ذرة تاع فلفل كحل ودوقي ادا كانت ثقيلة زيدي الشاربات والا نوغمال سخني واشربيها بالصحة والعافية

أم أسرار · 2014-09-15, 10:39

بسم الله الرحمان الرحيم

أختي الكريمة راني صبتلك الحل شوفي ما عليك غير تنوضي بكري قبل منو و روحي للقهوا و جيبي القهوة لي على

كيف زوجك وقدميهالو أما عن الرغوة شوية تع إزيس و هي فرات

راني غير نقصر ما تتقلقيش مشكلتك هذي مارهيش غير عندك أنا تان نطيبلو نفس النوع تع القهوة مرة جيه مليحا

و مرا جيه سامطة و المشكل ما فهمتش وين راه في يديا و لا في القهوة لي تعملها بيا .

~ السلطانة ~ · 2014-09-15, 12:29

اقتباس:

المشاركة الأصلية كتبت بواسطة اشورة

ممكن من القهوة في حدذاتها يعني نوعيتها مش مليحة نتي تشري فيها مرحية واجدة ولا تشريها خضرا وتgليها فالدار وترحيها اللي تخدميها فالدار تجي ابن من تاع برا نعطيك طريقتي تاع اولاد نايل تاعالجلفة وجربي غلي الما في طاوة زمن بعد ديري القهوةقيس مغرف في الصفاية تاع القهوة وديري معاها شوية فلفل كحل والا عندك شيح ديري تاني عرف صغير كي يطبخ الما ابداي صبي غير بالشوية والقطرات اللي يهبطو عادي ديريهم فالصفاية وكملي الما بصح بلاكي تكثري الما مغرف قهوة تعطيك تريبا نص براد تاع قهوة حليها وديري ذرة تاع فلفل كحل ودوقي ادا كانت ثقيلة زيدي الشاربات والا نوغمال سخني واشربيها بالصحة والعافية

شكرا ليك اختي راني جريت و جربتها ... لأسف مش هذا الطعم للي نحوس عليه بارك الله فيك

~ السلطانة ~ · 2014-09-15, 12:30

اقتباس:

المشاركة الأصلية كتبت بواسطة حب و ويصال

بسم الله الرحمان الرحيم

أختي الكريمة راني صبتلك الحل شوفي ما عليك غير تنوضي بكري قبل منو و روحي للقهوا و جيبي القهوة لي على

كيف زوجك وقدميهالو أما عن الرغوة شوية تع إزيس و هي فرات

راني غير نقصر ما تتقلقيش مشكلتك هذي مارهيش غير عندك أنا تان نطيبلو نفس النوع تع القهوة مرة جيه مليحا

و مرا جيه سامطة و المشكل ما فهمتش وين راه في يديا و لا في القهوة لي تعملها بيا .

هههههههه تقتلي بالضحك ...
راني مازلت نبحث و انا مصرة نخرج القهوة خير من تاع برا وهههههههههههه ....

~ السلطانة ~ · 2014-09-15, 12:32

اقتباس:

المشاركة الأصلية كتبت بواسطة سر التقى

كاينة المشينة نتاع القهوة اسمها اكسبريوا تخدمهالك كيما نتاع برا و راهي تتباع اشرها و هني راسك هههههههههه

شكرا اختي نعرفها .. نحوسها بالبراس او طاوة فقط بارك الله فيك

اسم مرا · 2014-09-15, 12:33

كاين وين تكون لمشكل من القهوة بذاتها ما عندكي علاه تكسري راسك معاه تهنيتي

انا صح كي نطيب القهوة تعجبهم بصح عادي بالبراس