الدرس الأول من الدورة التكوينية في الطبخ

[مياسم الصمت]

السلام عليكم ورحمة الله وبركاته

أهلا بكن جميعا
كما وعدناكم
سنفتتح أول درس من دروس الدورة التكوينية في الطبخ
بمنتديات الجلفة لكل الجزائريين و العرب

الدورة ستكون إن شاء الله منوعة
سنحاول أن تكون في متناول الجميع
امكانيات و تبسيط للشرح
و أي استفسار يطرح في الدرس مباشرة

-------------------
درسنا اليوم سيكون
شوفلور بالجاج
طبق مختلف حتى لمن لا يحب طعم الشوفلور يعجبه
سأحال الشرح على مراحل بالصور

.................
أول شيء انا استعملت في هذا الطبق
نصف صدروفخذ من الدجاج مرحي منزع العظم
و رأس صغير من الشوفلور نقيته و رحيته في البراشة تاع البصل وهو مش طايب
أؤكد مش طايب
لما ترحيه اعصريه مليح بيدك من الماء ضروري جدا
قصيت نص ربطة دبشة
و استعملت لهذه الكمية ثلاث بيضات ممكن اكثر حسب الكمية
بصلة صغيرة مرحية مع سنينات ثوم
رشة فلفل اسود
كركم
ملح
نخلط كل شي مع بعض


نتحصل على هذا المزيج
قد يبدو لك جاري شوية لكن ما تخافي يتلم



اخدميهم كريات حطيهم بلاستيك غذائي ومفرش بشوية فرينةحتى ما يلصقوا
ودخليهم الثلاجة شوية يحكموا ارواحهم

في هذه الاثناء او ممكن قبل المرحلة السابقة
وجدي مرقة بيضا بالعظم تاع الصدر و الفخذ لي نحيتهم
بصلة ثوم كركم ملح حسب الحاجة و ملعقة سمن نقلي كل شيء مع بعض و نمرق بكمية من الماء و نخليها تطيب فوق النار

من جهة نرجعوا للكويرات تاعنا

نمرغهم من جديد في الفرينة ونقلي في كمية من الزيت على نار متوسطة
ما تكثري الزيت لانك ترميه يسود مع الفرينة



هنا بعد القلي
فقط ظهري بدلت الشكل
ما تنسي حطيهم على ورق ماص



المرحلة الأخيرة
وبعد ما طابت المرقة تاعك البيضاء
حطي الكويرات تاعك في مول يروح للفرن

وحطي عليهم قيس مغرف من المرقة ما تغطيهم بزاف يتفتحوا لك
وابقي عسي مرة على مرة افتحي الكوزينيار تاعك و زيدي مغرف حتى تنضج
ميزي بالمغرفة

و أخيرا التقديم مع قليل من المرقة حسب الحاجة
او ممكن يقدم بلا مرق
كل واحد و ذوقه
شخصيا فضلته بلا مرق