المحسن الغذائي

[(( هبة الرحمن ))]

السلام عليكم

اشتريت محسن غذائي لكن لست أدري هل أستعمله مع خميرة الخباز بالتساوي ....أم اذا استعملته لا أستعمل الخميرة ؟

ممكن مساعدة من فضلكن

وشكرا

[ام رجاء 09]

يستعمل متل البريوش والخبز الخ الحاجة لي تخمر هو مساعد مع الخميرة وانا على حساب واش سمعت غير اخطيك راه مظر للصحة جارنا خباز ونصحني بعد استعمالو وزيدي سقسي وبالاك بنات عندهم خير مني ان شاء الله يفيدوك

[(( هبة الرحمن ))]

شكرا أختي أم رجاء

ربي يحفظك

[بريق الدجى]

ان شاء الله البنات يفيدونا
انا ايضا جامي استعملتو و حابة نعرف معلومات عليه

[titina]

مساء الخير اختي
ننصح ما تزيديش تستعمليه ولا اعرف مضاره صراحة
عوضيه بالياغورت الطبيعي لان الخمائر لي فيه تساعد على انتفاخ العجينة وزيد يعطيها نوع من الخفة والبنة
وهذا عن تجربة

[قطرة الربيع]

سلام اخواتاتي مرة دارو علية حصة في التلفزيون ونبهت طبيبة على المحسن وقالت ان اضرارو منها السرطان يظهر على مدى 50 سنة في الانسان احذرو منه

[الحركاتية]

سمعت بزاف أخوات في المنتديات يحذروا منو ولا أعرف مضاره صراحة ولكن هو فعلا يساعد على انتفاخ الخبز ويحافظ عليه ليس كما الخميرة وحدها
أما طريقة استعماله فرفعة فقط بين أصابع يديك يعني قرصة صغيرة تكفي لأنه الكيس فيه 50 غرام يوضع في قنطار دقيق .
ومن الأحسن توضعيه كي تجي تعاودي الخبز تاعك يعني في الأول حطي المكونات عادي وبعد ما يخمر وتجي تعاوديه ضيفيه باش يحافظ على طلوع الخبز . وإذا حطيتيه مع الأول حاولي ما تحطيش عليه الماء .

[R I A D]

شوفي حنونتي ...هو يحطو منه شوية برك مع الخميرة..لانه يساعدها في الاختمار...بس
و انا عن نفسي الصراحة الصراحة لم و لن استعمله...ما نحبش لي بخودوي شيميك ...
حتى جومبو هذاك و ما نشريهش خلاااااص
و ننصح ختي العزيزة اخطيك منه و من مثل هذه المواد
ما ناش عارفين حتى باش مخدومين
حطي السكر في خميرتك و حطي الياووةرت الطبيعي في العجينة
وبعض العضوات ولاو يحطو اللبن

[(( هبة الرحمن ))]

السلام عليكم

شكرا لكن حبيباتي على النصائح

ما نكذبش عليكم نجربها غير خطرة على طريقة أختي الحركاتية وما نعاودش ...باش ما يبقاش في خاطري وبعدها ما نزيدش نستعمله .

حفظكن الله

تحيتي