les petit choux من مطبخ ام كوكو

ام كوكو · 2014-04-16, 15:56

السلام عليكم و رحمة الله و بركاته بسم الله ابدا
في كاسرول نحط 1/4ل ماء+100غ زبدة+1 مك سكر عادي+الفاني+قرصة ملح و نحطهم فوق النار حتى يغلي الخليط

ثم نضيف150غ فرينة دفعة واحدة و نخلط بسرعة حتى نحصل على هذا الخليط

في هذه اللحظة نضيف 4 بيضات الواحدة تلوى الاخرى كلما نضيف واحدة نخلط بسرعة حتى تدخل في الخليط ثم نضيف الثانية و هكذا حت نكمل

نفرش صينية فرن بورق الطهي او نمسحها بالزبدة و نرش عليها الفرينة مليح
نحط الخليط في البوش ادوي و نشكل لقيمات و بالاصبع نهبط الرؤوس الناتئة باه ما تتحرقش و ندهنهم بالبيض و نرش الكل بالماء لاجل البخار رش خفيف

ندخلهم للفرن على درجة قريب من العالية يطيبو و نخرجهم نخليهم يبردو

و حشيتهم بالكريمة وانت اختي و المتوفر عندك معجون او نوتيلا او..... انا نفضل الكريم باتيسيير
الكريمة
نحط في كاسرول ما تلصقش 1/2ل حليب+100غ سكر عادي+الفاني و نحرك فوق النار و نترك الخليط حتى يغلي

من جهة اخرى نخلط 2 بيض او عوضيهم ب 4 صفار بيض +60غ مايزينة خلط جيد

نضيف القليل من الحليب المغلي مباشرة على الخليط و نخلط بسرعة ثم نخلط الكل معا و نحط على النار مع الخلط المستمر
حتى يثقال الخليط و يولي كرام نفرشها في صحن واسع ونغطيها بالورق الغذائي الشفاف و نخليها تبرد

نحط الكرام في البوش ادوي و من تحت حبات الشو نثقب ثقب صغير و نحشيهم و نرش عليهم سكر قلاسي او شكلاطة
حسب الرغبة و المتوفر

ان شاء الله يعجبوكم و تجربوهم