بلاك كلمة منك تعاوني

[مشكلتي]

السلام عليكم
مشكلتي باختصار انه تقدم لخطبتي شاب دو اخلاق عالية يصلي متخلق متربي ولد عايلة عاقل قاري خدام و حتى عائلته ما شاء الله لكن انا لم يعجبني شكلا يعني مدخلش قلبي و ماما قالتلي راكي حاقراته و غادي يجي نهار لي تندمي فيه لخاطرش رفضتيه على خاطر الشكل و هو جاي مقبول الشكل و يجي نهار لي متلقي حتى واحد بصح انا مدخلش قلبي و راني حايرة انا مرات تبانلي نقبل و خلاص لخاطرش كيما قلت هو عاقل بزاااف و ناس كامل تبغيه و بلاك نبغيه مور الزواج و زيد هو راهو باغي يتزوج بيا ا و مرات نخاف و نقول منقبلش راني حايرة عاونوني

[salim.salim]

بنات الناس راهم يحوسوا على راجل و انت تقولي ماعجبنيش شكلو
كيما قالتلك الوالدة تاعك يجيك نهار ما تلقاي لا شكل لا مضمون
اذا كانت فيه الصفات اللي قلتي عليها الكل اكيد مع العشرة رايحة تغطي على كامل النقائص لي فيه.

تبعي كلام الرسول و متندميش " اذا جاءكم من ترضون دينه و خلقه فزوجوه"

[مراد سابقا]

يحكى ان امراة متزوجة جاءت عند الرسول صلى الله عليه وسلم واستفته في امر زوجها

قالت يا رسول الله أن زوجي وبالمناسبة هو صحابي لااعيب عليه خلقا ولا دينا ولكنني لا اطيقه - فقد ورد ان هذا الصحابي كان ذميم الخلق

فطلب الرسول من الصحابي تطليقها وطلب منها هي ارجاع حديقته .

الملخص في الأمر انت لم يعجبك الرجل شكلا فذلك من حقك تماما ولك كل الحق في الرفض وامك لا يحق لها التدخل في هذا الموضوع

وحتى اراء الأعضاء ستقول لك المهم الدين والخلق

نعم الدين والخلق مهم ولكن إذا لم ترتاحي له فالأمر مشكلة وقد تطلبين الطلاق في الأيام الأولى او تستحيل العشرة بينكما

أنا أقترح عليك الرفض

وانا شخصيا في بعض الأحيان ارى لفتيات واقول مستحيل ان اتزوجها لقبحها رغم انها متدينة

تلك طبيعة البشر ونحن ضعفاء

توقفي وسيرزقك الله من حيث لا تحتسبين

[0ibtissam]

أختي غير اقبلي بيه خاصة انو هو لي حواس يعني يحبك تقدري تلقي واحد شباب وميحبكش نهار كامل مشاكل لخطر يخز في لبنات ولا هم يحوسو عليه الزين مايبني دار صلي صلاة استخارة وتوكلي على ربي

[amina bonoise 23]

يا اختي الزين ماعندو حتى فايدة المهم الدين و الاخلاق خودي رأي الوالدة وربي يهنيك

[loubna 91]

نصيحه مادام صالح هدا هو المهم و بعد الزواج ما يهمش ادا زين و لا لا

[~ دروب الخير ~]

اختي....
لا اعرف شيئاا و لكن صلي صلاة الاستخاارة احسن
ربي يووووووووووووووووووفقك و يكملك

[أم عبد الكريم]

اختي نتي لي راكي في هاذ الموقف و حتى واحد ميقدر يقولك كملي ولا بطلي. .........قادر تبطل و تندمي و قادر تكملي و تندمي. .الأفضل صلي صلاة الاستخارة ولي فيها خير يسهل فيها ربي

[hadjerjouja]

انا من رايي ديري صلاة استخارة واتكلي على ربي وكاين فترة الخطوبة وانتي منها وشوفي اذا حسيتي روحي مزلتي ما رتختيلوش حبسي واذا قبلتي الف مبروك المم ننصحك بالاستخارة وربي يجيب اللي فيه الخير

[ام افنان48]

والله عجب كان بكري راجل يختار الزين والقبول شكلا دروك ولات مراة ياناس الراجل عيبه أخلاقه احنا نسا فينا العيوب مشي رجال احمدي ربي كاين الي مساووش راجل

[assia88]

barki matatafchi habibti, salo salat istikhara w kabli . w rajal b akhlak w diana machi bezine

[عين الصقر]

اذا باش تتزوجي بيه وماتحبيهش أو مش مقتنعة بيه غير خليه في حاله أحسن ربي يجيبله من جهة أخرى فتاة تناسبه
انت قلتي مربي ومتدين ووليد فاميليا وأخلاقه عالية وهذه من مواصفات الزوج المثالي أما شكله فعذرا هذا خارج عن ارادته وليس هو من إختار شكل انفه أو لون عينيه أو بشرته أو طوله. لكنه هو من إختار شخصيته وأخلاقه.
الزواج رابط مقدس وهذا الرابط يكون مبني اساسا على الرضا بين الطرفين والتفاهم والمودة.

[مايسترو عمران]

اذا كنت شبه بياض الثلج فلا توافقي !! اما غير ذلك انت غير معذورة

[naamane3]

ياك قالك رسول الله صلى الله عليه وسلم
اذا جائكم من ترضون خلقه ودينه
ماشي شكله وماله
اقبلي والندامة هي الاخيرة

[بنت الجزائرية]

هذي حياة ميش يوم او ليلة وادا حاجة معجبتكش متفقبليش وراي رايك