ورشة صدر الأناناسة الأبيض لعيونكم - الصفحة 3

حمدا لله كثير · 2013-01-18, 22:53

بارك الل فيكي

ماريا205 · 2013-01-19, 06:54

صباح الخير وكل ما هو جميل
اختي اميرة ياك ما زعفتيش وتقولي كسرتلك راسك بلا ما نطبق هاني جبتلك تشوفي
واعطيني رابك ويني الاناناسة اللي باهية ونكمل بيها 1 ولا 2
باش نكمل الصدر صاروخ ونفرحك

amira79 · 2013-01-19, 08:58

رقم 1 احسن .لكن كملي حتى يخلاصو الاعمدة باه ما تجيش مدورة من الاسفل ....................و في الحقيقة اناناستي خير هههههههههه

ماريا205 · 2013-02-14, 12:53

مساء الخير
اختي اميرة نسقسيك هذ الصدر الابيض قيس وحدة ضعيفة والا متوسطة
خطر درت 18 اناناسة وحبست ما نحبش يجيني كبير.

ام ريانو · 2013-02-14, 15:25

بارك الله فيك أختي أميرة وجزاك الله خيرا على المجهود الطيب لكن عندي شوية أسئلة للاني مازال مبتدا في الكروشي يعني مازالني مع الغرز وراني نعاند المهم لما خدمت الاناناسة الجميلة طلعتلي كبييييييييييييييييييرة ولات حوتة حبيت نسال كم رقم الكروشي وكم قطر لي زانو وحوالي كم من سنتيم تجي الاناناسة للاني أول مرة نخدمها ومشكورة كل الشكر أستحمليني شوية راني عارفة بلي قلبك كبيييييييييييييير ماشاء الله

ابتهال 4 · 2013-02-14, 16:25

يعطيك الصحة اختي راهو هيال عجبني بزاف هدا الستيل
مشكورة وجوزيتي خيرا

ميار صهيب · 2013-02-22, 15:48

شكرا جدا جدا

ABED AZZI · 2013-02-22, 17:26

salam ya3tik saha khdemtou khrejj yhabell kameln nhal3ou fihe khasni ghire hadouk les straces bleumalkitche 3andna rani ghire nhawess

جويدة2 · 2013-02-22, 18:43

صدر تحفة و شباب كيما انت مجهود جبار جعله الله في ميزان حسناتك

wafa34 · 2013-03-11, 11:11

شكرااااااااااااااااااااااااا

محجوب جمال · 2013-03-12, 13:36

اقتباس:

المشاركة الأصلية كتبت بواسطة amira79

البسملة1

مساء النور حبيباتي نظرا للطلبات على هاد الصدر الجميل و لغياب الأخت ايناس ربي يرجعها بخير راح نشرحلكم الطريقة و أمري لله ..................

أولا هاهو الصدر مازال ما كملتوش ....................

شكرا شكرا اختي على التوضيح و بارك الله فيك كنت حابة نتعلمو من زمان

و هاهي الوحدة لي مخدوم بيها

و هاهو الباترون لي خدمت منو راهو تاع مفرش رائع

و هادي خدمتها ب أنو كبير و درتها للمفتاح تاع الخزانة تاعي .......................

و هاد الصدر تاع الاخت ايناس

اللوازم ........... ليزانو الصغار هنا استعملت 16 و كل واحدة حسب لاطاي تاعها طبعا + الحاشية و الاحجار للتزيين . و الخيط انا استعملت الاصيل تاع المفارش حسب ما طلبت مولاتو ..... و انتو تقدرو تخدموه بالخيط تاع الصدور ..........و تقدرو تستعملو 2 ألوان حسب الدوق تاعكم

أولا نبداو بالقطعة الاساسية تاع الصدر و لي هيا أناناسة ..............ليست للأكل

نعمرو الانو .........انا نفضل نعمرو بالخيط على 2 باه يجي معمر مليح و امبعد نقطع الخيط و نربطهوم مع بعض و نكمل بخيط واحد

نخدم 16 حلقة تاع 4 سلاسل كما في الصورة

نرتفع ب 3 سلسلة و نخدم 8 أعمدة في الحلقة الاولى + 1 سلسلة +حشو في الحلقة التالية + 1سلسلة + 8اعمدة ونكملو حتى يخلاصو الحلقات

نخدمو غرزات حشو حتى نوصلو الى منتصف الأعمدة 8 السابقة ...........نرتفعو ب 3 سلسلة

نخدمو 3عمود + 2 سلسلة + 3عمود .....

نزيدو 3 سلاسل و ننتقلو ل 8 اعمدة التالية نخدمو فيهم 10 أعمدة

3 سلسلة و نكررو 3عمود + 2 سلسلة + 3عمود .....................هاد المقطع يتكرر في كل مرة من الجهتين

صورة أقرب

3 سلسلة و نقلبو القطعة ونخدمو 3عمود + 2 سلسلة + 3عمود .....+ 3 سلسلة

نديرو غرزة حشو بين العمود الاول و الثاني + 5 سلسلة +غرزة حشو بين العمود الثاني و الثالث و نكمل دوما غرزة الحشو تجي بين الاعمدة في النقاط لي راهي موضحة في الصورة ............في الاخير نتحصل على 8 حلقات

و نواصلو بنفس الوتيرة .........نلاحظو ان عدد الحلقات يتناقص كل سطر ليعطينا شكل الاناناسة

يولي عندنا هاد الشكل

حتى تبقى حلقو واحدة

السطر لي بعدو ما كاش حتى حلقة

السطر التالي بدون سلاسل الاعمدة لي كانو في الطرفين تلاقاو ..............و شربو تاي سخون في هاد البرد

السطر الاخييييييييييييييييييييييير

و هاهي الاناناسة تاعي كملت

وحدة بلانو كبير و الاخرى بالصغير .....................يشبهولي أنا و أختي

كملو الاناناسات تاعكم و لنا لقاء عن قريب

الاناناسات يلصقو مع بعض بالابرة و الخيط في الاماكن المحددة في الصورة

ننتقلو للجهة العلوية للصدر