المعدل تاع البيام !!!!!

[kami asr]

أولا مبروك عليكم خاوتي

العقوبة للبكالوريا ان شاء الله

وان شاء الله تكون هدي بداية لا نهاية لها فالنجاحات في كامل حياتكم

المعدل في هدي المرحلة ماشي مهم لدرجة التذمر فقط مهم في تحديد الشعبة لا غير

وراكم عارفين أنو قادرين تبدلو الشعبة عادي .... لكن لازم يكون محفز ليكم

في المرحلة الثانوية وتتبدل عليكم القرايا شويا بصح مع الاجتهاد حاجة ما تكون صعيبة ان شاء الله

وقلتلكم المعدل مشي مهم على خاطر اللي جاب 13 يقرى في نفس القسم مع اللي جاب 18 ولا حتى 19 و حتى اللي

جاب 10 دوك الصح فاللي يزيد يحتهد أكثر و يثبت بلي المعدل اللي جابو ماكانش هو التقييم الحقيقي لقدراتو

اللي جاب معدل مليح ربي يكملو كيما راه و اللي جاب معدل أقل قادر أنو يكون منافس ليه هذي هي الدراسة

و ماكانش حاحة اسمها مستحيل فيها .... الصح راهو فالمعدل نتاع البكالوريا لأنك بيه رايح تحقق أحلامك والمهنة المستقبلية تاعك

على كل أحمدوا ربي كاين اللي ماكانتش عندو فرصة يفرح هاد العام .

حنا ندعولكم كامل بالتوفيق ونتوما أدعولنا بالنجاح في شهادة البكالوريا ان شاء الله هاد العام

و ماتنساوش كل حاجة بمكتوب ربي

بالتوفيق في كامل المشوار الدراسي لكم أحبتي في الله

أختكم في الله