بنتي لعزيزة... حفظها الله =بقلمي=

medcherif03 · 2016-03-14, 15:51

السلام عليكم هذه المحاولة كتبتها على ابنتي حفظها الله (نسرين)

يا سعدي يا غايتي بزهو البال****عزك يا بنتي يسوى ما طلبتيه
انتي عينيا و ما تسواي بالمال****انتي اهنايا و راحة بالي فيه

يا بنتي محلاك بحنانة و دلال****الوصف اللي الناس تقول عليه
فالطاعة و اخلاق ماليهم مثال****فالطيبة و الراي هذا ما نشتيه

مقدودة بنتي جمعتها لخصال****تربية وأدب و لحياء زودتيه
ياشاكر لبنات فبنتي لا تسوال****عربية في الصيل سول امواليه

معروفة فالنسب العم و لخوال****قول لهم عالجد لعروش اتوريه
على بنتي قا سمي و دير الفال****في قصتها عاقدة الخير اتناديه

أحفظها لي يا الله من كل أعلال****و تحوط عنها كل ابلا تخطيه
واجعلها ثمرة فالمنطق وافعال****و ديرلها سيسان في كل ما تبنيه

اجعل صحبتها قا بنات احلال****ما اتفرط في دينها ما تحيد عليه
نطلب ربي خالقي تسقم لحوال****تفوزي بالعلم و تسعاي امعانيه

بحق المصدوق الصادق فالأقوال****مول الخاتم ياك ماعندو تشبيه
مولا برهان و المعجزات اثقال****لا تخيب طلبي انا ليك انديه

اقبل ذالدعوة لا ترجع موحال****قدلها في الراي و تتهنى بيه
سهل عنها كل واعصة تذلال****و طوعها في كل أمر ما تعصيه

تمت بقلمي

medcherif03

بوبكر بن علي · 2016-03-14, 20:29

ربي عاز عبدو وحنين...ماتسهدشي عينو على نسرين

بارك الله فيك اخي محمد..والله يحفظ لك نسرين
تحياتي

medcherif03 · 2016-03-15, 12:55

مشكووووووووووووووووووووووووووووووووووووووووووور الأخ أبو بكر جزاك الله خيرا

محمد الشاعر · 2016-03-22, 16:14

يا ربي نرجاك وانت ذو الجلال ///*//// يا رحم لعباد رب العالمين
يا مليك الملك ماليكش مثال///***/// ياكريم الخلق ياك انت معين
يارب بجاه محمد والآل ///***//// شفيع العباد سيد المرسلين
محمد الشريف تحفظلو ذالمال//**/// قرة عينو زينة الهدة نسرين
تتربى في عزهم بنت الحلال///**/// تتربى فالخير عالطاعة والدين
في حصن المليك ما ترى محال///***/// ما ترى شيطان ولا فسادين
مستورة باخلاق ما ليها مثال///***//// اخلاق الحشمات تمشي واليقين
تولي دكتورة تقري في لجيال///***// ول طبيبة ماهرة للعرافين
يتشرف باباها وتاتيه الرجال///***/// كامل لمحمد ياتو خطابين
يختارو لشراف ويزيدو فالمال///***//// وناسو مجمولين في فرحة نسرين