استفسار حول تغيير الإسم

[bis kou]

السلام عليكم ورحمة الله وبركاته
أود الإستفسار
انا طالبة جامعية درست عام في الجامعة ومتحصلة على بكالوريتين نظامية سنة 2019 وحرة سنة 2020
مسجة في الحالة المدنية بإسمين وأود حذف إسمي الأول لأنه مُبهم ليس له اي معنى
لكن المشكلة هي أنه سيتم قبول ملفي يوم لإثنين 5 جويلية (منعرف اذا رح يخدمو) وإذا ميخدموش معناها راح ننتظر حتى الإثنين الاسبوع القادم يعني نزيد ننتظر قرار وكيل الجمهورية ونعاود حتى بطاقة التعريف من 00 وحتى هي راح تديلي الوقت

يعني لو رحت صححت اسمي من الآن راح ربما نواجه مشكلة خاصة اذا مخرجوش وراقيا بكري في التسجيلات الجامعية المقبلة وخاصة راني نحوس ندير transfert تحويل من الولاية التي ادرس بها الى ولاية اخرى

هل من الممكن اني ندفع ملف ناقص في الجامعة ؟؟ وكم يستغرق تصحيح كل الوثائق بما بيها بطاقة التعريف وخاصة شهادة البكالوريا والله راني خايفة نورط روحي لكن في نفس الوقت حوس نحذف اسمي لانه اصبح يشك لي عقدة نفسية فهو من الأسماء المخالفة للاسماء المتداولة في المجتمع الجزائري واللإسلامي

وش ندير اصحاب الخبر نصحووووووني

[مراد سابقا10]

انا حسب علمي شهادة الباكالوريا متقدريش تغيري فيها انا ننصحك خلي اسمك القديم حتى ولو شكل لك عقدة نفسية

احسن من ان تدخلي في نفق مظلم مع بيروقراطية ألإدارة .

[batit18]

سجلي بالقديمة لان الوقت لا يسمح وفي حالة تم التصحيح من طرف وكيل الجمهورية صحي اوراقك بدون مشاكل ربي يوفقك .

[bis kou]

المشاركة الأصلية كتبت بواسطة مراد سابقا10

انا حسب علمي شهادة الباكالوريا متقدريش تغيري فيها انا ننصحك خلي اسمك القديم حتى ولو شكل لك عقدة نفسية

احسن من ان تدخلي في نفق مظلم مع بيروقراطية ألإدارة .

لا يمكن تصحيح الاسم فيها ويكون على مستوى مديرية التربية لكن الإشكال وقع لي في مدة التصحيح فقط وهذا لي بغيت نستفسر عليه
واسمي الله غالب قتلك مهوش ابدا إسم
ربي يجيب الخير وخلاص

[bis kou]

المشاركة الأصلية كتبت بواسطة batit18

سجلي بالقديمة لان الوقت لا يسمح وفي حالة تم التصحيح من طرف وكيل الجمهورية صحي اوراقك بدون مشاكل ربي يوفقك .

يعني يقبلو التسجيل والإسم بين بطاقة التعريف وشهادة اابكالويا مختلفين ؟؟

[ABDENNOURBATNANAILI]

عادي سجلي عادي ودير ترونسفار عادي كي تكملي وتضمني التسجيل ديري التصحيح في المحكمة
بعد التصحيح اول حاجة كي تصحح شهادة الميلاد خرجيها وخرجي نسخة من الحكم القضائي الخاص بالتصحيح النسخة تاع الحكم الفضائي تجيبيها من المحكمة لي درتي فيها التصحيح ولا بلدية الميلاد، بعدها صحي بطاقة التعريف وجواز السفر ورخصة السياقة ان وجدو وكي تصحيحهم روحي صحيح اسمك في الجامعة وصحي الشهادات تاعك

[Ali Harmal]

جزاكم الله خيرا اخواني على الرد والنصح للأخت الكريمة...وفقك الرحمن خيتي...
تحياتي