prés scolaire a domicile ..واش رايكم

oum imane83 · 2014-08-11, 12:43

واش رايكم في هاد المشروع ... انا نحب بزاف دراري صغار و امنيتي اني نفتح روضة اطفال ..حاليا معنديش الامكانيات الازمة .. فكرت اني نجيب لولاد صغار من عمر 4 و 5 سنوات و نعلمهم في الدار في الحقيقة خممت في كل التفاصيل بالنسبة للبرنامج و تقسيم الوقت بين التعليم و اللعب و غيرها .. ..افيدوني و خاصة الي عندو تجربة ...جزاكم الله

benisafcom · 2014-08-11, 12:55

اسف اختي ماعنديش فكرة فهاد المشروع و لكن كاين مواضيع هنايا تاع الاعضاء قرايهم و ربي يوفقك

oum imane83 · 2014-08-11, 13:01

شكرا على مرورك

oum imane83 · 2014-08-11, 15:52

28 مشاهدة و مافيش ردود

أم احمد3 · 2014-08-11, 15:57

فكرة تعملها الكثير من النسوة...تربية الأطفال...ردي بالك وفقط..

oum imane83 · 2014-08-12, 08:38

شكرا لك اختي صمراء .. الحدر اكيد واجب لان هاد الشيء مسؤولية

oum imane83 · 2014-08-12, 08:40

نصائحكم و اقتراحاتكم تهمني

merieme el batoul · 2014-08-12, 09:57

هي نفس فكرتي فقد كان بودي تقديم مقترحات وأراء وأفكار تساعدني في تطوير الروضة
أنا لقد بدأت المشروع منذ سنتين ، إلا أنني أردت مقترحات جديدة

oum imane83 · 2014-08-12, 10:50

اقتباس:

المشاركة الأصلية كتبت بواسطة oum mane83

نصائحكم و اقتراحاتكم تهمني

احكلي شوية على بدايتك .. كانت صعبة و لا تاقلمت بسهولة .. كم كان عدد الاطفال .. شحال عمرههم و شحال يخلصك كل واحد فيهم لشهر ادا كان ممكن ..خدمتي في الدار ولا خصصتي مكان اخر .. راكي حاسة بلي نجحتي معاهم ز ساهمتي في تكوينهم و لا بالقليل

oum imane83 · 2014-08-12, 13:00

كيما سبق ودكرت انا فكرت و خططت لكل شيء من تجهيز مكان العمل.من تزيين و .توفير لعب وحاجيات التسلية . لاراحة الطفل نفسيا و كدا
استعمال اسلوب خاص يجدب الاطفال كتقديم هدايا رمزية .....الخ .. حتى اني وجدت برنامج العمل تعليم الحروف ايات قرانية. قصص الانبياء ..اناشيد و غيرها ..بالصورة والصوت ...
لان امكانيلتي الحالية محدودة شوية منقدرش نكري دار اخرى مستقلة لدلك خممت نخصص مكان في بيتي حتى يفرج ربي و نفتح روضة بصفة قانونية ..

انا الان عاملة لكن حابة نحبس خدمتي و حبي الكبير للاطفال الي خلاني نخمم في هاد الفكرة و في نفس الوقت نشغل بيها وقتي ونكسب بها شوية دراهم..
انا فكرت نحكم 20 طفل بين 3 الى 5 سنوات ..والمبلغ بين 15000 الي 2000 دج و دلك من الساعة 9h الي 16h

benisafcom · 2014-08-12, 14:02

اختي كاين واحد راه حاط موضوع خاص ليك نتي يهم في روضة الاطفال تصفحي المنتدى مشريع الخاصة تلقتيه

oum imane83 · 2015-07-30, 14:31

دهبت الى مديرة الضمان الاجتماعي للاستفسار عن الامر اخبروني انه لازن خبرة 5 سنوات . الشهادة الجامعية التخصص في مجال علم الاجتماع او علم النفس المتحصل عليها غير مهمة بقدر اهمية التجربة وولازم لا تقل عن 5 سنوات .. ... منين نجيبوها هاد الخبرة ...

zdadra · 2015-07-30, 18:34

يعني بعد الشهادة و التخطيط للمشروع و العزم على الانطلاق فيه يظهر مشكل الخبرة ! الله المستعان
وفقك الله ويسر لك
سلام

oum imane83 · 2015-08-02, 12:05

اقتباس:

المشاركة الأصلية كتبت بواسطة zdadra

يعني بعد الشهادة و التخطيط للمشروع و العزم على الانطلاق فيه يظهر مشكل الخبرة ! الله المستعان
وفقك الله ويسر لك
سلام

الاطفال مسؤولية كبيرة ومكانش الي يرمي وليدو بلا ضمان .. ولكن الضمان لا يكن في تلك الرخصة لوحدها قبل كل شيء االاخلاق والتحلي بروح المسؤولية...
من جهة هوما الي يفورصيو الواحد يخدم بشكل غير قانوني..

بارك الله فيك اخي الكريم