ارجو المساعدة محل مواد غدائية superette

[HANI2424]

المواد الغذائية فيها ربح جيد و فيها تعب كثير خاصة اذ كنت وحدك لازمك ناس ثقة باه ينجح مشروعك اما للجانب المادي فهو كافي جدا و يجب ان تركز على المشتريات و خاصة عامل التاريخ و الجودة بخصوص السجل التجاري أضن انك تفتح محل للتغذية العامة بالتجزئة أحسن من السوبيرات والله ولي التوفيق

[mohamed cherie]

شكرا جزيلا اخي الكريم hani2424

[mohamed cherie]

++++++++++++++++++++++++++++++++++++++++++++++++++ +++++++

[saber beussafer]

150 مليو مايكفيوش تحل سيبيرات عصرية بصح توكل على الله وبدا بشوية بشوية

لازمك 3 ثلاجت عصرية قيمة الواحدة على الأقل 20
2 ثلاجة تاع8 ملاين
ليططاجور لملاح قيمة الواحد 500 على الأقل يلزمط 20 طاجور
نضام المحاسبة بالكمبيوتر تاع ليتيكات ب10 ملاين كامل +نضام المراقبة
الصبيغة و بابين نتاع الزجاج يسقامو ب15 مليون الفيترينة نتاع ليزارتيكل +ميزان إلكترونيكي +بعض الكاماليات المتنوعة حوالي 10
و زيد 10ملاين سوكون ممكن تحتاج أمور مختلفة
لازم تخدم لبلافو نتاع الألمينيوم أو البلبلاكات نتاع النيلو و لازم الإضاءة لأنها أهم شيء يبهي السيبيرات هي الإضاءةهادم يسقامو ب8 ملاين
المجموع حوالي 130 مليون باه توجد سيبيرات عصرية بأتم معنى الكلمة يعني يبقالك 20 مليون حق السلعة لازم على الأقل 80 مليون للسلعو و لازم تنوع يعني تجيب السلعة العدي و تجيب لاكلاص يعني لي يدخل يلقى طلبو + راهو كي تخدم بنضام نتاع السلاك بالميكرو راح مايكونش لكريدي و لحساب نتاعك يكون ديما مليح ونتا تقول باغي تخدم بسومة مليحة باه تنافس جارك يعني حاول إذا كتب ربي و فتحت و كانت الأمور تمام تشري فورغو باه تجيب السلعة من لبلاصة باه تفضل و تخدم بالطايح بصح تلقى الفايدة و في الأخير خوذها مني مادام رزقك ربي بمحل كبيرماتراتيش هادى المشروع شاب بزاف و تاع الدوم يعني تخد و نتا مرتاح و تلقي فايدة مليحة برزا و أسمحلي إذا ممكن صعبتهالك بصح راني مابغيتش تحل ب150 مليون و تقول يكفيو و تلقياهم خلصو في النص ماتقدر تكمل ماتقدر تبطل يعني دير دراسة مشروع قبل ما تبدا ووجد دراهمك كاين ثاني تقدر تسلف دراهم و كي تحل و تتعامل مع أصحاب الجملة تقدر تعود تهز السلعة كريدي يعني تعود تخدم بدراهمهم في ضرف 6 أشهر تجبد دراهمك تسلك الناس و تعود تهز لجديد و تخلص لقديم بدراهم أصحاب البيع بالجملة .

هههههههههههه راني درتلك دراسة مشروع باه كي تحل نجي ناكل الباروك

[nadjibdz12]

يا أخي توكل على الله و ابدأ مشروعك فهناك أشياء لا تراها إلا و أنت في فلب المشروع

[nadjibdz12]

أقصد صعوبات لا تستطيع تذليليها إلا عندما تكون بدأت النشاط

[mohamed cherie]

saber beussafer شكرااااااااااااااااااااا جزيلا اخي الكريم على المعلومات القيمة
نعم انت محق في كل ماقلته فالتجهيزات باهضة الثمن لذلك

[mohamed cherie]

اظن ان دراستي للمشروع من النظرة الاولى كانت خاطئة لان مبلغ 150 مليون يكفي للتجهيزات و فقط
كما ان مبلغ السلعة حوالي 100 مليون كافية جدا لملء المحل حسب احد الاصدقاء الذي يعمل في سوبيرات اخرى
ان الان اعمل على توفير هذا المبلغ 150+100=250 مليون
ادعو لنا بالتوفيق

[mohamed cherie]

nadjibdz12 مشكوووووور يا اخي الكريم

[mohamed cherie]

شكرا للاعضاء على الردود في انتظار مزيد من الافكار ان شاء الله

[mohamed cherie]

++++++++++++++++++++++++++++++++++++++++++++++++++ ++++++++++++

[saber beussafer]

لا شكر على واجب يا أخي و لكن مثلما قلت لك تستطيع أن تفتح المحل و تستدين بعض النقود لتشتري السلعة لكن مع مرور و الوقت و بداية العمل و تصبح معرو ف عند أًصحاب الجملة تأخذ عليهم السلعة بنضام الدين يعني بالدارجة تهز الجديد و تسلك القديم و تسحب 100 مليون لي راك مدايرها للسلعة و مرة ثانية أنصحك بهذا المشروع هو مربح و تاع الدوم

[timorlank]

اخي انا تكملت مع صديقي بخصوصك صباحا في السوق


هناك امر لم ننتبه له في تقديم النصيحه وهو

سوبيرات لازمك ثلاجات كبيره وهي غاليه هناك من 20 مليون حتى 40 مليون

للمياء والالبان والاجبان واللحوم الخ
ّ
يعني مصاريف كبيره

لكن فكر في محل بيع مواد غذائية يكون متوسط وكيترفد روحك كبر المحل

بالتوفيق

[Amine456]

ولكن ستواجه مشاكل مع جارك لانه مقابلك تخيل محل مواد غذائة مقابل نفس المحل اماذا كان غير متقابلات فلابأس

[mohamed cherie]

saber beussafer شكرا جزيلا اخي الكريم
هذه الفكرة رائعة ساعمل بها ان شاء الله