please besoin d'un conseil

[solene]

Salem tout le monde
lbac mab9aleh walou , w anaya mazel mahfadtch je c pas si ghadi n9ad nelhag hata lel bac wala la :'( je sais pas quoi faire wallah :/ qui peut me conseillé ?? hein

[toulay]

سلام عليكم
بلعقل برك عليك ملازمش تضغط على روحك غير بشويا ومزال كاين وقت وان شاء الله خير
حاول تنظم وقتك ونوض الصباح بكري باش تحفظ
بخصوص الاجتماعيات فالتاريخ احفظ مليح الشخصيات والتواريخ وتاني المصطلحات نفس الشيء بالنسبة للجغرافيا احفظ المصطلحات
والدروس احفظ وافهم لازم تعتمد شويا على فهامة مشي كل شيء حفيظة على سبيل المثال الفلسفة احفظ اقوال الفلاسفة وافهم المطلوب باش توسع المقالة
التربية الاسلامية هي فيها حفيظة وتاني تقدر تكون فيها فهامة مثلا الفوائد والارشادات
الفرنسية ركز على le compte rendu critque et aussi objectif
الرياضيات الدوال المتتاليات والموافقات
الانجليزية اقرا النص مرارا وتكرارا باش تجاوب على الاسئلة لتخص النص بلا ماننسى la grammaire
فيما يخص الرياضيات والفرنسية والانجليزية دير شويا pratique مثلا حل المواضيع تاع البكالوريا لفاتت هكذا تكون عندك فكرة
هي بالمختصر نظم وقتك فالصباح نوض بكري وخليه لمواد الحفظ مبعد ارتاح شويا ومع لعشية حل موضوع في الفرنسية ولا الانجليزية ولا الرياضيات اذا حليت اليوم موضوع فرنسية غدوة دير انجليزية وهي رايحة

بالتوفيق