الضمان الاجتماعي للمتعاقدين

[ايمان2009]

السلام عليكم
انا سمعت باللي عندنا الحق في الضمان الاجتماعي لكن واحد ماافادني ب كيفاه ندير الدوسي ولا واين حتى واين نسقسي ماقالوليش
ارجوكم اللي عنده ادنى فكرة يفيدني جزاكم الله كل خير
شكرا

[تسنيم22]

اختي فيما يخص الضمان الاجتماعي روحي لمكتب التشغيل وهوما يعطوك واحد الورقة تعمري فيها المعلوما ت لي طالبينها فيها وتعطيها للمسؤول وين راكي تخدمي يوقعلك ويختملك فيها وتزيدي تجيبي فوتو كوبي تاع لطونطرا والعقد وشهادة ميلاد تاعك وترجعيهم للمكتب لي عطاك الورقة في مكتب التشغيل

[sabrac]

أنا رحت للضمان الاجتماعي باش نعوض أدوية شريتها قالولي لازم تكون عندك بطاقة الشفاء وقتلهم كفاش ندير قالولي جيب 2 صور شمسية ونسخة لبطاقة التعريف ونسخة لبطاقة فصيلة الدم ونخدمولك بطاقة شفاء حتى تعوض الادوية

[DHAID]

-اولا: لازم تجبب استمارة من الضمان الاجتماعي وبعد متجاوب علي الاسئلة الي فيها تديها عند لي راك تخدم عندوا و يمضيلك فيها
- ثانيا : تدي الاستمارة الي مضالك فيها الي تخدم عندوا تزيد معاها نسخة من العقد + نسخة من بطاقة التعريف
وبعد فترة ترجع لضمان الاجتماعي و تسقسيهم علي الملف نتاع يعني يعطوك رقم التسجيل في ضمان اجتماعي .
و بعد ما يعطوك رقم التسجيل الخاص بيك . دير دوسي نتاع بطاقة الشفاء و الي هو :
- 02 صمر شمسية
- نسخة من بطاقة التعريف او شهادة الميلاد (واحد منهم الله اعلم ).
- فصيلة الدم