رجل ذو علاقات سابقة لانهائية

[مشكلتي]

السلام عليكم باختصار لأنو كتبت الموضوع مرتين وراحلي
تقدم لخطبتي رجل ياماتلاعب بالبنات والنساء *في الماضي القريب فقط* يعني ماشي بغا وحدة وماكتبش المكتوب وماشي غير فالمراهقة+ ويخليهم هكذاك يعني يوعدهم مباعد يتركهم هكذاك

هذا هو عيبه الوحيد . الباقي مقبول
صراحة خفت وسوستلي نفسي بلاك يكون مصر عليا كي شافني عاقلة لانو انا في جهة و الوعارة في الجهة المعاكسة

واش رايكم ؟ يكون تاب وتغير فعليا ؟

[مراد سابقا10]

مستحيل يا اختي يكون تغير هذا ايضا رايح يتلاعب بك انت حذار الذئب جامي يتبدل

زيد انا نتعجب من مثل هذه المواضيع يعني انت مخطبوكيش اناس طيبين من قبل حتان راكي تفكري تقبلي بواحد كيما هذا .

[أم رقية نسرين]

السلام عليكم ورحمة الله وبركاته
قلتي هادا هو عيبه الوحيد؟؟؟؟ وش من من باقي لي تقولي عليه مقبول علاه كاين عيب اكبر من العيب في الخلق ؟؟؟؟؟ الرجل باه تعيشي معاه هانية لازم يعاملك بأخلاقو الحسنة من غيرها لا المال و لا المكانة الإجتماعية راح تهنيك
النبي صل الله عليه و سلم يقول (إذا جائكم من ترضون دينه و خلقه فزوجوه إلا تفعلوا تكن فتنة في الأرض و فساد كبير ) هادا هو معيار إختيار الزوج
هو راح يخلص الشيء لي دارو في بنات الناس لأنه كما تدين تدان ....ربي يهديه و يتوب عليه
ربي ييسرلك أمورك ويرزق الزوج الصالح

[بشرئ عاشقة العلم]

خطيك اختي رني جزت بنفس المشكلة و تجاوزتها و الحمد لله بفضل نصائح الاعضاء هذ النوع عمرو و لا يتبدل يبغي يبدل النسا كيما يبدل حوايجو، ولاوحدة تعمرو عينو تاكدي من ذلك . اما الاخ الذي تساءل عما اذا لم يخطبها شخص طيب اقول له ان الفتاة المحافظة هي من بين اكثر النساء تهميشا في المجتمع فهي لم تعد تعجب لا الطيب و لا الخبيث ، اذ اصبحو يتهافتون على المتبرجات في الشوارع .....ليس دائما و لكن هذا ما لاحظته في الواقع ، لا ادري لما ؟على الاغلب هو ابتلاء من رب العالمين ....

[ع.عيسى]

هذا عيبه الوحيد ؟؟؟......وكأنه لا شئ ...امالا واش هي العيبوب المرفوضة في نظرك ؟؟ شكله ؟؟..عينيه ماشي شباب؟؟...طوله 165 سم ؟؟...ساكن مع امه ؟؟..لا يملك عمل دائم ؟؟....غريب منطق بنات اليوم ....والله غريب

[الأيمان]

مول الطبع مايطبع ...و اللي فتحها بحري و جوي موحال يغلقها ...نقلك حاجة ....معظم الفساق يختارون المتدينة لأنها أمان لعرضه و حماية لبيته لا أكثر و سيواصل مع بنات النات شذوذه ووعوده ....فاستخيري اليوم و اطلبي الله أن يبعده ...ففي اخيار الزوج اذا وضعت مبدا الصدق فاثبتي و اذا وعتي مبدأ الأخلاق فاثبتي ............و سيعوضك الله بخير منه.