مافهمت والو

[mohamed 787]

سلام عليكم من فضلكم شكون يقدر يحلل حالة ديالي مع الخدمة الوطنية )انا مولود سنة 1987 كملت دراسة سنة 2013 جوزت لافيزيت 2007 وبعتولي لي اورد ابال 2009 وما لحقونيش غير وحدة لي فيها امر بالالتحاق شدها عمي المهيم انا ماحوستش عليهم حتى فيفري 2015 كي روحت باب الواد قالولي بعتنالك وحدة في جانفي وانا بدلت السكنة معنتها راحت الحومة القديمة ( وما قاليش عندك امر بالالتحاق تاع 2009 انا فرحت مي بعدها ب 3شهور روحت ليهم باب الواد باش نطلب سورسي تاع الوظيفة دفعت الدوسي وانتظرت 30 دقيقة عيطولي وقالي بلي دوسي ديالك مرفوض عندك امر بالالتحاق ف2009 انا مافهمتش روحت ليهم 5مرات من فيفري حتى ماي جامي قالولي بلي راك روشارشي على حسب اعتقادي اي واحد عمدو امر بالالتحاق يولي روشارشي مي انا سقسيت قالولي مت راكش روشارشي وزيد تاكدت 2 مرات لي فهم يفهمني وهل عندي الحق ف سورسي تاع توظيف:

["أحمد المحمدي"]

هي حتى يرسلولك ثلاث مرّات وما تروحش باش تولّي روشارشي

بصّح السّورسي تاع الخدمة والله ما علابالي بيه حتى اليوم باش راني نسمع من عندك

[mohamed 787]

انا كي سقسيت مليح لقيتهم بعتولي 3 اوزد ابال ف 2009 ووحدة فيهم فيها امر بالالتحاق
وزادو بعتولي ف 2015 جانفي علما اني ما وقعتش عليهم راحو لعنوان القديم
كي روحت ف مارس نحوس على الوضعية ديالي باب الواد
ماجبدليش على الامر بالالتحاق علما اني روحت 5 مرات كان يقولي روح لدار كي جيك في ماي روح تجوز ولا ارواح نخدمولك وحدة
انا ستنيت حتى 15 ماي سقسيت ما جاني والو
عاودت وليت في 28جويلية انا ربحت ف المسابقة تاع الاساتذة المهيم اكاديمي ما حبوش يمدولنا ورقة نجاح
انا روح ت نسي زهري ديت معايا الدبلوم شافلي لي ف الباب قالي نورمال عندك الحق ما عندكش امر بالالتحاق
مي كي دفعت دالي واحد منهم دوسي ديالي لداخل قعدت نستنى 30دقيقة عيطلي قاليما عندكش الخق عندك امر بالالتحاق
قتلي راني روشارشي ما حبش يردلي راكو تعرفوهم قالي روح لدار كي يجيك استدعاء روح تجوز
انا نعرف واحد فالجيش طالع المهيم سقسيتو شافلي
عيطلي قالي عندك تاع جانفي 2015 هاذا ما كان قتلو عندي ف 2009
قالي هاذا واش راني نشوف ف المكرو
قالي ما تخافش جبلي تعين نخدملك سورسي م
مي ف لكاديمي ما حبوش يمدولي تعين
انا المهيم كرهت
راني دوكا نخمم هل راني عاصي ولا نورمال

["أحمد المحمدي"]

أخي لو كنت عاصي لقامو بالقبض عليك مباشرة وأخذك إلى السجن ثم الثكنة

ما تتقلق ما والو إن شاء الله ما يكون غير الخير

وتاع الأكاديمية علاش ما حبوش يمدّولك تعيين؟ ما قالولكش وينتا نقدرو نمدولك تعيين؟

[mohamed 787]

بالنسبة التعين سكارة ما يمدوهش باش ينحوني مي ان شاء الله راني شفت واحد مي راهو يعطل شويا
لانهم مدوهم ف24 اوت

["أحمد المحمدي"]

إن شاء الله ربي يكون معاك

[mohamed 787]

ان شاء الله