نداء الى sakura be هذا طلبك

sousou mo · 2014-11-23, 18:37

اختي ساكورا راني حطيتلك 2 والباقي قريبا ان شاء الله
المودال 1

راني فصلتولك عادي مش في النصو راح يجيك عريض كيما تحوسي نحي 0.5م قبل التفصال للذرعين تبقى 2م

طبقي الكتان على 4 وضعي المقاسات و اكيد الصور راح توضحلك

افصلي الامام عن الخلف و فصلي الرقبة

من 0.5م نفصلو الذرعين

فصلي الكول

فصلي 2 طراف الاول 6سم والثاني 10سم بطول 1.5م ليشتا ديري طراف وركبيهم
وسرفليهم من الجهتين وين السهم الاحمر وديري خيط في برا وخيطي من جهة السهم الاسود ثم اجبدي الخيط باه تتحصلي على هذاك التكماش وركبيهم فوق بعضاهم على الرقبة وما تنسايش تخلي الفتحة الثانية شكليها برك دون تقطاع

و الدبلة لي تجي في الوسط خيطيها من الجوانب فقط و ديريها تتعقد من الامام و بالنسبة للكول ركبيلو كرشوات باه يتسكر