حلـــــــــــــــــوى الوردة للأعراس يحمر الوجه رووعه

بناتي نور العين · 2018-01-18, 19:59

العجينة : ( اذا كنتي من محبي عجينة اللوز بامكانك استعمالها عوض هذه )

500 غ فرينة

125 غ زبدة

قرصة ملح

2 لافاني

ملون غدائي حسب الذوق

و تتلم بالقليل من ماء الزهر

الحشو :

كيلة سكر

3 كيلات لوز أو كاو كاو

ماء زهر

طريقة عمل العجينة:

في وعاء ضعي الطحين مع الزبدة السائلة ثم إفركيهم بكفك جيداا أضيفي عليهم ماء الزهر ثم الماء رويدا رويدا حتى تتحصلي على عجينة طرية
غطيها بمنديل ثم اتركيها ترتاح

لازم تكون عندك ماكنة ترقيق العجينة
تمرري العجينة عليها في الرقم 2 بالاول
وبعد ذالك تضبطي العجينة على الرقم4ثم تمرري مرة و ليس كل الماشيان يعطو نفس النتيجة انتي حاولي
تتحصلي على عجيبة رقيقة مثل الصورة لانو متجيش العجينة غليظة و ممبعد تجيك معجنة

ثم تقطعيها دوائر حسب الصورة

ثم تأخدي 6 دوائر وتشكليها على النحو التالي

ثم تضعي عليها حربوش الحشو

وتلقي الجانب الاخيرعلى الحشو

ضعي على الجانب الاعلى من العجينة القليل من الزبدة الزائبة ( منيش على الاخت زبدة ذايبة هههه >> ربي يحفظها )

ثم تلفي من البداية إلى النهاية

و من الاحسن تخليها تبات وممبعد طيبيها لكن اذا كنت مزروبة مفيش مشكل

بعد ما تخرجيها من الفرن أغمسيها في العسل الساخن

الموضوع منقول مع بعض الاضافات و لكن انا موالفة نديرها و تجي هايلة هايلة و شكلها بزاف شباب

نتمنى تعجبكم و تجربوها

و قريبا ان شاء الله نصورلكم كل تطبيقاتي باذن الله

سلام .

المطمئنّة · 2018-01-18, 21:26

وعليكم السّلام ورحمة الله وبركاته
شكرا وبارك الله فيك
تحياتي

ام هدول · 2018-01-18, 23:33

روووعة.ام نسرين حتى انامن محبات هاد الحلوة وكنت نديرها في أعياد

شكرا. ليك.الف شكر

بناتي نور العين · 2018-01-19, 12:46

العفو اخواتي نورتو الصفحة

mimi_belle · 2018-01-19, 17:50

الاهي يسر لي امري يعطيك الف صحة على الوصفة
المودال لي حطيتيف ما فيهش ملون على حسب ما فهمت
واذا بغيت نحط ملون غذائي اي لون تنصحوني لان الاحمر جاني ناصع بزاف ربما الوردي يكون احسن ؟؟