ساعدوني....

[SOSO.39]

ممكن وصفة مقروض المقلة ناجح من أول تجربة

[navigator]

المكوّنات
4 كيلات سميد مترسط
كيلة سمن +زيت
لفاتي
ملح
ملعقة صغيرة سكر
ماء +ماء الزهر
الحشو
3 كيلات لوز
½ كيلة سكر
ملعقة صغيرة قرفة
بياض البيض
زيت للقلي
عسل

الخطوات
نبسس السميد بالسمن والزيت ونضيف الملح والفانيلا والسكر ونغطيه ونتركه وكلما تركناه كان احسن.
الحشو لوز وسكر وقرفة ونطمه بالبياض البيض ونشكلها حربوش ونغطيها ونتركها ترتاح.
نحضر مقلاة فيها زيت وايناء فيه عسل ونبلل السميد بكميات قليلة ونشكلها حربوش ونضع الحشو ونشكلها جيداً ونقطع على شكل مقروطات ونقليهم على نار متوسطة ونعسلوا مباشرة و نكمل نفس العملية حتى نكمل.

[سلوى سلوى]

شوفي وصفة ام اسيل ناجح 100/100

[ميهانيدار]

الوصفة وزيد لازم تعرفي كيفاش تكون العجينة الناجحة( قصدي كيفاش تلميها ) على خاطر الاغلبية* اللي جربوهلأول مرة غي تحط الحبة ف الزيت تتفتت*
شو في واحدة كبيرة واونصيانة تخدم معاك الحبة الاولى ونتي كملي و هاكا تدي فكرة على العجينة نتاعو كيفاش تكون*
خطرات الفيديوهات والوصفات مايساعدوكش بزاف*
بصحتكم 😘

[أوبال]

الحبة باش ماتتفتتش قبل ماتقليها مسحيها بماء زهر مسحة خفية باش تدي لافورم تاعها وتاني من الحاجات المهمة فالمقروض متلميش لعجية كاملة لمي بالما والما زهر غير الحربوش لي راحة تخدميه

[fati13]

وصفة ناجحة نتاع مقروظ من عندي ختي جربيه 3 كيلات سميد متوسط وملح لفاني 2 ملاعق نشا هدا سر باه ميتفتحش كيلة سمن وكمليها بزيت بسيه مليح وخليه يبات ليلة كاملة من بعد لمي بطرف بماء زهر ولما وشكلي مقروظ
واالحشو انا ندير غرس ملعقة خمارة قاطو صغيرة وجلجلان وقرفة وملعقة زبدة ونلم بالما جيد