دورة خطواتي الواثقة لأصبح ربّة بيت متألّقة

[omelbanin]

السلام عليكم، اهلا بيك ام عائشة معنا،
جهينة خسارة عليك انا ننساك، وشنو عدت نحشم من بنتك كل دقيقة نسقسي، انا قلت كاش ضياف جاوك، راكي معاهم، ولا لخياطة....
المهم ربي يجيبلك الشفاء حبيبتي.

[omelbanin]

انا اليوم صبحت مع لحوايج، غسلت الغلافات تاع لمخايد والدراوات لاني مالفا نغسلهم كل أحد، والأحد لي فات كان الحال مسحب خفت الشتا ماغسلتش، والملابس.
اومبعد زوجي جابلي جويجات قعدت انقي فيهم، ودرت لفطور يطيب، رحت سرجت الحالة وسيقت كلش.
الجانب الديني تم.
الجانب الجمالي ،شوية

[ام صفصف]

صباح الخير لكل الفراشات
ويومكن موفق ملئ بالنشاط

[ام صفصف]

الغالية جهينة ، والله مانسيناك
ربي يشافيك،ان شاء الله
وجربي ادهني بزيت الحبة السوداء،راو رائع

[ام صفصف]

يا فراشات،مادام مزال ماكانش تطبيق جدد
شكون تقترح موضوع مهم ، نتكلموفيه اليوم

[أم *عائشة*]

اقترح للتنظيف اثناء تواجد الزوج في المنزل انا وحدة كي يكون راجلي فالدار منقدرش نخدم حتى يخرج

[ام شمسو محمد]

[ام صفصف انا معاك في مسالة طرح موضوع كل يوم باش نحركو النقاش
و بما انك صاحبة الفكرة اقترحي و احنا نتفاعلو
ام عائشة العمل و الراجل في الدار مستحيل مانقدرش نركز و هو كي يشوف نقص ينتقد

[omelbanin]

انا زوجي كي يكون في الدار ما نحبش نخدم حاجة تاع تزرزيق والما، هو الحقيقة ما يقول والو، بصح انا بقات عندي فكرة من بابا الله يرحمو كان يكره التزرزيق في الدار، كنا ما نسيقوش كي يكون في الدار.
وانا كي يكون زوجي قاعد بالجمعة نحب نبروفيتي كاشما يرقعلي في الدار هههه، انا داري ماشي مفينيا، ساعات نقولو كاشما يرميلي كاش خردة ولا نسرجو كاش بلاصة ما نقدرش نسرجها وحدي، فيها لحطب ولا لحديد...

[ام شمسو محمد]

[img]اللهم صل و سلم على سيدنا محمد
[/img]

[omelbanin]

حبيت نطرح هذا الموضوع كيف تتعاملين مع اولادك عندما يتشاجرون فيما بينهم (كي تنوض الgيررا). ويجو يبيعولك كامل وكل واحد يبان هو المظلوم؟؟؟؟

[ام شمسو محمد]

مالصباح و انا نحاول نحمل صور و نفشل ما علاباليش علاش[IMG]
وثاني ماعلاباليش علاش تتكرر المشاركات
و كيفاش نحذفوهاhttps://www.dzfile.com/do.php?img=460371[/IMG]

[اميرة اليالي البيضاء]

المشاركة الأصلية كتبت بواسطة omelbanin

حبيت نطرح هذا الموضوع كيف تتعاملين مع اولادك عندما يتشاجرون فيما بينهم (كي تنوض الgيررا). ويجو يبيعولك كامل وكل واحد يبان هو المظلوم؟؟؟؟

اسمحولي راني دايما ندخل نقرعج عليكم
عجبتونب بزاف وعجبتني الدورة
معليهش نجاوبك انا واسمحيلي
شوفي انا مانيش متزوجة وادعياي بالزوج الصالح
عموما كي تنوض الحرب ويجوا يشتكوا
قوليلهم انا مايهمنيش شكون ظلم
المهم تتصالحوا وحاولي خليهم يسلموا على
بعضاهم
لا تقفي الى جانب اي اي احد

سلااااام بالتوفيق

[ام شمسو محمد]

موضوع عميق ام البنين بالنظر للاخطاء اللي يوقعو فيها الكثير من الاباء و تكون نتائجها كارثية على المدى البعيد
نعرف امهات ينصرو الصغير دائما على اعتبار انو ضعيف و هوما يحميو فيه و النتيجة انو الكبير خرج جبان و انهزامي مع الجميع
و عندي صديقة ما تدخلش بين ولادها لانو في الاخير الاقوى راح ينتصر و الاضعف ما يعاودهاش و لكن اظن ان هذي الطريقة تربي الاحقاد بين الابناء
و انا اظن ان خلافات الابناء مناسبة لتذكيرهم دائما بانهم اخوة وبان الكبير يرحم الصغير و الصغير يحترم الكبير و التسامح في الحقوق اجدها طريقة تطبيقية لتقوية العلاقة الاخوية مع الحكم العادل بينهم

[ام شمسو محمد]

استغفر الله و اتوب اليه

[ام صفصف]

والله يا ام هارون غير حطيتي يدك على الجرح كيما يقولو ههههه
اليوم راني على الصباح ، صبحت مقلقة من هاذ المشكل
انا نعود نعيط ،ومبعد نبقى مشنفا عليهم، باش يفهمو الخطاء تاعهم
لكن هما كي تفوت يرجع يلعبو مع بعض،وانا اعصابي يبقاو محروقين
الي عندها طريقة مجربة في انهاء النزاعات دون حرق الاعصاب تقولهالنا وااااع