الجزء163من كوزينة واش طيبتي اليوم ؟؟.؟؟؟.؟؟ - الصفحة 99

oum ibrahim · 2016-05-04, 09:26

صباحو يا غوالي اممممممم على ريحة القهوة على الحطب
مريومة حبيبت طاطاها تفضلي الشكشوكة خص نص ليك ما تخليهاش في قلبك

وزيدي هذي بونيس معاها باه تزيدي 15 كيلو ماشي غير 10 هههههههههه
بسم الله

و الحمد لله حمدا كثيرا طيبا مباركا فيه
كنت نراجع واااااااااااعتين من النت تندب ام عبدو و حياة بصحتكم الشخشوخة و التليتلي اليوم تفاهمتو على العجائن ربي يدومها نعمة علينا و عليكم
ام جوجو بصحتك الروز اكسبرس يشهيييييييييي
القهوة و كيكة جارة ام اسلام ربي يحفظها و يصلحلها وليداتها حتى و لو مانعرفوهاش
كاب كيك مسلمة اممممممممم بصح ما نقربش ليه درك ترجع ام اسلام من مشوارها تديه
وفطور ام هدول اممممممم انا ندي مسمنة مع الحليب امممممم يعطيك الصحة
واطايب ام ساجد هذي غيبة غاليتي اممممم على تارت الفراز تهوسسسسسس يعطيك الف عافية
ولا عرايش مريومة بنت الحوتة باينة فحلة راهم يهبلو واش تزيديلهم
غدايا باذن الرحمن حمص ولله الحمد ربي يعيني و يعينك على اشغالكم

x ام رحاب x · 2016-05-04, 09:37

ام ابراهيم البنوس انا ناكلو ويطلعلي السكر ونتهنا الله ايبارك عليك الحلوة اتشهي خير ملي تتباع تسلم ايدك

أم محمد تاج · 2016-05-04, 09:55

رووووعة ام عموودي رووووووعة يعطيك الصحة والتارت هبااااال والبياض فيييينوو يابطة???? ههههه
ام رحاب الغالية انا نسحر بالحليب والكسرة والفلان ودار بابا وخاوتي نص يسحرو كيما انا ونص يسحر بالدوزيام بلا والبوراك ومعظم الباتنية هك يسحرووو يعني بالحليب ولا شي لي بقى من الفطووور

اريج 07 · 2016-05-04, 10:03

صباح النشاط
طاطاتي ههههه شميتي ريحت القهوة والله طيبناها في طريق باتنة ههههه عليها فطناتك
حبايبي هديك القهوة من ارشيفي توجور بابا كي يحب يشربها نروحو للجنان و طيبها ماما على الحطب
ام هدول امممم على المسمن
ام اسلام وااااو التارت تهبل جبيلي هعاك باطة شيكولا اوكي
ام رحاب يعطيك الصحة و ربي يخليلك خوتاتك
ام ساجد التارت تهوسسسس
حيوتة صباحك عسل يا عسل حقا مورالك راهو عندي
وااااااي ام برهوم جوعتيني على الصباح امممممم ماهذا الشكشوكة تهوس و التارت قاتلهم بعدوا تاكلني غير مريومة اممم واممممم
ليزاتي تدخلي ولا نجيك
صباح الخير جازية
لي نسيتها تعذرني
ام برهوم كنت حابة ندير حاجة فوق العرايش و مبعد تفكرت عندي الورد جاهز درتوا

حياة نور الدين · 2016-05-04, 10:06

صباحكم سعيد البنات

ام برهوم روووووعة تسلمي

ام رحاب مرحبا الغالية ويعطيك الصحة على الاطايب والفتيل الله يبارك

جازية اهلااااا اختي راني غير هنا المورال برك مودر

ام اسلام اهلين اختي وترجعي بالسلامة

مسلمة يعطيبك الصحة

مريومة قهوتك امممممم ريحتها تشهي

اللي نسيتها تسمحلي

حياة نور الدين · 2016-05-04, 10:07

حقا فطوري بواقي والحمد لله

lyzzabel · 2016-05-04, 10:16

السلاام عليكم و رحمة الله ،، صباحكم ورد و فل حبيباتي كي راكم لاباس

يعطيكم الصحة و الربح ما خليتو ما تحطو الله يباااارك ماشاء الله كلشي تحححفة و يشهي جيبولي القايمة لي تديرلي القلب باش نعاندكم ربي يباركلكم في أرزااقكم يارب

حبيبتي الغالية ام إسلاام واه شفت تاني غراتان لابيري و الفيوند آشي و الحوتة غي نسيت نكتبهم ربي يحفظك و يسترك و يعطيك الصحة على مستطيلاات المحبوووب فيييييلم و كلشي من يديك روووعة و الف مبروووك على ولد عمتك العقوبا للي مازالو يااارب

حبيبة القلب و الروووح ميمتي الغاالية تسلم ايديييك على الفتيل حنا تاني في دارنا كنا كليوم نتسحرو بالسفة أما دروك تبدلت العادة ................ انا من بكري ما نتسحرش و دار عجوزتي و هنا فالمدينة لي نسكن فيها نص يتسحرو بالطعام كيما حنا و النص بالشي لي يبقى مالفطووور ولا القهوة و الحليب و كاش سخايف حلوييين ،، ربي يبلغنا رمضان بالصحة و العافية اللهم آمييين و بصحتكم الرشتة و البركوكس و قلوب الجلجلاااان

ام عموودي ماشاء الله عليك كلشي روعة روعة بصحتكم يا عسسسللل

سكروووةر نتي لي ما خليتي فيا وااااالووووو بالمحاجب يا محاينك قعدت غي نشوف فيهم خخخخخ و المسمن لي درتيه بهديك الطريقة حنا نقولوله المدلووووك ،، و الملوي طريقة مختلفة تمااااماااا بصح ممممم و ممممم

ام هدوول يعطيك الصحة على المسمن يهبل يهبل مممممم و الرقاق تاني يسخف على الصباح تسلمي حبيبتي

حيووتة بصحتكم العشا يشهي تاع الصح و التحلية كي تقعدي فهميهالنا و ربي يفرج عليك و يفرح قلبك و يعطيك ما تتمني اللهم آمييين

جازيا بصحتكم البريوش حبيبتي

مريووومة بصحتك السبور بصح لاااازم تزيدي شوية فالميزان 50 قليلة بزاااف روحي عند سكرووورتي ولا عند ام برهوووم يسمنوك شوية انا راني غي نسلك خخخخخ

ام سهام على سلاامتك يا الحبيبة و يعطيك الصحة على الخيرات لي جبتيها و ربي يشفيك و يعافيك يارب

ام جووجوو و ودااد ام محمد و قااع لي دخلو للكوزينة بصحتكم قاع شا طيبتو و حطيتو ولي نسيتها حقها عليا عصرت مخي و هدا لي تفكرت المورال راه شوية شوية ملي سمعت بالخبر المحزن و الحمد لله على كل حال

هدا بركوكس درته يامس للفطور و تعشينا تاني بيه و الحمد لله

فطورنا اليوم جلبان بالفيلي تاع الخروف و سلطة و الحمد لله على نعمه

سبحان الله و بحمده سبحان الله العظيم

lyzzabel · 2016-05-04, 10:24

اقتباس:

المشاركة الأصلية كتبت بواسطة اريج 07

صباح النشاط
طاطاتي ههههه شميتي ريحت القهوة والله طيبناها في طريق باتنة ههههه عليها فطناتك
حبايبي هديك القهوة من ارشيفي توجور بابا كي يحب يشربها نروحو للجنان و طيبها ماما على الحطب
ام هدول امممم على المسمن
ام اسلام وااااو التارت تهبل جبيلي هعاك باطة شيكولا اوكي
ام رحاب يعطيك الصحة و ربي يخليلك خوتاتك
ام ساجد التارت تهوسسسس
حيوتة صباحك عسل يا عسل حقا مورالك راهو عندي
وااااااي ام برهوم جوعتيني على الصباح امممممم ماهذا الشكشوكة تهوس و التارت قاتلهم بعدوا تاكلني غير مريومة اممم واممممم
ليزاتي تدخلي ولا نجيك
صباح الخير جازية
لي نسيتها تعذرني
ام برهوم كنت حابة ندير حاجة فوق العرايش و مبعد تفكرت عندي الورد جاهز درتوا

هاني جيييت يا الحبيبة بصح لوكان عرفتك تجي حتى لعندي باش تجيبيني لوكان ما جيتش

يعطيك الصحة العرايش خرجو يهبلو يهبلووووو ممممممم

ام سااجد يا سلاااااام على تارت الفراز تققققتلللللل قتيييييييل مممممممم يعطيك الصحة حبيبتي

اريج 07 · 2016-05-04, 10:26

يااااي يافرحتي ليزاتي دخلت وين كنت هذا توحشتك امس مدخلتيش حيرتيني عليك امممم على هداك البركوكس يشهى متزيديش تغيبي يا عمرييييييو
غدانا لوبيا و سلاطة

ام فضل · 2016-05-04, 10:26

يعطيكم الصحة يا لحراير فحلات بمعنى الكلمة تفضلوا لغدا ملوخية سخونة تشهي والكسرة عليكم

x ام رحاب x · 2016-05-04, 10:56

ام تاج شفتي كل واحدوطباعو في السحور بناتي تاني مايكلوش المسفوف ياكلو دوزيام بلا بصح احنا كي كنا صغار علمن بابا الله يرحمو السحور مكاش منها مانسحروش
حيوتي اهلا وسهلا حنونة واش راكي
اريج ربي يخليك حنونة
ليزاتي العزيزة واش راكي وبصحتك البارح البحريات من يديك تحفة الله ايبارك وبصحتك البركوكس راه ايشهي تسلم ايدك حنونة وان شاء الله راكي اتريحي خير من نهارات الي فاتو
ام فضل بصحتك الملوخية

@رنيم الأمل في الحياة@ · 2016-05-04, 11:17

صباح الخير و الورد و الياسمين لاخواتي في المنتدى

شكون عندها هاد الوصفة

اريج 07 · 2016-05-04, 12:21

هايات حبيبات و صحى غداكم تفضلوا غدانا لوووووبيا نموت عليها
حقا ام برهوم ياريت تحطي وصفة الشكشوكة

ام هدول · 2016-05-04, 12:28

جبتلكم غدايا شكوشكة باللوبيا الخضرة

ام هدول · 2016-05-04, 12:33

اريج بصحتك اللوبية.......اممممممممم...ولعرايش خرجولك روعة ..اللون لي نحبو
ام الفضل بصحتك الملوخية .....عمري مادقتها مع انو لي كلاوها شكروها
ليزا بصحتك العيش يشهي ........باين بنين
ام براهيم كي نشوف طيلك نقول ياسلالالالالالالالالالالالالالام خاصة االتحليات بصحتك
ام ساجد ...تورتة لفراز تحفة وجازية البيريوش ....روووعة ...يعطيكم الصحة
ام رحاب ربي يبك في دوك اليدين لي وجدو الطعام ..الحلوة والرشتة
حيوتة بصحتك البواقي ...الموروال حاولي تهزيه ماتكركريهش