الجزء 141 من واش طيبتي اليوم؟.؟؟؟؟؟

[الرجاء الاماني المجد]

حلوة القفريط من اختراعي المقادير 2حبات بيض كاس سكر رطب كاس مايزينة 1خميرة 150مغارين فنجان زيت لافاني الفرينة التحضير ضعي الزبدة وخلطيها بيدك ثم اضفي السكر ثم المايزينة ثم البيض ثم لافاني والخميرة ولمي العجينة بالفرينة وما تيبسهاش وكسلي العجينة هكدا ودري اشكال بهدا الطابع وخليها اتطيب في الفرن وكي اتطيب خليها تبرد وذوبي الشكلاطة وزيديلها شويا حليب وغطسي في الشكلاطة ثم رمديها في القفريط مرحي وشهية طيبة للامانة هده الوصفة وجدتها في الفيسبوك ولكني درت تعديلت الوصفة هديك مفيهش الزيت والزبدة انا نقصت هم ديرين 250 وانا درت 150 وكدلك الشكل هم دروه باليد وانا بطابع وصدقوني ايذوب في الفم جربوه على ضمنتي وراهم الصور انا رتبتهم وبعد اتخلطو

[ام سراج وملاك]

سرور بصحتك لبيني خرجولك روعة وبصحتك لمحاجب

[ام سراج وملاك]

المشاركة الأصلية كتبت بواسطة الرجاء الاماني المجد

حلوة القفريط من اختراعي المقادير 2حبات بيض كاس سكر رطب كاس مايزينة 1خميرة 150مغارين فنجان زيت لافاني الفرينة التحضير ضعي الزبدة وخلطيها بيدك ثم اضفي السكر ثم المايزينة ثم البيض ثم لافاني والخميرة ولمي العجينة بالفرينة وما تيبسهاش وكسلي العجينة هكدا ودري اشكال بهدا الطابع وخليها اتطيب في الفرن وكي اتطيب خليها تبرد وذوبي الشكلاطة وزيديلها شويا حليب وغطسي في الشكلاطة ثم رمديها في القفريط مرحي وشهية طيبة للامانة هده الوصفة وجدتها في الفيسبوك ولكني درت تعديلت الوصفة هديك مفيهش الزيت والزبدة انا نقصت هم ديرين 250 وانا درت 150 وكدلك الشكل هم دروه باليد وانا بطابع وصدقوني ايذوب في الفم جربوه على ضمنتي وراهم الصور انا رتبتهم وبعد اتخلطو

يعطيك الصحة غدوة ان شاء الله ندير منها لولاد يصحتكم

[الرجاء الاماني المجد]

سرور لبيني خرجولك روعععععععععععععععععععععععععة بصحتك

[الرجاء الاماني المجد]

ام سراج وملاك والفضل يرجعلكم انا تعلمت منكم وعادت اتجني افكار في الاكل والقاطو وهدا بفضل مساعدتكم ربي يدوم هذه لمة

[ام عبدو و ملاك]

الرجاء بصحتك ابعثيلي شوي

[الرجاء الاماني المجد]

الله يسلمك نبعثلك الطبسي كامل كلي ودعلي يا معلمة الجديدة

[ام عبدو و ملاك]

المشاركة الأصلية كتبت بواسطة الرجاء الاماني المجد

الله يسلمك نبعثلك الطبسي كامل كلي ودعلي يا معلمة الجديدة

تعيشي ربي يعطيك ما تتمناي و يحفظلك راجلك و بناتك

[fadila34]

سرور بصحتك لبيني خرجولك هايلين
الرجاء الاماني يعطيك الصحة على الوصفة وممكن سوائل يقطع بزاف انا نحب القاطو ليقطع كرشي كبيرا

[oum islem]

مساء الخير بنات وحراير
ليزا ربي يبارك في صحتك وربي يحمي السبوعة حبايب خالتهم ياعمري على منصف راني عظيتو الطبوز
وبصحتكم التحويسة حبيبتي تستاهلي كل خير وليدك الكبير اسمو حفيظ هكذا والوسطاني شا يسموه
ويسلمو غاليتي على لي بينيي خرجولك فيييلم ويايما على العصبان يقتل من كل قلبي شكرا
وربي يشفيك الضرسة مزعجة خاصة في الليل وغدا الجمعة ديري القرنفل واصبري حبيبة

الامنيات روائع واش حطيتي يعطيك العافية ويسر الله امورك

الريفية مشكورة على المشاركة القيمة وطيابك باين بنين والكرطوس نموت عليه خبيلي شوية

ام فاطمة عندي من 12 سنة حتى عامين وخيري

ام كاميليا ربي يفرج همك ويفرحك هوني عليك حتى حاجة ما تستاهل

ام سارة يعطيك الصحة على الغريبية
سيما شكرا على المشوشة السريعة والصحية خليت الطريقة لوقت لاحق لزوم الكسل
نسيبتي العزيزة ام تاجو بغريراتك يهبلو طيبيهم على الكرلاج صح تدهنيها بحاجة ولا تطيبي مباشرة
ام الاءوش راهي الكحلوشة وطياباتك كامل ما شاء الله عليك وبغرير القرعة كيفاش حكايتو
ام سراج ملوكة الكحلوشة نخليها لوليدي يوسف هو زين بزاف هكذا نحسنو السلالة وبارك الله فيك راكي مزهية الكوزينة وشكرا على المشلوشة راني دونتها
الرجاء ما نقبلش تزعفي مني ما تخميش خليلي واحدة من اميراتك لاخي الصغير
المعلمة الجديدة وش راكي اختي

نزيد نحاول نحمل بعض الصور ويارب ما تبهدلنيش الطابلات

[الرجاء الاماني المجد]

دارلي 30 حبة بصح هايل يذوب في الفم يا فضيلة

[الرجاء الاماني المجد]

ام اسلام مساء الفل خلاص تفهمنا درك رانا انساب

[oum islem]

سرور يسلمو حبيبتي على لي بينيي والمحاجب سخفتيني فيهم

الرجاء مشكورة على الصابلي والوصفة هايلة

فضيلة مساء الفل والقرنفل وش راكي لاباس؟؟؟
قوليلي فضيلة كي تخدمي الدهان تزيدي فيه العرعار نسيت وقتاه قلتيلي مع الاول ولا كي نكملو
درت شوية للعيد وطبقت طريقة الغالية ام سهام

[fadila34]

ربي يخلك لينا اختي الرجاء الماني 30حبة مليح
عسلاما ام اسلام كيفها ركي انا شاء الله ركي ريحتي شوية ام الدهان ديري العرعار كما تعجني الزبدة والملح من الاول واي زبدة درتي

[oum islem]