~ ~ ~الجزء 124 من واش طيبتي ليوم : ابداع ، نشاط ، حيوية ~ ~ ~

[natacabell]

ام اسلام مممم ماكلتك تشهي يعطيك الصحة

[ام سهام 02]

المشاركة الأصلية كتبت بواسطة almazalina22

ام ياسين صيامك في الجنة

ام سهام حبيبتي شحال راهي تدير المرمز عندكم العام اللي فات كانت غااااالية وحبيت نسقسيك هاذيك النهار حطيبي قروش هل هي نفس وصفتك ولا جديدة ياريت تعطيني الوصفة

حنونتي المازة ركي عجبتني كلك نشاط ربي يعطيك الف عافية المرمز راه يدير 40الف للكيلو وبالنسبة للقريوش راه

5عبار فرينة بعبر زبدة ذايبة وباردة وحبة بيض و1مك خل ابيض و1خمير قاطو ورشة ملح مذوبة في الماء وماء الزهر حتى نتحصل على عجينة شوي يابسة انخليها ترتاح وانحليها في الة التوريق بالميزينة في الاخير انحلها في الرقم ما قبل الاخير وانقطعها مستطيلات طولها20سم وعرضها 10سم وبالجرارة اندير اعمدة بلا مانوصل للاخير امنبعد نطوي على 2 ثم على 4 ونقسم في الوسط واندخل الراس العلوي ونجبد نكمل مع كامل الحبات وانقلي غير بالحبة ونرمي الزيت من الفوق وانعسلها حتى تبرد بالعسيلة دافي بلا مانضيف ماء الزهر

[ام سهام 02]

حبيتي ام ياسين صيامك في الجنة وربي يتقبل وقولي لسلمى يعطيك الصحة على ليكراب اكيد ايجو هاااااايلين من عندها والله شعال فرحت ربي يفرحها ويوفقها في دراستها اااااامين

لبنات كامل يعطيك الصحة ونشكرا كامل لعجبوهم تدابيري هذا من لطفكن

[طالبة الجامعة]

اممممم راني راجعت كيما يقولو من aللل z

هههه وش من عصائر وش من حلويات وتحليات )انتوما احلى منها اكيد هه)

واش من اطباااق

يا كوكا راهي اطباقك تشهي قمةةةةة ما عندي ما ننقول فيها بصحتك كل ما طيبتي

ربي يخليلك توامك يا ام التوام انا تان عندي اختي توام

طيير الرحمة راكي قااايمة بسلامتك الله يبارك كل دورة وصفة ماشاء الله عليك

هاكا هي الكوزينة كل خطرة واش من جديييد نشكرك بززززاف ياا اختي الغالية على مجهوداااتك

زينب يا زنيب 83 انت اصل الكوزينة يا الزينة راك top زهيتينا الحالة بتدابيرك واخبار الحلووووة

يا عيني
حنا ليوم عشااانا خفيف وظرف __لبن بالكسرة__

ما حبيناش نتقلو كرهنا ملمرااقي صراحةةة

الكسرة ديال ماما تهبل وبنينة سورتو ويلا كانت سخخووونة '''

مازال ما تعشينااش بصح دك شوووية

وين رهي ام ماجد ؟؟؟؟؟؟؟؟؟؟؟؟؟ ام محمد تاج ؟؟؟ غابت الغاليات

زينب 666 اهلا بييييييييييييييييييييككككككك انت نحسك سكر الكووزينة ربي يخليك

ايا نزيد نقرعجج وشراكي ام سراج وملاك ؟؟؟

(°_°)

المازة ربي يجازيك كل خير

[wahibaazel]

البنات ماشاء الله عليكم كامل كل وحدة باسمها ،المازة ربي يجازيك كل خير ،القكوط تربحي فيهم اجر
ام سهام مشكورةعلى الوصفة عجبني روعة القريوش انتاعك تسلمي .
زينب 66ربي يعاونك في قسم الخياطة ،ام ياسين صح فطورك وجميع الصايمات .
اسمهان مابانتش اليوم ،وين رررررراك اسمهان هيا طلي علينا .

[ام سهام 02]

الله يخليك حبيبتي وهيبة واش ركي ا ش راهي بنتك مع القراية انا ثاني عندي بنتي في السنة خامسة

ام زينب ربي يقدرك حنونة

نفس الملاحظة ليزا واسمهان ما بانوش اليوم ان شاء الله المانع خير

[رفيف رانية]

تدبيرة
1باه تكونجلى اللوبيا ماشطو فوريها نص الطياب بلا ما تنحيلها الجوانب خليها كاملها .كتبرد ستفيها فى بورت مونجى ديري الصف الاول اعصرى القارص زيدى الصف الثانى واعصرى القارص حتى تعمرى العلبة والى المجمد
2 الجلبانةنفورها .نحسب من عند الغليان 30 ثانية لااقال ولااكثر ونطفى نحطوها فى جفنة تبرد نذرى عليها الملح ونعمرها فى قرع بالاستيك

[أم ياسين الزهراء]

لربي يعيشكم بنات ويخليكم الحمد لله فطرت وزاد جاب زوجي المرقاز والحمد لله

طالبة مادام انت صاحبة الفكرة لمي التدابير وديري موضوع وهكى اللي عندها عفسى تحطها

بصحتكم كلش واحلام لزيزة

[أم ملك]

أم ياسين بصحتك الفطور سخفتني مين قلتيلي الزلابية بعثت جابولي


المازة مشكورة حبيتي إن شاء الله نحوس عليها و نجربها و نطمنك أنا راني ما نرمي والوووووو و إدا على الماسك أرسليلي لدريس و نرسلك أغلى ماسك
زينب ربي يوفقك راني شفت العباية ليخيطتيها شابة
رفيف ربي يسلكك على خير
ليزا و إسمهان وين راكم توحشناكم
أم إسلام أكلك توب قوليلنا واش هداك عييت نخمم
طير ربي يجازيك على نقلك للمعلومات و الوصفات
لي نسيتها تسمحلي دوك نزيد نراجع

[أم ملك]

المشاركة الأصلية كتبت بواسطة oum islem

أم إسلام رووووعة
قوليلي هديك مش لبات فوييتي
و الطبق الثالث ما فهمتش سامحيني على اﻹزعاج ربي يخليك

[أم لجين هيثم]

صح عشاكم يا فحلات عشايا كان بربوشة باللحم و الدلاع و الحمد لله
حبيت نشكركم على التدابير هايلين
ام ياسين صح فطورك

[*وردة الشرق*]

لليلام عليكن
بصحتكم لعشا لبنات احنا تعشينا خفيف غير سلاطة واجبان وديسير الحمد لله
ام لجين مساء النور
ام ملك بصحتك الزلابية ام ياسين قالت سخفتك وانت جاية تقتلينا بيها هههههه
ام ياسين الحنونة صح فطورك حبيبتي
ام سهام حبيبتي ربي يعيشك على الدعوة ويخليك لوليداتك وينجحهم
وهيبتي الحبوبة شكرا والله تواحشتك اليومين هادو ما طحناش في وقت واحد من نهار جبتي عندنا
طالبة ربي يحميلكم ويعيشلكم لميمة وبصحتكم الكسرة واللبن

والله تواحشت السكرة ام تاجوووووو كيف احوالها مع الحمل ربي يرزقها بنوتة حلوة متلها

[أم ملك]

بصحتك أم لجين البربوشة
زينب هدي تدبيرة أخرى لما نشري زيتون أخضر قبل ما نغليه نديرو في إناء فيه ماء و كمية من الفرينة حوالي 5 مغ ك في رطل زيتون باه هديك الفرينة تمص كامل الملح لي فيه نخليه من نصف نهار أو نهار مرات نخليه ليلة كاملة ثم ما نحتاجش نطبخو بزاف أنا نغليه غلية واحدة 15 د ثم نضيفو يطيب

[زينب 83]

حبيباتي كاين لي مفهمونيش بخصوص المسابقة

شوف كاين اربع أوسمة

الاول لأحسن تطبيق
و الثاني لأحسن طبق تقليدي
و الثالث لأحسن وصفة جديدة او طبق عصري
و الرابع لأحسن تدبيرة

اولا في احسن تطبيق ، المشاركات حطو بزاف تطبيقات لذا حددت 2 تطبيقات لكل وحدة باه يكونو كامل كيفكيف

و نفس الشيء التدابير الأغلبية حطو اكثر من تدبيرة لذا 2 تدبيرات كان العدد المحدد

و في الطبق التقليدي و الوصفة الجديدة الأغلبية حطو واحدة فقط لذا باه يكون عدل لي حطو أمثر من واحدة يختارو احسن وحدة و يحطوها

و ليس شرط المشاركة تشارك فيهم كامل يعني ممكن تشارك في حاجة برك مثالا ، التدابير و الطبيب العصري ، او واحدة فقط او فيهم كامل يعني كل وحدة و قدراتها و إمكانياتها ان شاء الله تكونو فهمتوني الان نراجع و نرجع


و على فكرة عمري ما فرحت كيما فرحت في هاذي الكوزينة لأنكم قيمتوني بمشاركاتكم و نورتو كوزينتي بأفكاركم و إبداعاتكم ، فشكرا جزيلا لكن لأنكن استجبتن لندائي ، شكرااااااااااا حبيباتي

[*وردة الشرق*]

ام اسلام مساء النور اممممممممممممممم كل شئ روعة بصحتكم
نتكبل اممممممم على الطيبات والتطبيقات روعة ما شاء الله
المزلينا الف شكر حنونة ربي يعيشك والله ضحكتيني تاع ديريه على وجهي ربي يعطيك الهنا حنونة