دورة " ربات بيوت واثقااااااات"

[فراشات العمر]

ام شمسو كاش مطر في لمسيلة حنى صبت يوم ومن ثم وهي حابسة مغيمة
منتصر بدا الفروض ربي يوفق اولادنا
ام راضية اديني معاك للعرس حقى حنا عندنا الغينا الحلويات في الاعراس الا شوية حق الضياف برك اما البقية عوضناها بالفاكهة
ام تينة ورويدة ورندا وام هاجر وفراشات الاخريات ربي يوفق الجميع
مكانش عندي الكلافيي وليت نشارك نسخ لصق هههه
راني مع اكتساب عادة لحقت لليوم 14
بالمناسبة للهواتف كاين تطبيق اسمو انجز هايل لتنظيم الروتينات
مازال عندي مشكل الملابس المرمية على الارض
لي راهي تطبخ لعشا مع لغدى كيفاه تدير
نعست تصبحون على خير كملت لمطبخ هداوين

[لينة71]

صباح الخير لبنات واش راكم ؟
حبيت نقولكم على الحنة صح وكل كلمة قالتها كلها صحيحة كنت ندير فيها وخرجت عليا وكانت تغطيلي الشيب والريحة روحة
وصحيح اذا كنتي دايرة الضبيغو ولا الحنة رآهم ما يتفهموش
يعطيكم الصحة لبنات على النصائح راني باعد نروح عند طبيبة تاعي ونحكيلها لن شاء الله تجيب نتيجة
والله روتينانتي تقريبا عشوائية كل يوم ننضف ونفرز ونمسح وغسيل القش ديما مكدس
وعندي مشكل في الاكل عنيت فيها طول ماعدتش نعرف نطيب وزوجي ديما في عياط معاه وخاصة البارح تقريبا كل يوم هاك البارح طيبتو فريت اوملات قلبها عليا وقاللي مكيش حابة تطيبي وقاللي كل واحد يشوف طريقو وقاللي هادي كاملة كلاب وووو زراعة تقريبا ياكل عند صحابو في ب الغدا ولعشاء وعاد مش عاجبتو ماكلتي والله حرت معاه
ربي يكون الخير اسمحولي كثرت عليكم حابة نفهم روحي وينهو الخلل فيا ولا فيه

[رندة.]

أصبحنا وأصبح الملك لله والحمد لله ولا اله الا الله والله اكبر
اللهم أعنا على ذكرك وشكرك وحسن عبادتك
حسبي الله لا اله الا هو عليه توكلت وهو رب العرش العظيم

صباح الخير عليكم
الانترنت راهي ضعيفة عندي بالسيف نقدر ندخل
يعطيك الصحة ام شمسو على النصيحة والتذكير،( صلاة. الضحى، قراءة القرآن، الصدقة، قيام الليل....), لازمنا نحاولو ندخلوهم في روتيناتتا اليومية، ومع بعض نقدرو ان شاء الله بتذكير بعضانا..... الدنيا اداتنا والخوف انو يصرالنا كيما هذاك الشيخ بطل القصة العبرة الي تكلمتي عليها. ربي يعيننا ان شاء الله.

[رندة.]

فراشات العمر،
بالنسبة للغدا والعشا مع بعض في البداية كانت تجيني غريبة شوية، لكن لما جربتها عجبني الحال، علاه؟ لأنو الصباح يكون عندك الوقت وغالبا تكوني وحدك وتقضي وقت طويل في المطبخ باش اديري الغدا وتزيدي تنظفي المطبخ امبعد، زيدي طيبي العشا معاه أو على الأقل تطيبيه نص طياب في العشية غير كمليه ، تكوني تهنيتي من تقشار الخضرة ورحي البصل فقط اللمسة الأخيرة حسب الوجبة تاعك الي دايراتيها هذاك النهار.
حتى الماعن تتهناي منهم لأنو في الليل راح تغسلي الطنجرة الي طيبتي فيها والصحون فقط.
علابالك النهار الاول الي جربت فيه هاذي الطريقة، كانت عندنا خرجة طارئة العشية ادينا ولدي للطبيب وطولنا حتان اذان العشاء وعلابالك الواحدة منا كي تكون برا تجي تعبااانة وتزيد تتفكر العشا تزيد تتعب نفسيا، هذاك النهار كان عندي العشا واجد غير سخنتو ..... من يومها قررت انو مانزيدش نستغنى على هاذي الطريقة. جربيها ماتندميش عليها.

[رندة.]

مرحبا لينة 71

الرجال كامل مايحبوش الفريت اوملات، يقلك لو كان كليت برا خير، يحبو الماكلة تاع الدار وماذابيهم التقليدية تاع أمه وجداته.
بالنسبة ليك انتي كي راكي مريضة وحاسة بالارهاق دوما، ماتقدريش تطيبيلو واش يحب دايما، لكن الرجال مايحبوش المرأة المريضة والي دائما تعبانة على هذا راكي تشوفي ردود الفعل تاعو قاسية معاك.

الخطوة الأولى الي اديريها روحي للطبيبة وديري التحاليل اللازمة باش تعرفي واش عندك وتتعالجي، ما تخليش روحك هكا.
وبإذن الله لما تبراي رايحة تتحسن نفسيتك وترجع ثقتك في نفسك، وبالتالي رايحة ترجعي تطيبي وتتفنني في الطياب كيما كنتي زمان. ويرجع زوجك لطبيعته، فترة وتفوت ماتقلقيش روحك.

وبالنسبة لشغل الدار غير بالشوية الي قدرتي عليها ديريها والي ماقدرتيش مرة أخرى، ربي ورحمتو. ماتظغطيش على روحك حتى تمرضي، ساعتها واحد مايحس فيك.

ربي يفرج عليك ويشفيك ان شاء الله

[ام شمسو محمد]

صباح الخير عليكم فرااااشاااات ...

صباحك سعيد حبيبتي رندا ...ريحتي شوية في صحتك ...راكي رجعتي بقوة ...ههههههه

عطفا على كلامك لاختي ام لينة ...نقولها برك ...ماتقعديش في حالة الحيرة و الذهول ...حللي الحالة اللي وصل ليها زواجك ...و ناقشي الاسباب بمختلف اطرافها ...سواء كنتي نتي السبب او زوجك مش مهم ...المهم انو كاين مشكل ...بعد ماتفكري مليح في الوضع ..ادرسي الحلول ..و اتخذي الاجراءات ...حالة الذهول اللي راكي فيها ماتنفعكش ..و ممكن تفاقم الوضع ...و زوجك سايريه باش تقضي صالحتك ...و راكم للاسف في بلاد غربة و فتن ...لذلك عسي روحك و دارك مليح ...و حياتك يا ام لينة ضروري ضروري ترتبيها ...ماعندناش متسع كل لحظة في اعمارنا مهمة ...و حالة الفوضى العامة اللي راكي فيها تاثر على مجمل يومياتك و علاقاتك و التزاماتك ...ماتقعديش مشوشة ...رتبي اولوياتك ...و حددي تماما مسؤولياتك ...و نظمي افكارك ...و انطلقي في اصلاح حياتك ..اللي نذكرك بلي ماتخصكش وحدك و لكن تدخل في صميم افكار و ذكريات و نفسيات و وشخصيات و وجدان ولادك ...

نبهك فقط انو في اي مسار اصلاح في الحياة ضروري تبداي بمراجعة علاقتك بالخالق ...لانها الاساس في كل انواع السعادة ..و لعلها السبب الاول في الابتلاء لانو رب العالمين حب يذكرك بيه و يجبدك ليه ...

تحياتي و دعواتي لك بكل خير

[ام شمسو محمد]

المشاركة الأصلية كتبت بواسطة فراشات العمر

ام شمسو كاش مطر في لمسيلة حنى صبت يوم ومن ثم وهي حابسة مغيمة
منتصر بدا الفروض ربي يوفق اولادنا
ام راضية اديني معاك للعرس حقى حنا عندنا الغينا الحلويات في الاعراس الا شوية حق الضياف برك اما البقية عوضناها بالفاكهة
ام تينة ورويدة ورندا وام هاجر وفراشات الاخريات ربي يوفق الجميع
مكانش عندي الكلافيي وليت نشارك نسخ لصق هههه
راني مع اكتساب عادة لحقت لليوم 14
بالمناسبة للهواتف كاين تطبيق اسمو انجز هايل لتنظيم الروتينات
مازال عندي مشكل الملابس المرمية على الارض
لي راهي تطبخ لعشا مع لغدى كيفاه تدير
نعست تصبحون على خير كملت لمطبخ هداوين

مرحبا بام رائد و معتصم هذو برك اللي شفيت عليهم ...ايه صبت عندنا المطر نهار الخميس و من يومها و الدنيا ربيع و الجو بديع ...ههه و طبعا هذا مش في مصلحتنا ....

ماتذكرينيش بالامتحانات نولي فيها غولة ...غير نعض ...و كل مرة نقول نتحكم في روحي و نفشل ...تفكرت بالخير حبيبتي ام متين ..عزماتها مع ولادها في الامتحانات تثير حقيقة الاعجاب ...ربي يبارك في صحتها و في وليداتها ...

بدلتو الحلويات بالفواكه ...زعما الفواكه اللي رخيسة ...و انما على الاقل صحية ...والله انا عدت نكره مظاهر التفاخر هذي ...يا اختي مكلفة و بلا فايدة ...يعني عكس قصد الشرع و مخالفة لمتطلبات الاقتصاد المنزلي ...

والله نسخك و لصقك اللي درتيهم ..فكروني بالمشاركات في دورات حبيبة و ام تغاريد ...وين كانت متنوعة في الافكار ...و مختلفة في الالوان و الخطوط ..و تمد وحد الطاقة و النشاط و المتعة ...

واش هو مشكل الملابس المرمية على الارض هزيها ...ههههه ...صدقا ...ديري سلل ...اللي ينحي قشو يرمي في السلة ...تعبي روحك و تبعي ولادك ....شهر تلقاي روحك بلا ماتفيقي انتي ولا ولادك ترمي في السلة ...و كي تغسلي ...مع تنحيهم من الحبل طبقي و حطي في الخزانة ...ماتقعديش ماتاجليش من هنا يجي الخلل و يقعدو طول حتى للغسلة الجاية ...و اللي يدخل من برا يعلق حوايجو ...هنا لازم تضبطي الاماكن ...ديريلهم مكان يحطو فيه حوايجهم كي يدخلو ...بورت مونتو مثلا ..و هكذا تلقاي روحك تهنيتي من مشكل الملابس المرمية

و تحضير الغدا مع العشا ...كيما قاتلك رندا تجربة مميزة ..كون تديريها مرة ماتبطليهاش ...فايدة على كل الصعد ...تربحي الوقت بحوالي النصف ...تربحي دائما عندك الماكلة في الدار ماتحشمي ماتخافي ...و كي تلحق السبعة تاع العشية ماتحيريش وش طيبي

[لينة71]

يعطيكم الصحة لبنات أم رندة وأم شمسو ربي يحفظكم أن شاء الله
ممكن تقولك يا أم شمس الحالة لي رآني فيها مش منظمة نفسيا أنا المنزل فهو مرتب لدرجة لأني نشوف فيها غولة حاولت أنظم نفسي لا حياة أمن تنادي وحاجة لي رائع متأثرة فيا يقول لامو كل شئ لحقت لدرجة عاوزين تقول لي حليب تاء صدرك مش نافع والغيبي مشينا ومش جايب صحوت ووووو عطيل حليب الاصطناعي وماعلبالهمش بلي الراحة النفسية لي تجيب حليب وأن نفسيتي محطمة خلاص ..،المهم والله كرهت من نفسيحابة نحاول نعالج نفسي ما عرفت كيف اه ندير أن شاء الله أحاول
ممكن مقصرة مع مولاي ممكن ضلمة نفسي مش محترمة نفسي ح اقرتها
ربي يكون في عونكم
ويسلمك أمورهم واسمحوا لي ممكن فسدت عليكم البرنامج
بإذن الله نكون معاكم ونشاررككم يومياتي

[لينة71]

[QUOTE=randa2017;3997184191][center] مرحبا لينة 71

الرجال كامل مايحبوش الفريت اوملات، يقلك لو كان كليت برا خير، يحبو الماكلة تاع الدار وماذابيهم التقليدية تاع أمه وجداته.
بالنسبة ليك انتي كي راكي مريضة وحاسة بالارهاق دوما، ماتقدريش تطيبيلو واش يحب دايما، لكن الرجال مايحبوش المرأة المريضة والي دائما تعبانة على هذا راكي تشوفي ردود الفعل تاعو قاسية معاك.

الخطوة الأولى الي اديريها روحي للطبيبة وديري التحاليل اللازمة باش تعرفي واش عندك وتتعالجي، ما تخليش روحك هكا.
وبإذن الله لما تبراي رايحة تتحسن نفسيتك وترجع ثقتك في نفسك، وبالتالي رايحة ترجعي تطيبي وتتفنني في الطياب كيما كنتي زمان. ويرجع زوجك لطبيعته، فترة وتفوت ماتقلقيش روحك.

وبالنسبة لشغل الدار غير بالشوية الي قدرتي عليها ديريها والي ماقدرتيش مرة أخرى، ربي ورحمتو. ماتظغطيش على روحك حتى تمرضي، ساعتها واحد مايحس فيك.

ربي يفرج عليك ويشفيك ان شاء الله
أن شاء الله خياتي رن،دى نروح ليها في الشهر الداخل من نوفمبر بعد العطلة تحميلها كل شئ ممكن تساعدوني تدليس تحاليل تاا الغدة
ربي يحفظك خيتي

[قرويجة]

وداعا لكل مايدمر نفسيتنا من هم وحزن وكآبه


لا احد مننا يعيش عيشه كامله خاليه من الاحزان والهموم واحيانا بشعور وحده وقلق وكل شيء يعكر مزاجنا

وبعضهم يصل بهم الامر للبكاء والتفكير في الانتحار فيزداد سوء على سوء حاله

وبعضهم يهرب من كل هذا ويبحث عن شيء ما يسليه وينسيه همومه واحزانه وكل شيء يحطمه

حيث نما وبدا في قلبه وأثر على كل جسده قل لها وداعا اتدري لماذا ؟؟؟

تعال لنبحث ونعرف ماهو السبب وراء كل هذا

نحن لا ننكر انه شيء طبيعي في الدنيا وانه حال الجميع بلا استناء

لكنه من هو اللذي يستطيع التغلب على كل هذا والعيش بسعاده اكبر بحيث انه يشعر بالاستعداد لتغلب على كل هذه العوارض

الا وهي (استشعار عظمة الله عز وجل والايمان القوي به )

نعم هي فمن عرف الله جيدا واستيقن من قلبه ان الامور بيد الله سواء اكانت فيها شر او خير بنسبه لنا

فهي كلها خير من الله عز وجل فتدبيره فينا عجيب من عرف الله عز وجل جيدا

سبح في عالم منفصل كله سعاده وفرح لانه عرف الله جيدا او على الاقل حاول ان يعرفه

يستشعر به يخرج من قلبه ومن القلب لتملئ كل حياته ولا يقتصر عليه هو وحده فهي تؤثر عليه وعلى كل من حوله

فلا تيأس فالله عز وجل موجود دائما وللابد

[قرويجة]

اللسلام عليكم
أختي لينة 71 نتمنا تكوني بخير أنت ووليداتك
لباس عليك متشوفيش شر بإذن الله
صدقيني يا ختي ما عندك لاغدة درقية لا هم يحزنون الغدة راهي في قلبك ركبوهالك العرب وزيد راجلك لا حول ولا قوة إلا بالله
ذيقت الخاطر وزيد الغربة كملو عليك ....أستغفري....أستغفري...زيدي ستغفري
و ضرك أيا نوضي وكوني فحلة مع روحك نظفي بيتك و رتبيه أتجملي أخلعي راجلك بلوك جديد نظمي وقتك ديري هواية تحبيها
أغلقي وذنيك متسمعيش غير واش يعجبك والكلمة الخايبة ارمي مورظهرك
طبقي نظام الفراشة راح تتدل حياتك
رانا كامل في غربة إذا تشفاي قلتلك قبل متولدي كلمة
أنت غربة تاعك بالباسبور وحنا في بلادنا غربتنا بالكارت ناسيونال

[قرويجة]

......القفل والمفتاح

يحكى أنّ رجلاً خرج يوماً ليعمل في الحقل
كما كان يفعل كلّ يوم ودّع زوجته وأولاده
وخرج يحمل فأسه
لكنّ الرجل الذي اعتاد أن يعود لبيته
مع غروب الشمس لم يعد

وعبثاً حاول النّاس أن يعثروا له على طريق
لكن بعد عشرين عاماً سمعت زوجته
طرقاتٍ على الباب عرفت منها أنّ زوجها الغائب قد عاد
فتحت الباب فوجدت شيخاً يحمل معوله
وفي عينيه رأت رجلها الذي غاب عنها عقدين من الزمان

دخل الرجل بيته الذي غاب عنه سنين طويلة
وألقى بجسده المتعب على أوّل كرسيٍّ أمامه
جلست زوجته امامه وسألته بصوت حنون: أين كنت ؟
تنهّد الرجل، سالت دمعةٌ من عينه، ثمّ قال...
تذكرين يوم خرجت من البيت متوجّهاً إلى الحقل
كما كنت أفعل كلّ يوم

في ذلك اليوم رأيت رجلاً واقفاً في الطريق
وكأنّه يبحث عن شيء، أو ينتظر قدوم أحد
فلمّا رآني اقترب منّي، ثمّ همس في أذني تماتم
ما فهمت منها شيئاً، فقلت له: ماذا تقول؟
ضحك الرجل ضحكةً عالية ورأيت الشرّ يتطاير من عينيه
ثمّ قال: هذه تعويذة سحرٍ أسود ألقيت بها في أعماق روحك
وأنت اليوم عبدٌ لي ما بقيتَ حيّاً
وإن خالفتَ لي أمراً تخطّفتك مردة الجانّ فمزّقت جسدك
وألقت بروحك في قاع بحر العذاب المظلم
حيث تبقى في عذابك ما بقي ملك الجانّ جالساً على عرشه

ثمّ سار بي الرجل إلى بلادٍ بعيدة
وأنا أخدمه إذا كان النهار وأحرسه إذا جاء الليل
فلمّا وصلنا إلى بلده التي جاء منها
ودخلنا بيته الذي كان أشبه بالقبر

رأيت رجالاً كثيراً مثلي يخدمون الرجل
وكان كلّ واحدٍ منهم يحمل في رقبته قلادةً بها مفتاح
فإذا جاء الليل دخل كلٌّ منهم سجنه
وأغلق القفل بالمفتاح ثمّ نام، فصرت أفعل مثلما يفعلون

فإذا نام القوم جعلت أنظر في المفتاح
وأتذكّر أنّه ليس بيني وبينك إلاّ أن أفتح هذا القفل بالمفتاح
الذي معي ثمّ أرحل إليك
ولقد رأيت من ظلم ذلك الرجل ما لم يخطر لي على بال
فهو لا يعرف الرحمة، ولا يكترث لعذاب البشر
وكم سمعت من كان معي من الرجال يبكون كالأطفال
ويرجونه أن يرفع عنهم ما أوقعه عليهم من السحر
فكان يقول: أقسم بالله أنّي لا أعرف لهذه التعويذة من خلاص
ولا ينجو أحدكم بروحه
إلاّ إذا مات وهو يخدمني وأنا عنه راض

ولقد كبر الرجل وهرم، فلمّا مرض وشارف على الموت
كنت واقفاً بجانب سريره، فقلت له: يا سيّدي، أنت الآن تموت
ولا نعلم كيف يكون الخلاص من السحر الذي ابتلينا به
ضحك الرجل ضحكةً ذكرتني بتلك الضحكة
التي سمعتها يوم رأيته أوّل يوم، ثمّ قال:
يا أيّها الأحمق، أنا لا أعرف شيئاً من السحر
وما تلك التماتم التي همستها في أذنك إلاّ كذبةٌ ابتدعتها
لكنّ نفسك الضعيفة جعلتك عبداً لي
وخوفك من الهلاك جعلت روحك سجينةً
في زنزانةٍ أنت تغلقها بيديك

وقد أعطاك الله عقلاً كالمفتاح الذي وضعتّه في عنقك
ولولا أنّك رضيت لنفسك الذلّ والهوان لفتحت باب السجن
الذي كنت تعذّب نفسك به
وكنت أسمع صوت بكائك وأصحابك في الليل
فأعجب من ضعف عقولكم وقلّة حيلتكم

أسرعت إلى زنزانتي فالتقطتّ فأسي
وعدتّ إلى الرجل أريد أن أقتله فوجدتّه قد فارق الحياة،
ثمّ أخبرت الرجال ما جرى فهرعوا إلى جسده
فقطّعوه وأحرقوه

ثمّ جئتكِ راكضاً، تكاد أرجلي تسبقني
نظرت إليه زوجته وقالت: أنا روحي معك في سجنك
ولقد كنت أحسّ بالقيد الذي في يديك
وكنت أرجوك أن تفتح القفل بالمفتاح
لكنّ صوت بكائك وبكاء من حولك
جعلك لا تسمع صوتي وأنا أهمس لك

هذا هو الحزن في هذه الدنيا.... سجنٌ نصنعه بأيدينا
والمفتاح هو الإيمان بالله
ولو توقّفنا عن الشكوى لفرّج الله ما بنا من ضيق
ولخرجنا من عالم الظلمة إلى عالم النّور
حيث الفرح والرضا والسعادة

الكثير منا يسجن روحه في سجن ما
قد يكون سجن الخوف او الحزن او الطمع
او الكراهية او عدم الرضا او اليأس او ... او ،،
كلها سجون تمنعنا من الاستمتاع بالحياة
بيدك ان تفتح القفل وتحرر نفسك من سجنها

[رندة.]

يعطيك الصحة قرويجة على القصة المعبرة
ربي ينورلنا بصيرتنا ان شاء الله.

[ام شمسو محمد]

المشاركة الأصلية كتبت بواسطة قرويجة

......القفل والمفتاح

يحكى أنّ رجلاً خرج يوماً ليعمل في الحقل
كما كان يفعل كلّ يوم ودّع زوجته وأولاده
وخرج يحمل فأسه
لكنّ الرجل الذي اعتاد أن يعود لبيته
مع غروب الشمس لم يعد

وعبثاً حاول النّاس أن يعثروا له على طريق
لكن بعد عشرين عاماً سمعت زوجته
طرقاتٍ على الباب عرفت منها أنّ زوجها الغائب قد عاد
فتحت الباب فوجدت شيخاً يحمل معوله
وفي عينيه رأت رجلها الذي غاب عنها عقدين من الزمان

دخل الرجل بيته الذي غاب عنه سنين طويلة
وألقى بجسده المتعب على أوّل كرسيٍّ أمامه
جلست زوجته امامه وسألته بصوت حنون: أين كنت ؟
تنهّد الرجل، سالت دمعةٌ من عينه، ثمّ قال...
تذكرين يوم خرجت من البيت متوجّهاً إلى الحقل
كما كنت أفعل كلّ يوم

في ذلك اليوم رأيت رجلاً واقفاً في الطريق
وكأنّه يبحث عن شيء، أو ينتظر قدوم أحد
فلمّا رآني اقترب منّي، ثمّ همس في أذني تماتم
ما فهمت منها شيئاً، فقلت له: ماذا تقول؟
ضحك الرجل ضحكةً عالية ورأيت الشرّ يتطاير من عينيه
ثمّ قال: هذه تعويذة سحرٍ أسود ألقيت بها في أعماق روحك
وأنت اليوم عبدٌ لي ما بقيتَ حيّاً
وإن خالفتَ لي أمراً تخطّفتك مردة الجانّ فمزّقت جسدك
وألقت بروحك في قاع بحر العذاب المظلم
حيث تبقى في عذابك ما بقي ملك الجانّ جالساً على عرشه

ثمّ سار بي الرجل إلى بلادٍ بعيدة
وأنا أخدمه إذا كان النهار وأحرسه إذا جاء الليل
فلمّا وصلنا إلى بلده التي جاء منها
ودخلنا بيته الذي كان أشبه بالقبر

رأيت رجالاً كثيراً مثلي يخدمون الرجل
وكان كلّ واحدٍ منهم يحمل في رقبته قلادةً بها مفتاح
فإذا جاء الليل دخل كلٌّ منهم سجنه
وأغلق القفل بالمفتاح ثمّ نام، فصرت أفعل مثلما يفعلون

فإذا نام القوم جعلت أنظر في المفتاح
وأتذكّر أنّه ليس بيني وبينك إلاّ أن أفتح هذا القفل بالمفتاح
الذي معي ثمّ أرحل إليك
ولقد رأيت من ظلم ذلك الرجل ما لم يخطر لي على بال
فهو لا يعرف الرحمة، ولا يكترث لعذاب البشر
وكم سمعت من كان معي من الرجال يبكون كالأطفال
ويرجونه أن يرفع عنهم ما أوقعه عليهم من السحر
فكان يقول: أقسم بالله أنّي لا أعرف لهذه التعويذة من خلاص
ولا ينجو أحدكم بروحه
إلاّ إذا مات وهو يخدمني وأنا عنه راض

ولقد كبر الرجل وهرم، فلمّا مرض وشارف على الموت
كنت واقفاً بجانب سريره، فقلت له: يا سيّدي، أنت الآن تموت
ولا نعلم كيف يكون الخلاص من السحر الذي ابتلينا به
ضحك الرجل ضحكةً ذكرتني بتلك الضحكة
التي سمعتها يوم رأيته أوّل يوم، ثمّ قال:
يا أيّها الأحمق، أنا لا أعرف شيئاً من السحر
وما تلك التماتم التي همستها في أذنك إلاّ كذبةٌ ابتدعتها
لكنّ نفسك الضعيفة جعلتك عبداً لي
وخوفك من الهلاك جعلت روحك سجينةً
في زنزانةٍ أنت تغلقها بيديك

وقد أعطاك الله عقلاً كالمفتاح الذي وضعتّه في عنقك
ولولا أنّك رضيت لنفسك الذلّ والهوان لفتحت باب السجن
الذي كنت تعذّب نفسك به
وكنت أسمع صوت بكائك وأصحابك في الليل
فأعجب من ضعف عقولكم وقلّة حيلتكم

أسرعت إلى زنزانتي فالتقطتّ فأسي
وعدتّ إلى الرجل أريد أن أقتله فوجدتّه قد فارق الحياة،
ثمّ أخبرت الرجال ما جرى فهرعوا إلى جسده
فقطّعوه وأحرقوه

ثمّ جئتكِ راكضاً، تكاد أرجلي تسبقني
نظرت إليه زوجته وقالت: أنا روحي معك في سجنك
ولقد كنت أحسّ بالقيد الذي في يديك
وكنت أرجوك أن تفتح القفل بالمفتاح
لكنّ صوت بكائك وبكاء من حولك
جعلك لا تسمع صوتي وأنا أهمس لك

هذا هو الحزن في هذه الدنيا.... سجنٌ نصنعه بأيدينا
والمفتاح هو الإيمان بالله
ولو توقّفنا عن الشكوى لفرّج الله ما بنا من ضيق
ولخرجنا من عالم الظلمة إلى عالم النّور
حيث الفرح والرضا والسعادة

الكثير منا يسجن روحه في سجن ما
قد يكون سجن الخوف او الحزن او الطمع
او الكراهية او عدم الرضا او اليأس او ... او ،،
كلها سجون تمنعنا من الاستمتاع بالحياة
بيدك ان تفتح القفل وتحرر نفسك من سجنها

راااااااااااااااااااااااااائعة قريوجة ...احسنت الاختيار ....مثل في الصميم

[ام شمسو محمد]

اختي ام لينة مافسدتيلنا البرنامج ماوالو ...نحن اخواااااات ....نقولك حاجة برك اللي يسمع للناس بزاف يتعب ...و خصومك هذاك علاش يحوسو ...و انها توصل انك تحطي حتى مع اللي يوريلك كيفاش تربي ولادك ...راكي مقصرة مع روحك بزاف ظالمتها صح ...فقط الحموات كاااامل يقولو كلمة ابنك مش يشبع و ماكيش عارفة تربي ...زوج حوايج الاولى غيرة بريئة ...و الثانية ...يحبونا نستفيدو من خبرتهم و بطريقة ما يذكرونا بلي ازواجنا كانوا في يوم من الايام تحت رعايتهم العميقة كيما رانا نديرو حنا لاولادنا ذرك ...هذي فوتيها ماتقلقكش ...فقط احسني الظن