الجزء 156 واش طيبتي اليوم متعة التذوق مع تكنلوجيا الصورة

[oum sabrin]

يومك مبارك حبيبتي ام جوجو ربي يحفظك على الكلام الجميل و الدعاء الرائع لك بالمثل حنونة
بصحتكم البكبوكة اممممممم و اذا ممكن تقوليلي على كيفية سلطة البرتقال كيفاش تديريها

يوم موفق للجمييييع

[omjoujou]

صباح النور حبيبتي ام صابرين من عينيا تفضلي وصفة تاع سلطة البرتقال حطتها البارح رزيقة لهيه في قسم الدردشة

قطعي البرتقال تاعك دوائر و ستفيها في الطبسي اونبعد زيدي قطعي البنان بصح غطسي القطع في عصير ليمون مسكر باه يحافظ على اللون تاعو و زيديه مع البرتقال ثم رشي شوي سكر على قطع البرتقال و زيدي رشة قرفة تعطيها بنة و فقط .هي منعشة جدا راجلي قالي راهو البرد كي كلاها ...خخخخ و في الاخير تلقاي في الطبسي عصير البرتقال طبيعي اعطيه للذراري سور رايح يعجبهم و بصحتكم

[x ام رحاب x]

ام صابرين صباحك سعيد حبيت نختموها بالحلو باه اتعود حياتك كلها حلوة هادو فطور الصباح من ارشيفي

[oum ibrahim]

صباح الخيرات يا الحراير
ماشاء الله عليكم نورتو الكوزينة باشهي الاطايب ربي يدومهاةنعمة على الجميع
ام صابرىين الكوزينة كملت بكرم ضيافتك يعطيك الصحة و الف شكر
ام ياسين صباح الورد اذا راكي تطلي من التاقة ادخلي توحشناااااك
غدايا باذن الرحمن عدسسسس و لله الحمد زمااان كانت الهام غير تسمع بالعدس تدخل موصيبة توحشناها

[omjoujou]

يسعدلي صباحك حبيبتي ام رحاب يعني شفتي غير ام صابرين صبحتي عليها انا ما شفتينيش خخخخخخخ
يعطيك الصحة على الحلو جا في وقتو راني ديت شوي نفطر بيه تسلمي

[x ام رحاب x]

ام جوجو صباحك سعيد حبيبتي ديري الدولمة تاعي على طريقتي ياكلها وايعود مايصبرش عليها لابطاطا لاهم يحزنون

[x ام رحاب x]

ام جوجو راني صبحت عليك في صالونك وجبتلك الحلوة باه تفطري هههههههههههههههههههههه
ام ابراهيم كي اصبحتي

[oum sabrin]

ام ابراهيم و ام رحاب يسعد صباحكم عسسل
يعطيك الصحة حبيبتي ام رحاب على القهوة و الحلو ربي يحلي ايامك
ام جوجو تسلمي حبيبتي على الوصفة اكيد رايحة نجربها و الشكر موصول طبعا لصاحبة الوصفة حبيبتنا رزيقة

[om kamilia]

السلام عليكم
ام صابين كوزينتك فاتت روعة، للاسف ما نقدرش نحط صور راني بالتابلات ما نعرفش
زينوبة و لا دخلتي الله يخليك جاوبيني على الرسالة

[تهاليل]

ماشاء الله عايكم لبنات كامل شاطيبتو وراني ايتقهويت ام رحاب مشكورة

[omjoujou]

صباحكم سعيد ام ابراهيم تهاليل ام كاميليا
ام صابرين بلا مزية حنونتي
ام رحاب راني غلطت كي جيت ننسخ الوصفة تاع سلطة البرتقال لي حطتها زقزوقة البارح نسختها كامل ردها وهي لي قالت راح دير دولمة تاع الكرم ودير معاها البطاطا لانو زوجها يحب البطاطا راني عاودت عدلت ردي
راني ديت حقي تاع لحلو وفطرت بيه امممممممم يسلموا

[ام مريم الجزائرية]

السلام عليكم كلش هايل
الصاابلي لما طيبوه تشعلولوا من الفوق ومن التحت ولا غير من التحت
بارك الله فيكن

[omjoujou]

المشاركة الأصلية كتبت بواسطة ام مريم الجزائرية

السلام عليكم كلش هايل
الصاابلي لما طيبوه تشعلولوا من الفوق ومن التحت ولا غير من التحت
بارك الله فيكن

وعليكم السلام
على حسب معلوماتي اختي مريم الصابلي تشعليلو غير من التحت بصح اذا شفتيه مزالو عجين من الفوق شعليلو من لفوق بصح ما تغفليش عليه غير تشوفيه بدا يصفار خرجيه

[أم ياسين الزهراء]

صباح الانوار

كالعادة هدا وين نضت وعياط ام برهومي هو اللي نوضني توحشتك ياموصيبة انت والكل الاخوات راكم في القلب وماتخافوش ماحرقتش راني غير هنا ندور

الاخت ام صابرين حبيت نحطلك الشكر الجزيل لما قدمتيه لنا من حسن الضيافة والله يخليك ويديم النعمة عليك وعلينا الكل ماحبيتش تخلاص الكوزينا بلا مانشكرك حنونة


الاخت مريم عمري لا طيبت الصابلي من فوق طيبه من تحت وكيتخرجيه ماتزربيش تنحيه من البلاطو خليه حتى يبرد لان يكمل الطياب فيه

غدايا بادن الله عيش ونستنى واش راح يزيد يجيبلي من السوق باش نزيد حاجة للمتمردين

يوم موفق

[oum ibrahim]

يسعدلي صباحكم تاليل ام رحاب ام جوجو ام صابرين ام مريم
ام مريم الصابلي شعليلو غير من تحت في الرف الوسط على درجة 160حتى تشوفي لونو دهبي وانت على حسب الفرن نتاعك