كوزينة واش طيبتي اليوم يا لالــة لحراير الجزء 117 تفضلـوا بالصحة والهناء عليكم - الصفحة 98

أم محمد تاج · 2015-02-17, 11:41

سلام ياغاليات
دخلت نسلم على امي الغالية ام ريمة وبصحتكم واش طيبتي
ودخلت ندعي للهلووووبة الحبوووبة روحي الله يسهللك الكونكووووور وتنجحي وتجيبيلنا الباروووووووك يارب ونشالله ربي يغفرلك جميع سرقاتك باش تنجحي خخخخخخخخخ ياربي ديري حجة باش يغفرلك آهاهاهاهااااااااا نتمسخر حنونتي وراني ندعيلك من ضرك للغدوة لنهار يحطو نتائج الكونكوووور روحي ربي يعاونك وينجحك ويسهللك يارب

النرجووسة · 2015-02-17, 11:43

تنهنان بصحتك الفطور 444444444444444444444

ام محمد تاج بصحت فطورك

أم محمد تاج · 2015-02-17, 11:46

الله يخليك نرجوووووسة
حبيباتي روووووعة واش حطيتووو روووووعة تسلمن

ladymillion · 2015-02-17, 11:47

صباح النور عليكم كااااااااااااااااااااااامل
أم سراج نبدا بيك حنونة راني نشوفكم كامل بصح والله ياختي لعزيزة ننسى بزاف اسمحيلي ارواحي نبوسك ههخخخخ مواااااااااااااااح
اسماء كشرودة مرحبا بيك حبوبة وحشتيني
يعطيكم الصحة على واش حطيتو طياباتكم الله الله بصحت عائلتكم

الهام تسرقي ياسراقة وتجي تقولينا ندعيولك ندعيولك ربي يهديك وتنحي السرقة برك ههههههههههه حنونة ندعيلك ان شاء الله في قيام الليل ان شاء الله ماننساش وماشاء الله على ابن اختك يهبل يهبل لعقوبة ليك ولكل لبنات

أم ريمة مبعد شويا نكتبلك الوصفات ان شاء الله راني مع لكوزينة ندير الغدا للحكومة ( لوبيا ماشطو سوتي وبيض مشرشم ) وطومة دبر راسها واش تاكل خخخخخ و الحمد لله

lyzzabel · 2015-02-17, 11:47

ميييمتي ام رييييمة هلت الانواااار يا الغاااالية توحشششتك بصحتكم الروز و الشليظة و السلاطة بصح واش هو الفرق بيناتهم هههه

كاااتيييي حتى انا تحيرت على مرووووومة العزييييزة كليوم نقول نلقاها قدامي انشالله تطل علينا و تطمنا و تنورنا كما عهدناها

ام تي تي مممممممممم بصحتكم حبيبتي

ام نهوووولة شهيتييينيييي مممممممم بصحتكم نستعرف بيك ههههههه فطور اكسبرس

سكرتي الحللللوة بصحتكم البواقيييي

درت جاج مجمر فالطوكوت و غادي نقلي البطاطا و الحمد لله علي نعمه

اللهم اني اسالك العفو و العافية في دناي و ديني و اهلي و مالي

Oum yousra · 2015-02-17, 11:53

صبااااااااااح الورد و الفل و الياسمين . غدايا اليوم بإذن الله طعام سخفتني فيه داءمة الحمد البارح اممممم يشهي و صلاد و الحمد للاه

أم ريمة* · 2015-02-17, 11:57

شكرا فضيلة يتوجشك الخير كاش شخشوخة مممممم
اسماء بصحتك العشا والقاطو
ام نهولة بصحتك لغدا الساهل هذا ما يحبو لولاد

Oum yousra · 2015-02-17, 11:58

الهام ربي يوفقك و ينجحك و يعلي مراتيبك حنونة و يحققلك كل امنياتك يا رب و يوصلك لمبتغاك يا رب

fadila34 · 2015-02-17, 12:01

اهل وسهل بيك كينا ربي يحفضك يلميمة تستهليها نجبهلك

أم ريمة* · 2015-02-17, 12:03

اهلا ببنتى الحببببوبة لييييزا ان شاء الله تكونى بخير انتى والاولاد الشليطة هى لحميس وهو عبارة عن فلفل حار وحلو وطماطم اما مقلين او مشوين نقطعوهم ونغليهم شوية فقط ونقدموها مع زيت الزيتون وبصحتك الجاج ولفريت اكيد بنين ما دام من يديك
ام يسرى بصحتك الكسكس ممم
شكرا فضيلة الشخشوخة وصلت وكليتها ممممم

om kamilia · 2015-02-17, 12:09

صح فطوركن فطوري يتز صغيرة مممم

و الله لبنات كما لبزت والو هذ السمانة حشمت ندخل ويديا فارغين

ام نهوله · 2015-02-17, 12:10

ليزا بصحتك الجاج و البطاطا مام غداك راه ساهل ما تضحكيش عليا ههههههههههه
ام يسرى ام ريمه فضيله صحا غداكم مطرح ما يسري يمري

fadila34 · 2015-02-17, 12:13

الله يسلمك ام نهوله نتم ثني صح غداكم كاااااااااااااااااااامل

Oum yousra · 2015-02-17, 12:19

ام ريمة و ام نهولة الله يسلمكم حنونات و ربي يحفظكم

ladymillion · 2015-02-17, 12:21

أم ريمة لحبيبة هاهي وصفة ( بيض حمام) اقتصادي وزاكي

500 غ مارغارين طرية + رشة ملح + 3 م ك سكر ناعم + نص كأس جلجلانية محمصة ومرحية رطبة ( تقدري تعوضيها بالكاوكاو ) +ربع م ص خميرة + فرينة حتى تتلم العججينة تخليها ترتاح شويا وتشكليها بيضات صغار راهو يكبار مبعد في طياب ويزيد يتلبس بالسكر
كي يطيب خليه يبرد ومبعد غطسيه في ماء زهر ليه ليه ونحيها وحطيها في السكر الناعم مرمديها مليح خليه يشيح في un plat وهاذيك الغدوة عاوديلو تمرميدة في السكر وزيدي خليه يشيح مليح وخبيه

صابلي بحلوة الترك بدون بيض : راني حرفت فيه شويا
250 غ مارغارين طرية + رشة ملح + 2 م ك سكر ناعم + 2 م ك حلوة الترك + 2 م ك نشا + 2 م ك كاوكاو مرحي رطب + 1/2 باكي خميرة +فاني + فرينة حتى تتلم العجينة ((( الإضافات لي زدتها حوالي 3 م ك زيت +م ك معجون )))

بعد الطياب لصقت الحبات بالنيسلي ودرتلو كلاصلاج شوكولا
إذا تحبي نكتبلك كلاصاج