الجزء 67 من واش طيبتي اليوم مرحبا - الصفحة 98

رياحين الجزائر · 2014-04-10, 18:33

المدونة صار فيها خلل راها في الصيانة ذرك نبحثلك عندي نورمالمو كاينة والله اعلم

R I A D · 2014-04-10, 18:42

بناات صحة قهوتكم
عشايا ان شاء الله فريت و شكشوكة و سلاد و الحمد لله
رياحين حبيتي تفتحي الكوزينة راسلي بريق و قوليلها
قبيلة هي كانت تسال شكون تحلها

رياحين الجزائر · 2014-04-10, 18:50

السلام عليكم ورحمة الله وبركاته
صباحكم ورد وفل اخواتي العزيزات
اليوم نقدم لكم طريقة جديد ة وجميلة في نفس الوقت لطاجين الشفلور ملينا من الطريقة التقليدية ولازم شوية تغيير

نبدا على بركة الله
نحتاج صدر دجاج + اربع الى خمس زهرات شفلور + اربع او خمس حبات بطاطا متوسطة

ننزع العظم من الدجاج ونرحيه نيء في الروبو ونزيدو نرحيو الشفلور نيء ايضا

نضيف لهما بيضة + ملعقة فرينة + فلفل حار ودبشة مقطعين رقيق + ملح وتوابل + ثوم ونخلط وهاهي

نشكلها كويرات بهذا الشكل ونوعا ما كبيرة باه تعطي فخامة للطبق ونرمدها في الفرينة ونضعها في الثلاجة

نجهز المرق
نضع في قدر كبير ومسطح عظم الدجاج + نص بصلة مفرومة + ثوم + شوية زيت + فلفل حار + 2ورق رند +ملح فلفل اسود كسبر فلفل احمر حار

نقلي على نار هادئة ثم نضيف شوية ماء ساخن + ملعقة طماطم ونقلي

نمرق بالماء الساخن ونغطيها ونخليها على نار هادية وفي هذه الاثناء نقشر البطاطا نغسلها نقسمها على اربع

نضع قليل من الزيت في مقلاة ونحمر البطاطا بعد ما يسخن الزيت مليح

ننزعها نضيفها للمرق بواسطة المغرف المثقوب مباشرة دون الاكثار من الاواني
وفي نفس الزيت نخرج الكريات من الثلاجة ونقليهم

مباشرة بعد ما يحماروانضيفهم للمرق

وهاهي المكونات تطيب

واليكم الطبق جاهز

رياحين الجزائر · 2014-04-10, 18:51

اختي فاطمة الصور ماخرجتش نتمنى تستفادي من الشرح راه انتاعها

نخله. · 2014-04-10, 19:03

مساء الانوار

غدايا كان حمص ام كوثر مع حميص ورح نتعشاو كوبي كولي الغدا ههههههههههه

وللعشيه درت جينواز بالفلون والبنان فكره ام تاجو الغاليه ودرت الفلون بالبسكوي

نخله. · 2014-04-10, 19:07

ادراري مكان لا 600 نقطه ولا شئ

انا بدلت اسمي وماكنتش عارفه بلي يمدو 600

و ما زادولي والو

راسلي نائب المدير محمد هو اللي بدلي اسمي

future maman · 2014-04-10, 19:09

شحال راني نسخف على الاطباق تاعكم

ماخلانيش الوحم ناكل ,,,,الي ناكلها تقيله نردها

دبرو عليا وش نقدر ندير

نخله. · 2014-04-10, 19:20

لازم تتشهاي الحاجه باه تقدري تاكليها

وغطي نيفك ما تشميهاش ونتي طيبي فيها باه ما تشبعيش من ريحتها

وكولي غير بالشوي وديري دوره وارجعي كولي يعني ديري اشواط

و ما تاكليش فالكوزينه اخرجي للحوش ولا بالكون ولا مقابل التاقه

ربي يكملك الحمل ويسهلك النفاس

قولي اجمعين راهم الوليات الحوامل بزاف هنا هههههههههه

future maman · 2014-04-10, 19:30

آمين يارب شكرا نخلة

ماكلتي عفيتها ,,,راني عايشة غير ب la soupe

الله يسهل عليا وعلى كل حامل يارب ويرزق كل محرومة

tokio hotel · 2014-04-10, 20:00

اقتباس:

المشاركة الأصلية كتبت بواسطة future maman

آمين يارب شكرا نخلة

ماكلتي عفيتها ,,,راني عايشة غير ب la soupe

الله يسهل عليا وعلى كل حامل يارب ويرزق كل محرومة

اختى جربى الطماطم حب اعطيتها لوحد الاخت فى المنتدى جربتها و استفادت و كدلك مشروب الزنجبيل مى ما تكثريش منو وادعيلى اختى

om mita · 2014-04-10, 20:02

واش مزال مبنتش مولات الكوزينة

om mita · 2014-04-10, 20:03

اختي طوكيو اسفة ولكن الزنجبيل حذاري منو لانو يدير انقبظات في الرحم ويمكن تفقد البيبي
انا سراتلي من قبل لهذا حبيت نخبركم

tokio hotel · 2014-04-10, 20:37

على بالى اختى ام ميتا حتى انا حدرتها منو و اعطيتها الطماطم الاولى شكرا حببتى ماكيش تبانى

ادرارية · 2014-04-10, 20:42

اقتباس:

المشاركة الأصلية كتبت بواسطة نخله.

ادراري مكان لا 600 نقطه ولا شئ

انا بدلت اسمي وماكنتش عارفه بلي يمدو 600

و ما زادولي والو

راسلي نائب المدير محمد هو اللي بدلي اسمي

شكون هدا محمد وييييين نلقاه بلييييييييييييييييييييييييييييييييييييييييز

نخله. · 2014-04-10, 21:32

تكيو كيفاش الطماطم انا نموت عليها بصح مؤخرا غير ناكلها القروصه ناعها تغلبني ونجي رح نرجع؟؟؟