واش طيبتي اليوم؟؟الجزء 03

[إلهام07]

راني عيطت لأختي و راهي روحت من المستشفى وتقول ان الحريق ماشي كبير بزاف جاها في أنفها و شاربها الفوقاني وجزء صغير من خدها ولكن الرقعة صغيرة والحمد لله
مازال ماشفتهاش و ماحكيتش معاها مليح ، الحمد لله على كل حال
شكرا لكن حبيباتي على الردود الطيبة والله عائلتي الثانية ديما نحكيلكم كل شيء

[أم ياسين الزهراء]

الهام لاباس على اختك الحمد لله اللي منعت هذا وين سمعت بعيد الشر عليها

[إلهام07]

المشاركة الأصلية كتبت بواسطة YAKMISSOU

انا درت شربة مفورة يحبوووها ولادي

بصحتكم ، أنا شفت الوصفة نتاع أم راضية وجربتها ، كثرت فيها الدجاج
المرق جا بنين مممم والفرميسال حمصتها وعاودتها بالمرق ماشي بالماء باش جي بنينة بصح والله الطبق ما جاش بنين خلاص كلاوه بالتشناف و 1/2 الكمية طيشتها
ممكن الطبق هذا ماناش متعودين عليه

[ام لين]

بصحتكم كاملين وربى يدومها نعمة رانى متابعة وفية ليكم وعلى اطلاع على مواضيعكم
الاخت لى دارت شربة مفورة ياريت تعطينى الوصفة

[ام راضية]

المشاركة الأصلية كتبت بواسطة إلهام07

بصحتكم ، أنا شفت الوصفة نتاع أم راضية وجربتها ، كثرت فيها الدجاج
المرق جا بنين مممم والفرميسال حمصتها وعاودتها بالمرق ماشي بالماء باش جي بنينة بصح والله الطبق ما جاش بنين خلاص كلاوه بالتشناف و 1/2 الكمية طيشتها
ممكن الطبق هذا ماناش متعودين عليه

الفرمسال ما تتحمصهاش خاطر تيبس وما تشربش المرق

[إلهام07]

شكرا أم ياسين ، الحمد لله
ماري واش راكي وين راكي غاطسة ؟
راني توحشتك
أم نجم حبيبتي وين راكي ؟
أم ماجد ماجاوبتينيش عن التحاليل ، مانيش حابسة غير لا ديت الإجابة

[إلهام07]

المشاركة الأصلية كتبت بواسطة ام راضية

الفرمسال ما تتحمصهاش خاطر تيبس وما تشربش المرق

حشمتيني أم راضية

[YAKMISSOU]

المشاركة الأصلية كتبت بواسطة ام لين

بصحتكم كاملين وربى يدومها نعمة رانى متابعة وفية ليكم وعلى اطلاع على مواضيعكم
الاخت لى دارت شربة مفورة ياريت تعطينى الوصفة

شوفي اختي انا نحط طراف الدجاج وبصل مربي وشوية زبدة ملح فلفل اسود شوية راس الحانوت وعود قرفة وتقليهم مليح وتمرقي وتزيدي تحطي الخظر جريوات ولفت هي تحب اللفت و تخليها اطيب الشربة تفوريها ثلاث مرات كيا التليتلي وتجمريها بالمرققة وتزيدياها حمص وبيض مغلي وفلفل مقلي اممممممم انا اولادي يحبوها بزاف راهي تجي خفيفة

[touta2010]

المشاركة الأصلية كتبت بواسطة yakmissou

شوفي اختي انا نحط طراف الدجاج وبصل مربي وشوية زبدة ملح فلفل اسود شوية راس الحانوت وعود قرفة وتقليهم مليح وتمرقي وتزيدي تحطي الخظر جريوات ولفت هي تحب اللفت و تخليها اطيب الشربة تفوريها ثلاث مرات كيا التليتلي وتجمريها بالمرققة وتزيدياها حمص وبيض مغلي وفلفل مقلي اممممممم انا اولادي يحبوها بزاف راهي تجي خفيفة

اول مرة نسمع بهذا الطبق عندنا مكاش خلاص

[إلهام07]

ماقدرتش نحط طيابي نتاع الأيام اللي فاتو وععععع وععععع وععععع
راني البارح طبقت وصفة عصير التفاح لوحد الأخت جا بنين يهبل و درت ثاني الباذنجان باني ممممم مقرمش و هشوش روعة ودارت ثاني ماما معاهم شربة فريك وععععع وعععع
ودرت البيتزا بشرائح الموزاريلا مانحكيلكمش ممممممممم
وطبقت العجينة المورقة نتاع أم راضية ودرت كوكا
والسلطة نتاع سمك الكراب و المحشي دارتهم ماما
وحوايج بزاف مانيش متفكرة وماقدرتش نحط الصور
آه خلاص ماقدرتش نشوفكم تحطو في صور طيابكم وأنا نتفرج رايحة تطلعلي لا طونسيون

[touta2010]

المشاركة الأصلية كتبت بواسطة إلهام07

ماقدرتش نحط طيابي نتاع الأيام اللي فاتو وععععع وععععع وععععع
راني البارح طبقت وصفة عصير التفاح لوحد الأخت جا بنين يهبل و درت ثاني الباذنجان باني ممممم مقرمش و هشوش روعة ودارت ثاني ماما معاهم شربة فريك وععععع وعععع
ودرت البيتزا بشرائح الموزاريلا مانحكيلكمش ممممممممم
وطبقت العجينة المورقة نتاع أم راضية ودرت كوكا
والسلطة نتاع سمك الكراب و المحشي دارتهم ماما
وحوايج بزاف مانيش متفكرة وماقدرتش نحط الصور
آه خلاص ماقدرتش نشوفكم تحطو في صور طيابكم وأنا نتفرج رايحة تطلعلي لا طونسيون

واه يا الشاطرة راني حاسة بيك لخطرش فاتت عليا قبلك وعاود اليوم الشارجار تعطل معندي مانقول قلت لزوجي سلفلي مكرو بوغتابل نصور بيه قالي هاه باه كنروه لشغل نوجد في مكان ملفات الشغل وصفات طبخ ههههههه

[natacabell]

إإلهام لا باس على ختك ان شاء الله ليوم درت تطبيقي 2 للخبز العربي ل انوت شرقية جاني هايل و مضمون مية ب لمية يطيها الصحة ودرت ميني تاغتولات تع فلة ل توحشتها بزاف تفضلو دوقو متحشموشش

[ام احمد وصال]

الهام الحمد لله على سلامة اختك ان شاء الله اخر المصايب هدي عين ولا واش لازم ترقيو رواحكم واختك ربي يهنيها ويرزقك الزوج الصالح البوقوص اعطيني وصفة بيض نجال راهوعندي قنطار منو وملقيت واش نديرو

[ام احمد وصال]

المشاركة الأصلية كتبت بواسطة natacabell

إإلهام لا باس على ختك ان شاء الله ليوم درت تطبيقي 2 للخبز العربي ل انوت شرقية جاني هايل و مضمون مية ب لمية يطيها الصحة ودرت ميني تاغتولات تع فلة ل توحشتها بزاف تفضلو دوقو متحشموشش

الله يبارك عليك الخبز روعة يعطيك الصحة انا غدوة بادن الله نجربو يعطيها الصحة انوشة وفلة وجميع الاخوات الي حنا بلى بيهم منساوش

[إلهام07]

المشاركة الأصلية كتبت بواسطة natacabell

إإلهام لا باس على ختك ان شاء الله ليوم درت تطبيقي 2 للخبز العربي ل انوت شرقية جاني هايل و مضمون مية ب لمية يطيها الصحة ودرت ميني تاغتولات تع فلة ل توحشتها بزاف تفضلو دوقو متحشموشش

مممم جاك تحفة راني نويت نجربو اليوم للعشاء إن شاء الله لا كتب ربي ، مازال عندي البيض نجال كمية كبيرة ، حابة ندير شاورما بالبادنجان والجاج ههههه جديدة مالعبتش خلاص ههههه

المشاركة الأصلية كتبت بواسطة اماني السلام

الهام الحمد لله على سلامة اختك ان شاء الله اخر المصايب هدي عين ولا واش لازم ترقيو رواحكم واختك ربي يهنيها ويرزقك الزوج الصالح البوقوص اعطيني وصفة بيض نجال راهوعندي قنطار منو وملقيت واش نديرو

ربي يعيشك حبيبتي ، شوفي طريقة الباذنجان هاذي : راهو مايشريش الزيت خلاص ويجي زاكي يعني الباذنجان ماينقصش في الحجم كيما مالف يبقى عندو نفس الحجم ويجي مقرمش مقرمش مقرمش و من داخل طري كي الزبدة وماشي شارب الزيت وكأنه فارغ من داخل ، حتى الطعم مختلف ، راني شفتها في فتافيت :
ديري الباذنجان شرائح لاهي رقيقة ولاهي خشينة ذريلو الملح وخليه ساعة او ساعة ونص حتى يطرى ويطلق الماء نتاعو قطريه وعقبي الشرائح في الفرينة ثم في البيض ثم في الشابلير ( خبز مرحي ) كي تكملي الكمية نتاعك أقليه راهو يجي تحفة و كأنه شيبس مقرمش مممم وبنين
اما كيفية التقديم انت وكيفاش تحبي :
* ممكن تعمليه قراتان في الفرن وتحطي طيقة بيشاميل زطبقة باذنجان وطبقة بيشاميل وطبقة جبن مشور وهكذا حتى تخلصي ودخليه للفرن حتى يحمار
* أو ممكن تعملي صوص بيضاء ثقيلة شوية بالجاج وأو زيتون وفطر وتحطي الباذنجان في صحن وتسكبي عليه شوية صوص
* ممكن تقدميه مع صلصة حارة نتاع ام رامي
* ممكن مع سلطة خضراء
* ممكن تبتكري حاجة جديدة ( أنا رايحة نجربو شاورما )
فقط نصيحة واحدة ماتكثريش الكمية نتاع الباذنجان لان الطريقة هاذي زاكية
راهو بنين بزاف