الجزء 140 من واش طيبتي اليوم

[سرور2]

بارك الله فيك ليزا على الرد

بصح نديسر في المقلا الاولى الي فيها زيتشوي تتنفخ ولا يبق ى هاك

[lyzzabel]

سرووور غاادي يتنفخ كتبتهاالك فالوصفة خااطرش فييه الخميييرة ،، مالاااااازمش يغطييها الزييت سينوون ما تطلعش

[Simassim]

ليزا حنونة اكتب تلك وصفة الحريرة المرة لي فاتت نعادهلك ادا ماشفتهاش

حبة بصلة تقليها مع شوي لحم او دجاج وتزيد الخضر حبة لفت وحبة كوسا وزوج او تلات جزر وكرمشة حمص مرطاب وفول يابس كرافس وربطة قصبر والطماطم تلات او اربع حبات متوسطة وحمرا ملعقة كبيرة طماطم مصبرة ملح فلفل اسود سكنجبير وكركم مطحونين قرفة عود وكبابة حبيبات
وتمرق حت يطيب الخضر وتطحن وتزيد طماطم مصبرة وشوي تشيشة اختياري وخلطة الفرينة وألما تطحنها بالمكسور باش ماتديرش كويرات تضيفها وتحرك باستمرار حت تطلع وتبدأ تهود خليها تطيب عشرين دقيقة ومرة عل مرة نحرك زي لها وربطة قصبر او قصبر مقطع رقيق كروية ورأس حانوت او سكنجبير او الاتنين ومرات تزيد الكمون معاها تغلي شويي

راني بالتلفون غداً نصحح الاخطا او نشوف ادا نسيت حاجة

[ikram08]

وااااي على السفنج تاعي كارثة يشرب الزيت و ثقيل غادي نجرب طريقتك ليزا في اقرب وقت تصبحون على خير

[أم محمد تاج]

سلامي حبيباتي ياغاليات وصح عشاواتكم وقصرتكم وكي شفت الصفحات طارووو عرفتها برجوووووووووع الحبايب الحلوااااات الف الف اهلا وسهلا ومراحب ومواحاتي باللعابات والجغابل
اسمهان يا اغلى الناس الله يشفيك ويعافيك يارب وماتشوفي شر وروحي لفرنسا احسن
ام اسلام الله يفك عليك ويشفيك يارب
كاوووكا اخخخخخخخصصصصصصص رحتي وخليتي الغاشي ينش في الذبااان ههههههههه ليك وحححححححشة
حبيباتي هذا ماهز مخي العصافيري
المهم خرجت لعشية كملت ترتيباتي وتجهيزاتي للزيادة وبقاولي غير رتوشات اخيييرة نشالله نكمل ونحطلكم كللللللششششششششش يا اغلى الناس
حقة مراحب ام نهااااال

يا خراشيي عسل سل مهددتني بالأحمر واش درتلك يا حبي???????? ارسلي وواش كان في جعبتك حطي واغسلي وانشري وقطشي وعضي بالاك نستاهل ههههههههه
نووووم العوافي بطاتي السمينااااات

[ام أمينة]

صباح الخير يا حلوين نوم إلهناء يارب أم تاجو حتى انا توحشتك بززززززززززااااأاااااااااف ياخربي شكون نش ذبان من ورايا قوليلي خخخخخخخخخخخخ ربي يسلك وحلك ورنا نستناو به نقرعجو على حوايجك

[oum islem]

[SIZE="6"صباح الخير عليكم

شكرا جزيلا لكل واحدة دعاتلي اللهم تقبل يارب العالمين

ربي يشفي اسمهان وكل المرضى يا رب

يعطيكم الصحة على الاطايب لي راكو تحطو ربي يديم عليكم نعمه

غدانا ما رايحا ندير والو اولادي عند امي وزوجي ياكل برا وما نقبل حتى واحدة تعاند عليا

جزاكن الله كل خير

وكا ما تروحلي الدوخة نطل عليكم

القاكم بخييير][/SIZE]

[الرجاء الاماني المجد]

[الرجاء الاماني المجد]

صباح الخير على الجميع دائمة الحمد راني سبقتك وحطيت القهوة بصحتكم

[ام و ابنة]

صباح الخير جميعا غالياتي
كيف أصبحت اختي الرجاء
ام اسلام عندك الحق ريحي روحك
كاوكا كيف الحال علاش غيرت عضويتك و منبعد بيعت روحك خخخخخ
ام تاجو بصحتك التجهيزات عندك الحق وجدي كلش ما تبخليش للاخر بش ما تتعبيش بزاف
اسمهان ربي يشفيك و ما يكون غير الخير ان شاء الله
امهات البنات ربي يحفظلكم الجواهر صدقوني و الله البنات نعمة و حنان و تحسي بالامومة معاهم و ولاو هوما العقوبة ماشي الأولاد و اللي يجي من عند ربي مرحبا المهم الذرية الصالحة المعافاة البارة العبرة ما شي بالجنس و لا بالعدد كي يحب ربي يبارك طفلة وحدة خير من عشر رجال
اليوم غذانا و عشانا مودرين تماما و للعشية راني مترددة بين البريوش و بين الخفاف انتم تسموه السفنج

[omhadil]

صباحكم عسل اخواتى وصح قهوتكم

[الرجاء الاماني المجد]

صباح الخير ام وابنة بصحتك التبحيرة ام روضة صباح الانوار ام وابنة شوفي الصفحات لفاتو ص 85 رني جبتلك وصفات وشوفي هادو صباحك سكر ام هديل

[الرجاء الاماني المجد]

[ام و ابنة]

صباح الخير روضة مالا طيحيلي بوصفة سهلة و مضمونة تع الخفاف و يكون بالسميد وحدو او سميد و فرينة خخخخ

[ام و ابنة]

حبيبتي الرجاء الله يعطيك الصحة و يجازيك خير
الوصفات روووعة
راني حفظتها الكل عندي
و كل ما تصيبي حاجة ما تبخليش علينا
مواااااح