~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[ام متين]

بما ان اليوم للعناية بالجمال حبا نسال عن الزيوت المستعملة في الحمام الزيتي للشعر خصوصا ان شعري ناششششششششف و زيد قلة الاهتمام به الفولار والشغل

[حياتي كلها امل]

اهل اختي ام متين وام راضية ولوجين ربي يكون مع الي راهم يبنو بصح معليش تتعبو منبع تتهناو بليتساع ودار مسقما .ام متين كيما قلتي واحدعمرو مايدخل المشاكل تاع الكبار في الدراري الصغار .انا كون نقولك حاجة انا عندي لوستي ماشي متفاهمه. مع سلفتى تقعد تحكي عليهم وعلى عيوبهم قدام بنتي وانانقوللها خلينا منهم كل واحد دبر راسو يدير واش يحب .حتى من كثرة مابقات تحكى عليهم بزاف ولات بنتي ماتحبش مرة عمها وبنات عمها وولات اي حاجة يديروها تتحسس منها حتى هدرت مع عمتها قلتلها مدزيديش تهدري قدامها ووليت كل مابنتي تهدرلي حاجة عليهم نقوللها خلينا منهم ماندخلوش رواحتينا فيهم كيما احنا مانحبو حتى واحد يدخل روحو فينا وبلعقل ولات بنتى مليحا مع دار عمها

[جهينة اليقين]

راهي راحت ضيفتي مسكينة ان شاء الله خرجو ذنوبنا معاها والله راحت فرحانا ودعات لنا دعاوي الخير لاننا اهتمينا بها وانا ما درنا غير الواجب
موضوع اليوم خاطيني الفلارة ما تتنحاش وما عنديش الوقت لا للزيوت ولا للتقشير ما نكذبش ندير الحنة الي تصبغ تمتم على جال الشيب بصح لو كان تشوفوني ما تعطونيش سني يعني نبان اصغر على جال عمري ما درتش ماكياج لانو سضر البشرة احم احم حوحو يشكر روحو هههه

[omelbanin]

صباح الخير ام متين ، شكرا على ردك بالنسبة لصلة الرحم ،وحبيبتي اكيد انت انسانة طيبة علابيها يحبوك شيخك وعجوزتك ، وحنا ايضا حبيناك ، البارح كي ما كنتوش انت ،وام لينا،والاخريات، الصفحة كانت صامطة .
وبالنسبة للشعرالجاف نعطيك هذي الوصفة ،علبة ياووغت طبيعي،م ك زيت جوز الهند ،م ك زيت اكليل الجبل، م ص حبة السوداء مرحية تترك ساعة على الشعر ثم يغسل .
والماييوناز ايضا روعة للشعر .

[omelbanin]

شحال نحبك يا ام راضية ، عندك الجق ااماكياج و المواد الكيميائية تتعب البشرة وتضرها.

[ام متين]

شكرا حبيبتي ام البنين على الوصفة
جهينة انا المكياج غير كي تكون عندي مناسبة وما عنديش وقت ليه لكن اكيد لو نهتم بنفسي حاجة مليحة وترفع المورال شوية لي عودة ان شاء الله

[جهينة اليقين]

انا كذلك كي كانو اولادي صغار ونرو للعرس اكيد نكحل وندير غوج الافر فقط ونمشط شعري يعني مع النساء اما الان يا محاينكم راني جدة ههههه ولو كان ندير حاجة في وجهي ولادي يقولو هبلت وحتى الزوج والفوني بهذا اللوك مع ضرك لعراس راهم الكاميرات عدت ما نحيش الخمار على طول واكيد النظافة والوضوء اجمل ماكياج

[arwa alaa]

صباح الخير عليكم يا فراشات
واش راكم

[arwa alaa]

ام جهينة راكي تهدري تقول على ماما هي تاني من بكري عمرها مدير الماكيج عمرها 60عام والي يشوفها يقولها مزالك في 40 تدير غي العرس بكري غير الكحل والروج والعراس كيما قلتي ضرك راهم يخوفو راهم يحطو الصور في الفايس والواحد ينقص عليه انا تاني منحيش الخمار في العرس
والماكياج معنديش فيه حاجة من عرس لعرس

[hanamohamed]

صباح النور لاحلى لمة بارك الله فيكن على المواضع المفيدة وراني مقدرتش نشارك لاني مع الاولاد غدوة ان شاءالله بني عند امتحان الخامسة وبنتي بعد الاهلية نسالكم الدعاء لهم ولجميع ابنائنا
توحشتكم كاملين وشكرا لاخواتي لسقساو عليا
يوم جديد وجميل لكن ولي عودة

[حياتي كلها امل]

اسمعو ياوقيلا رانا كامل تلقينا انا تانك معندي حاجة في المكياج غير في الاعراس واذا كثرة في الدار شوية فندونتا وشويا كحل وكيما قلتو العراس ولاو الكمرات واحد عاد يقعد بخمارو وزيد ولاو كامل الاعراس فيهم الغناء واحد عاد مايقدرش يروح يروح غير يهنى

[حياتي كلها امل]

اختي هنا محمد ربي يوفقلك وليداتك انا ايضا بنتي تجوز الخامسة رني غير نخمم عليها ربي يوفق الجميع.

[omelbanin]

هنا محمد. وام هاجر ربي يوفق وليداتكم ويفرحوكم انشالله،انا وليدي دار احتبارات نص ولي بقاو حتى 5 جوان سما قعدت معلقة ما كملو ما هناونا.

[manel 16]

السلام عليكن حبيبتي فى ادلى منتدى.اختي هنا محمد ام متين.حياتي كلها امل و تااخريات ربي يوفق ابنائكم في الامتحانات و تشوفوهم في اعلى المراتب انشاء الله.الصباح جيت من العمل شريت الفول و الحار راه رخيص.كي احقت للبيت لقيت الاولاد مازالو راقدين.زربت خملت المطبخ لي صبتو كارثة مطبخية هههه.ناضو فطرو بدلتلهم.نقيت الفول راح نديرو شكشوكة تاع ام رامي رائعة نخبيها لرمضان انشاء الله نصيبها واجدة نهار نتزير او اي طارئ.الفلفل راح نرقدو.درت الطعام يفور.و المرقة نديرها بعد العصر للعشاء و قلت نعيط للوستي تجي تتعشى عندي.جات ضيفة لدارهم.راني ساكنة مع ناس داري و لكني عازلة.هدا اول رمضان راح نعقبو في مطبخي راني فرحاااانة.عبعد 5 سنوات من الخدمة المدنية

[manel 16]

اهلين ام البين ربي يوفق البنين يا رب.انا اولادي مازال ما دخلوش للمدرسة.بالنسبة للعناية و التجميل قبل ما نزوج كنت لاتية بزاف بروحي هادي ماسكات هادي كوب لشعري هادي صبايغ.اللون acajou violet نموت عليه يخرج هايل على اللي بشرتها بيضا.في مواد التجميل و الماكياج ماركة ive rochy رائعة ما نعرف ادا ما زالت بنفس الجودة.لكن ملي تزوجت و الاطفال جبتهم هادا مور هدا نسيت روحي و ليت ما نعرف والو هههه.خواتاتي يقولولي واشبيك تشمعتي ههههههه.لكن الحمد لله استدركت بفضل دورة حبيبة السابقة رابي يجازيها و في ميزان حسناتها انشاء الله