الجزء90 من واش طيبتي اليوم **مبارك علينا الشهر الفضيل** - الصفحة 97

دائمة الحمد · 2014-07-11, 10:23

ادرونو شكرا عزيزتي على الادعية
فطوري اليوم بحول الله دجاجة فارسي بالفيونداشي والفرماج
دخلت معاها في حرب امس اول مرة نديزوسي دجاجة موالف يديزوسيهالنا الجزار ونحكموا لا شان الحمدلله سلكت على خير تبلتها البارح واليوم نحشيها والى الفرن مع خضرة سوتي البوراك كرهناه راني نخدم ونعاود في العجينة المورقة لام انس كل يوم نعملها شكل
عملتها حتى خبزة السوافة واعملتها في بلاصة العجين تاعي جت تحفة
البارح عملت بنتي البراونيس والمحلبية عجبوهم اليوم تعاودهم

عطرالذهب · 2014-07-11, 10:25

صباح الخير وجمعة مباركة عليكم وعلينا
من اغلى الايام وابركها جمعة رمضان فلنكثرفيها الصلاة والدعاء والتقرب الى الله بالطاعات
تقبل الله منا ومنكم صالح الاعمال

x ام رحاب x · 2014-07-11, 10:25

دائمة الحمد الحمد لله على سلامتها وربي يجازيكم كل خير هادو هوما الوالدين ربي انشاء الله ربي يجعلهم بارين بيكم يارب
سلمي عليها وقوليلها انشاء الله تتربا في عزهم انشاء الله

x ام رحاب x · 2014-07-11, 10:28

اقتباس:

المشاركة الأصلية كتبت بواسطة parfumdor1

صباح الخير وجمعة مباركة عليكم وعلينا
من اغلى الايام وابركها جمعة رمضان فلنكثرفيها الصلاة والدعاء والتقرب الى الله بالطاعات
تقبل الله منا ومنكم صالح الاعمال

ربي يجازيك كل خير حبيبتي وربي ينجحك في المسابقة

عطرالذهب · 2014-07-11, 10:28

دائمة الحمد عندنا يامرحبا يامرحبا
والله حاجة كبيرة كانت ناقصتنا رغم انو الموجودات راهم الخير والبركة
واش راهي اسينات ان شاءالله مرتاحة
وبصحتك الدجاجة ديزوسي مانخافوش عليك قدها وقدود

دائمة الحمد · 2014-07-11, 10:29

عطورة صباح الخير
سي السيد جاء وجاب القضية لازم نروح نجري هههههههههه بيني وبينكم مانيش قادرة نجري ونفرح بيه وبيها والا يغضب ويبدى يشرشي مع الصيام والسكر
الا قدرت من بعد نطل

عطرالذهب · 2014-07-11, 10:29

اهلا ام رحاب انت ايضا كنت غايبة الحمد لله على السلامة وشكرا على الدعوة نتاع الخير مع الصباح

دائمة الحمد · 2014-07-11, 10:30

ربي يفضلك ويخليك عطورة والله رانا اكثر من الاهل في هذي اللمة الطيبة

أم ماجد · 2014-07-11, 10:48

ربي يعينك دائمة الحمد وربي يحفظلنا الحفيدة تاعنا
ادرينو ربي يجازيك على الادعية انا تعودت عليهم

دائمة الحمد · 2014-07-11, 11:21

الله يخليك ام ماجد وربي يفرحك بابنائك

lyzzabel · 2014-07-11, 11:31

صباح الخيييير على أغلى الغوالي و جمعة مباركة و معطرة بالذكر و العبادة

اقتباس:

المشاركة الأصلية كتبت بواسطة om mita

اليسون يعطيك الصحة اسرع تطبيق
حبيت نسقسيك انت ولا ليزابيل
رطل دقيق ورطل فرينة
ولا رطل دقيق وفرينة مخلطين
يعني مفهمتش
ليزا ممكن نكيل بلابال تاع 500 غ او 250 غ
يعني ندير كيلة فرينة وكيلة دقيق

ديري رطل مخلط بين سميد و فرينة و الكلية تاع لابال والله ماعلابالي انا ندير عيني ميزاني جامي ما كيلت

حقا اليوم راني معولة على عصير الليمون تاعك بإذن الله

اقتباس:

المشاركة الأصلية كتبت بواسطة دائمة الحمد

صباحكن سعيد
ام رحاب الله يهنيك حنونة وانت زادة ليك وحشة اسينات تعبت مسكينة التهب ليها الشق في الكلينيك ما عرفناش السبب زعمة بريفي وزادتها لانيمي الان راهي لاباس مع لي سوان وانا وباباها واقفين عليها ما نرقدو لا ليل ولا نهار حتى هزت روحها
ايمان نهارك زين حنونة الله يخليك اسينات الصغيرة عاملة فيا برايها هههههههههههه تبيتني قاعدة ربي يخليها لوالديها
ربي يفضلكم حبيباتي
ام اسلام ربي يعاونك

اهلًا. و مرحبا حبيبتي الغالية انشالله راكي مليحة و الف لاباس على اسينات ربي يشفيها و يعافيها و يقدرك على كلشي و ربي يحفظكم لاولادكم يارب ،، بوسيييييلي اسينيتا ههه

و بصحتكم الجاج

اقتباس:

المشاركة الأصلية كتبت بواسطة islam1aya

بنات حبيباتي توحشتكم
راني وليت نطل عليكم
راني في اسبوع مع السبيغة راني طايبة ههههههههههه
ربي قدرني اليوم النهار الاخير نسبغ المطبخ
راني شفت كل شيء ماشاء الله عليكن رووووووووووووووووعة كل واحدة باسمها
مارانيش قادرة نكتب اليل طول وانا نغسل في ليبلانت ونرجع في بعض القشيشات اليوم نكمل ان شاء الله ونولي معاكم

وااااع الصيام مع البنتورة و الشقا ربي يعاونك حبيبتي ماعليش المهم راكم فالكمال

ميييييمتي ام رحااااب صباح الفل و الورد

اللهم صل و سلم على سيدنا محمد

x ام رحاب x · 2014-07-11, 11:56

وصباحك اسعد حبيبتي المدللة ليزا راني فرحانة بيك واش راكي تمدي في نصائح وليغوسات جعلها الله في ميزان حسناتك
انا مانقدرش اندخل الصور راني غير نتفرج وفرحانة كامل بيكم كيفاش راكم عايلة وحدة ربي يخليكم يارب

lyzzabel · 2014-07-11, 11:57

ام سهام و عازفة الناي الله يعطيكم الصحة على طياباتكم لي تشهي بصحتكم حبيباتي
ام انووووستي العزييييزة بصحتكم البوراك و البرانية و ربي يخليلك عجوزتك و يدوم المحبة بيناتكم و ليك مواااااحتييييييييييين

اليوم فطورنا بإذن الله حريرة و لي ستاك مع الخضر صوتي و سلاطة و الحمد لله

اللهم اني أستغفرك من كل فريضة اوجبتها علي في الليل او في النهار ، تركتها خطأا او عمدا او نسيانا او جهلا
صل اللهم على سيدنا محمد و على اله و سلم تسليما

lyzzabel · 2014-07-11, 12:01

اقتباس:

المشاركة الأصلية كتبت بواسطة x ام رحاب x

وصباحك اسعد حبيبتي المدللة ليزا راني فرحانة بيك واش راكي تمدي في نصائح وليغوسات جعلها الله في ميزان حسناتك
انا مانقدرش اندخل الصور راني غير نتفرج وفرحانة كامل بيكم كيفاش راكم عايلة وحدة ربي يخليكم يارب

ويخلييييك ليا يا مييييمتي،، ربي يقدرنا على فعل الخير خصوصا في هاذ الشهر المبارك و يتقبل منا امييييين و فرحتي اكبر مين رجعتيلنا و راكي تطلي لابغا بدون صور و الله حضورك أغلى من الغلا ،، ربي يحفظك ،، قوليلي واش فطوركم اليوم هههه

x ام رحاب x · 2014-07-11, 12:06

شكرا حبيبتي ليزا فطوري اليوم وكي العادة شوربة فريك وبوراك وديول انا خادمتهم وطاجين احلو وحابة اندير لوبيا ماشطو بالحم المرحي والفزرماج ولاصوص بيشامال من فوق وسلاطة هاديك لازم