الجزء149 من واش طيبتي اليوم كوزينة التجديد والتنويع في الاطباق

[أم فاطيمة]

ام جوجو بصحتك انا فطوري بطاط 5 دقايق ههههه نحب غير الساهل مدام الراجل مراهش هنا
دائمة الحمد لباس عليك حنونة كثري من الكيوي و الفراولة راهم ملاح لنيمي و كبدة الدجاج

[omjoujou]

المشاركة الأصلية كتبت بواسطة أم فاطيمة

ام جوجو بصحتك انا فطوري بطاط 5 دقايق ههههه نحب غير الساهل مدام الراجل مراهش هنا
دائمة الحمد لباس عليك حنونة كثري من الكيوي و الفراولة راهم ملاح لنيمي و كبدة الدجاج

الله يسلمك حنونة وبصحتك البطاطا تاع 5 دقايق

[دائمة الشكر]

ام جوجو بصحتك الفطور انّا قريب يوجد ثاني ههههه
ولادي ماياكلوش الخضر باينة لازم نرحيها باه يأكلوها

[أم باسم]

شكررررا ام فاطيم صبح الانوار ام جوجو بصحتكم المرقة تشهي يا افحلة ربي يباركلك

[أم أماني وعبدو]

وصفة الشاورما
نبداو بصدر الدجاج نقطعوه مربعات ونتبلوه بملح وفلفل وكمون وحشاوش وعصير ليمون وقشور الليمون وملعقة صغير زيت ونخلوه بجهة ونوجدو المايوناز ونزيدولها قطعة فرماج شاف وهذي اختيارية انا زدت لها ملعقة كرام فراش نحضر المول نقطع فيه حبة بصل وفلفل حلو ونديرلهم شوية ملح وفلفل اسود وممبعد نفرغ المايوناز والفرماج على الدجاج ونحطهم في المول ونغطيهم بالالمنيوم وندخل للفرن كي تحسيها طابت نحي الالمنيوم وخليها تتحمر شوية من فوق وكي تنحيها من الفرن ديريلها شوية شيدر من فوق وهذي ثاني اختيارية
في انتضار ردودكم وتطبيقاتكم

[أم أماني وعبدو]

المشاركة الأصلية كتبت بواسطة دائمة الحمد

ام اماني كبدة الدجاج راني ندير فيها
والسويكة تاع القمح راو حتى زوجي قالوا عليها واحد صاحبو
الني قلت ذرك نديرها بالصح واشي هو روب التمر
عسل التمر قصدك

لالا مانيش عارفة وش تقولولو انتم عندكم مستخلص التمر اومعجون التمر او مركز التمر فهمتيني؟ضرك نصورو وتشوفيه

[ريم23]

اريد وصفة لخفاف بالسميد عاااااااجل

[دائمة الحمد]

ام فاطيمة يسلم عمرك يا غالية ا
ام جوجوبصحتك عزيزتي مرقة الخضرة نموت عليها وولادي ما يوكلوهاش
ممكن دبس التمر او عسل التمر
ام اماني الوصفة تبان بنينة
راني مع قش الشتاء والصيف راني مع خزانة اميرة
قاتلي خليهالي نفرزها وحدي
غافلتها حتى راحت للجامعة وقلت نفرزها انا باش نخرج القش لي ما عادتش تلبسو نقص شوي كاين لي يحتاجو وهي ما تحب تمد حتى حاجة من قشها

[zaho207]

أم هبوبة معليش تمديلي وصفة لي بيني و بسكوي غولي خرجلك شباب

[أم أماني وعبدو]

هدا هو دبس التمر

[دائمة الحمد]

يعطيك الصحة ام اماني قلتيلي ندير الروينة بسويكة القمح والدهان ودبس التمر
ونوكلها الصباح على او في اي وقت

[أم أماني وعبدو]

المشاركة الأصلية كتبت بواسطة دائمة الحمد

يعطيك الصحة ام اماني قلتيلي ندير الروينة بسويكة القمح والدهان ودبس التمر
ونوكلها الصباح على او في اي وقت

في اي وقت حبيبتي وان شاء الله ربي يشفيك وبعافيك ويحفظك لوليداتك

[أريج-78]

سلاااااااااااااااااااااااام عدس والحمد لله


ام و ابنة شكرا اختي لعزيزة على الدعاء وربي يحفظلك وليداتك ويصلحهم وبصحتك ما شريتي تقطعي وتزيدي ووليدك اطيه لطبيب وطمنينا عليه ما يكون غير الخير ان شاء الله
ام جوجو الحمد لله على سلامة ماماك ان شاء الله تخرج من السبيطار في اقرب وقت وصح غداك
ام ياسين ما شاء الله راكي المفتش كونان !!!!!!!!!! السرقة صح صح وبصحتك الرولي
ام باسم بصحتك العدس
ام رحاب ربي يشفيلك خوك ويطمنك عليه يااااااااااااااا رب
Oum yousra شهتيني في المحجوبة
ام عبدو و ملاك بصحتك الخرجة وربي يبارك في الشهرية
ام ماجد و دائمة الحمد الله يرزقكم الصحة والعافية
زهرة الريف ما شاء الله على المادلان فكرة جديدة نحاول نطبقها وبارك الله فيك على الدعاء " آآآآآآآآآآآآمين يارب"
حنان خيرة مرحبا بيك
أم أماني وعبدو شكرا على الوصفة تبان بنينة

[دائمة الشكر]

صح فطوركم اخواتي
فطوري اليوم ارز بسمتي بالشعيرية والدجاج ولله الحمد


مركز تحميل الصور

[دائمة الشكر]

ام اماني واشنوها سويكة القمح والدهان الزبدة الحرة
ورب التمر هو معجون التمر ولكي جزيل الشكر