الجزء 107 من واش طيبتي اليوم ; العين تاكل قبل الفم

[زينب 83]

هذا عشايا و لله الحمد ، مرقاز منزلي بدون شحم و ملونات وووووووو، بطاطا محمرة في الفرن ، خبز عربي و حميس




وهذا لبن جابو زوجي معاه و كنت تاكلة عليه للعشاء و كي ذقتو وععععععععععععععععع مالح و كي قريت المكونات لقيت فيه الملح ، الله الله على اللبن نتاعنا خاثر و بنين

[مياسم75]

سيماسيم ربي يعيشلك ولديك ويسلك وحالك الحمد لله على نعمة الامومة

[دائمة الحمد]

عشيتهم وبعثت العشاوات للاهل والاحباب وجيت
عزيزاتي الي دعولي لاميرة ربي يفرحكم ببناتكم واولادكم
ام يس يا ريييييييييييييييييييييييييييييييت تجيني ياعزيزتي ونعصدلك ونشخشخلك ونبركشلك هههههههه
وندير كل الي تحبيه
ام ماجد وينو الزهر كون جينا جارات نهدو لحيوط ونرجعوها دار وحدة ونلبزو جماعيا هههههههه
ام رهام الزقوفي هو هذا

[دائمة الحمد]

ام ايمن قبلات مني ليك عزيزتي
زينوبة شهيتيني بالمرقاز
ام سهام عشاك يشهي وحتى انا كانت راح تجيني عجوزتي بالصح جاها ظرف منعها

عطورة جاك شايبك وسلفك والعزوزة وين راحت

[زينب 83]

صح عشاكم كامل ، ام ماجد ، مياسم ، ام ياسو الغالية ، سيما ، داءمة الحمد، بشرى ، ام ساجد ، ام سهام ، ام ملك ، ياقوت ، عطر الذهب ،ناهد دوران و ام سراج و صح عشاء كل الغائبات و ربي يرجعهم بخير

عازفة شكرًا حبيبتي على كلامك لعسل يا عسل ، و كوزينتك فاتت خفيفة ظريفة و كنت لينا احسن مضيفة بطيبة قلبك و أخلاقك العالية

ام ماجد سلميلي على روضة و ربي يسلكها على خير

ام رهام صديقتي الغالية صح عشاك ، و شكرًا على كل شيء

ام نور الهدى نتمنى ترجعي و تنورينا و كبري قلبك

ليزا و توتة، و ياسملك مابانوش اليوم

مرام أكرر ندائي رانا توحشنااااااااااك

[مياسم75]

زينب وأم ريهام انا المهم فرحت ولادي بالفطير وأنا بالموس البرتقال اممممممم
وماقدرتش ما نديرش زينب أولادك رآهم فرحانين بابوهم الي ديريهالم ياكلوها
ام ريهام بربوشتك ثاني تعمر العين والكرش
ام ملك بصحتكم الطعام والفطير
ام سهام يا سلام ماشاء الله اتهلاي في عجوزتك تدي شوي دعاوي الخير وابعثيلنا شوي وزيدي معاهم طبسي طمينة
ام سراج حبيبتي نبعثلك الموسسس واجدة ماتعبيش روحك راكي عندك ما لبزتي

[زينب 83]

دائمة الحمد حبيت نسالك منين نشرو الزقوقو

[حبي لأمي]

مساء الخير على الجميع نتمنى نلقى وحدة تعاوني
بغيت ندير الرشتة بصح ما عرفتش شحال تفور من مرة واذا نديرولها كيما الكسكس ولا طريقة اخرى

[الأمنيات]

السلام عليكم وصح غشاكم يعطيكم الصحه كامل

[دائمة الحمد]

الله يسلمك امنيات
شوفي زينب يتباع حب عند لي يبيعو لوازم الحلويات
وعجينة الزقوقي نجيبوها من تونس
راني حاطة موضوع عصيدة الزقوقي هنا بالصح الصور راهم ما يبانوش حتى تخفاف شوي الكونكسيون

https://www.djelfa.info/vb/showthread.php?t=1510060

[*وردة الشرق*]

سلام عليكم لبنات بصحتكم لعشاكامل الله يبارك كل كوزينة احسن من ختها ربي يعطيكم الصحة والعافية

عشانا والحمد لله

شخشوخة جديدة قبل ما تعوم في المرق




وهنا بعد ما طابت




الفريك




السلاطة وحبيبها الحر اوووووووووووووو




الكسرة والديسار






والتارت ما حطيت والو فوقها لولاد يحبو غير لاكرام ولابات




قلب اللوز مبعد انشاء الله نحطهولكم

ام ساجد مشكووووووووووووووورة على الرابط

لبنات بصحتكم واللهم دمها نعمة وحفظها من الزوال

انا نروح ونخليكم على خير ورايا جيش ماعين غير نبدا باش نلحق نشوفكم مبعد انشاء الله

[دائمة الحمد]

سهريتنا من اعداد وتاليف واخراج اميرة وقاتلي من الليلة وانسيني غدوة ترجع لليكور ونهار الاحد العودة المدرسية بحول الله

وهذي بسبوسم محشية تاع بيبا غير جربوها راهي مثبتة في قسم الحلويات

[دائمة الحمد]

زينب 66 يعطيك الصحة كلش يهبل واديني معاك نلم كوزينتي ما كملتهاش وراني نريح شوي في رجليا وجعوني حالة الكبرهههههههه

[أم ملك]

دائمة بصحتكم العشاء و ربي يتقبل الصدقات و ربي يوفق أولادك و تشوفيهم في أعلى المراتب
حبيبتي درتلك إعتذارفي قسم الدردشة و هنا شفتيه ولالا مايهناش قلبي حتى تشوفيه و ترديلي يا العزيزة

[Sidra Seba]

السلام عليكم لبنات متزعفوش مني راني كنت نبعكم من وراء الكواليس وتمنيت ولو وحدة منكم تتفكرني بصح معليهش كل وحدة وظروفها ليوم كي شفت اسمي فرحت بزااااااااااف بشرى حبيبتي ربي يحفظك ويفرحك ليوم صح عرفت بلي كاين ناس مزالو متفكريني
بلاماننسى ام طيري الجنة والامنيات نقلكم ربي يخليكم حتى انا توحشتكم راني شفتكم مرة في كوزينة من الكوزينات رحبتو بيا
عازفة الناي ربي يبارك كوزينتك كانت رائعة
سملسيم اختي ربي يسلكك بالف خير لوكان نعرفك تسكني في باري نجيك حبيبتي ونطل عليك
ام سراج وملاك نقاوسية نتاعي ربي يبارك راكي قمتي بخوك ربي يحفظهولك ويكملو ربي يالف خير
البقية يعطيكم الصحة راكم كامل مبدعات
نرحب بالعضوات الجدد نقلكم راني تعرفت بالبقية وشفت اطباق وحلويات نتاعكم ربي يبارك راكم حراير نتاع الصح