الجزء 67 من واش طيبتي اليوم مرحبا - الصفحة 97

nihale89 · 2014-04-10, 16:34

مساااااء الانوااااااار

رياحين الجزائر · 2014-04-10, 16:41

اشكون مولات الكوزينة الجاية راها قريب تلحق 100 صفحة

بشرى2008 · 2014-04-10, 16:42

حبيبتي adrari حبيت نبعتلك رسالة مقدرررررررررررررررررررررررررررررررررررتش

النرجووسة · 2014-04-10, 16:50

بصحتكم القهيوى انا مدرت وال كان بقيلي الكيك من لبارح كما تعرفو غير انا و المسيو منصف مزال صغيوووور ناكلو فيها يومين

ادرارية · 2014-04-10, 16:54

الامنيات وبشرى والله ما عندهاش مدة راسلتني اختي سمراء الدنيا وجاوبتها وكدلك ام كوثر ولا ممكن هوما مشرفات

الله هدا شحال راني نطالب بتغيييير الاسم من الفرنسية الى العربية وتكسب 600 نقطة وكدلك طالبت بتغير في الجنس ................................

رياحين الجزائر · 2014-04-10, 17:22

ماهذا وين رحتو اكل ماكان حتى وحدة

الأمنيات · 2014-04-10, 17:36

ادراري هما مشرفات يراسلواا الكل
غيري الجنس فقط
انا عشايا تغير جاوني ضياف وعطشت

lyzzabel · 2014-04-10, 17:40

مساء الانوااااار و بصحتكم القهوة حبيباتي
دخلت لقيت حبووووبتي السكرة ام محمد تسال على وصفة الحريرة
تفضلي طريقتي يا غالية
في قدر أو في كوكوطة ديري شوية زيت و لحم غنمي يتقلى و زيدي عليه حبة بصل مقطعة زوج حبات طماطم مقطعة خمس فصوص ثوم و تبلي بالملح الفلفل الأسود غير شوية باش ماتجيش حارة بزاف و لي تبغي الحار تدير نص مغرف صغيرة و زيدي زوج مغارف صغار كروية و مغرف صغيرة سكنجبير ،نص مغرف صغيرة راس الحانوت ،ربع مغرف صغيرة زعفران ، ربع مغرف صغيرة كبابة مطحونة و تخلطي بملعقة خشبية و تخلي يتقلى من بعد اسقي بنص لتر ماء و مين تبدأ تغلي ضيفي زوج مغارف كبار طماطم مصبرة و ربطة قصبر و زوج شطوط كرافس زيدي عليها زوج حبات كبار زرودية مقطعين قطع صغيرة و تكوني موجدة ما ساااااخن اسقي بيه و أغلقي و خلي اللحم و الخضرة تطيب
مين يطيب اللحم جيبي قدرة و كسكاس و صفي الحريرة و نحي اللحم حطيه بجيهة و امرسي هذيك الخضرة لي بقات فالكسكاس بملعقة كبيرة مع القصبر و الكرفس لي طابو معاها باش يطلقو قاع البنة لي فيهم
رجعي الحريرة فوق النار و زيديلها الماء على حساب الكمية لي راكي باغيتها وضيفيلها مغرف صغيرة كروية و ربطة قصبر و خليها تغلي مليح و ذوقيلها الملح و الطماطم و عدليها
ارمي فيها زوج كمشات صغار تاع تشيشة لي نديرو بيها الحريرة و خليها تطيب ربع ساعة حتى لعشرين دقيقة و تكوني و جدتي خمس مغارف كبار تاع فرينة مغربلة مخلطة ملييييح بالفوي مع تقريبا ثلث كيسان ماء
نقصي النار تماااااما على الحريرة و فرغي عليها خليط الفرينة غير بالشوية مع التحريك المستمر باش ما نديرش كويرات طبعا تكوني نحيتي ربطة القصبر و عاودي قوي عليها النار حتى تبدأ فالغليان و عاودي نقصي عليها و خليها تزيد تغلي و حد الربع ساعة باش ما تبقاش فيها بنة الفرينة نيءة و طفي
تقدري تعصري عليها نص حبة ليمون للي تبغي الحموضة و لي ما تبغيهاش كيما انا ما تديرش و تقدميها في des bols ولا une soupière و تقطعي القصبر رقيق و تزيني بيه من فوق بلا ما تنسي تقطعي اللحم و تضيفيه فالغرافي
نتمنى تكوني فهمتي راهي ساهلة و هاذ الكمية انا نديرها للفطور و العشا و نتي نقصي كمية الماء إذا جاتك بزاف و طبعا تنقصي كمية الفرينة مع الماء باش ما تجيش ثقيلة بزاف
و كاش حاجة ما فهمتيهاش راني هنا يا أحلى سكرة مواااااااااح

و هاذي صورة التشيشة

رياحين الجزائر · 2014-04-10, 17:53

لبنات الكوزينة وصلت ل100 صفحة نتمنى ماتخجلونيش واتخلوني نفتح كوزينة ابالي راهي واجدة بصح من ذرك للقرعاجات ماكانش صور للكوزينة

x ام رحاب x · 2014-04-10, 17:59

يعطيك الصحة حبيبتي ليزا والله غير ماكلتك لايعلى عليها

أم ياسين الزهراء · 2014-04-10, 17:59

الصباح كانت النت مقطوعة والحمد لله كملت كلش نقيت الغرس ورحيتو ووجدتو بلاك ندير هدو الايمات البراج ياخي كنت قلتلكم جارتي بعثتلي بيدون واوووووووووووووو فرحت وقلت لكان غير يزيدو يبعثولي البيض والفرينة عندي ههههههههههههههههه طماعة

الامنيات يسقي الله من نهر الجنة تقبل الله منك اختي وصحى فطورك

مولات الزفطي ياخي رانا جواري اتفكريني عمري لاضقتو ويقولو هايل هايل سخفتيني بيه

ام اماني رغم عمرك لاتفكرتيني وانا كبيرة عليكم الا اني احبك في الله ودايما نمد وصفاتك ونقللهم ادعولها ربي يصلح ولادها وينجحهم وقاطو اللمبوط هبلو عليه الله يجازيك الجنة يااحلى شاف بصح عندي ليك سوال اكيد انت قريتي الاخراج ماشاء الله عليك الصور تهبل الله يبارك فيك

روضة حبيبتي مريضة الله يشافيك وام ماجد واش نوضك على الصباح ربي يعينك

ام محمد ولا نهال قولولي القيس تاع السنيوة باش ندير النيقرو تقريبا شريت كلش مازال غير الشيكولا

عشايا كسرة وكريم فراش تاع باتنة ولادي يحبوها وعندي المقرونة باللحم مرحي من الغداء والحمد لله

حقى اللي حطت ماكلاتها وقالت تاع الفقراء امالا المرفيهين واش راهم ياكلو ههههههههههههههه ربي يقنعكم ويزيدكم من نعمته الله امين والحمد لله

بروقتي كوزينتك ردت الاحباب والاخوات خاصة ام اياد وام نجم الله يجمعنا في الحرم الشريف وربي ينولك اللي في بالك