~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[ام صفصف]

صباح مشرق لكل الفراشات

[ام صفصف]

[ام صفصف]

[omelbanin]

اصبحنا واصبح الملك لله والحمد لله،االهم اجعلنا من الذاكرين،الشاكرين، الحامدين، الراكعين ،الساجدين .امين

[حياتي كلها امل]

اللهم بك اصبحنا وبك امسينا وبك نحيا وبك نموت واليك النشور

[حياتي كلها امل]

احلى فنجان قهوة لاحلى الفرشات

[حياتي كلها امل]

صباحكم سعيد ام صفصف ام هارون وكل الفرشات بدون استثناء اختى اروى الاء لباس عليها لولو وان شاء الله ربي يجيبلها الشفاء

[omelbanin]

صباح الخير ،يا وجووه الخير، شكرا ام صفصف وام هاجر على الادعية وعلى القهوة ، والله غير شربت قهوة ومازال ما فطنتش قهوتي عيانة كون غير نقدر نجبد هذاك الفنجال.😢

[جهينة اليقين]

السلام عليكم شكرا لكم ام هاجر راكي مزهية الحالة وام صفصف واش راكي ام هارون فكرروني بموضوع اليوم
اليوم ثاني يجو الخدامة ويقابولي كلش وكانك يا بو زيد ما غزيت المهم لو كان غير يخلصولي قبل رمضان برك اسمحو لي نروح نتلهى بضيافي

[omelbanin]

ام راضية راكي مسامحة حبيبتي ،تهلاي في ضيافك ،وانشالله تكملي بنيانك قبل ممن رمضان وتتهناي .

[loudjaine]

صباح جميل و مشرق ...
السلام عليكم ...انا امس بدا البنيان ريبلي حيط باش نوسعو لا شامبر تاع لولاد وواليوم يجي الخدام لازم نخرج من الدار ...حتى يروح واحد الغبرة ...حمظت ربي لي ما درتش المناج الكبير ...مستحيل يكملي قبل رمضان...المهم نصومو مع السيما...انا نروح نخدم ضرك..

[ام متين]

صباحكم طيب مبارك

ان شاء الله راكم كامل بالف خير
اروى الاء ربي يشفي لولو يغيضو الصغار كما يكونو مرضى
تمنيت نشارك معاكم في نهار الامس لكن خرجت مع الزوج والاولاد من الصباح حتى لليل يعني ما درت والو المهم الاولاد غيرو شوية الجو ونحاو على قلوبهم من ضغط الاختبارات
موضوع الامس كان جميل الحمد لله انا علاقاتي مع اهلي رائعة ومعنديش مشاكل مع اي واحد او وحدة ولما نسمع باي واحد مريض نتصل بالهاتف بحكم اني بعيدة
ونفس الشيئ مع اهل زوجي ولكن كاين مرات تضطري انك تقطعي العلاقة والاتصال وتخليها سطحية ما دمت غير ملزمة بها اذاكان هذا الاتصال راح يكون سبب في مشاكل ونزاعات لان كاين في بيت شيخي عنصر مريض نفسيا لا يفهم لا النصيحة ولا اي شيئ ويتعدى على الكبارحتى لما نروح ما نلبس جديد ما نعمل ذهب مانحكي على اماكن حتى ما نديرش مشاكل للناس.
المهم عجوزتي وشيخي ملاح معايا ونتصل بيهم دائما خصوصا لما يكون مرضى كل يوم واسرارهم يقولوها لي قبل الاخرين حتى ان ساعات تصير مشاكل ويحكيوهالي وبعد مدة يسمع الزوج بيهالكن بتغاصيل بسيطة لكن انا نكون على دراية باالادق ويقولي راكي عارف نقولومن زمان المهم اي شيئ خاص بعيلتو يسمعو من عندهم وليس من عندي.
المهم نحاول دائما نخلي ولادي يحبو عمومهم وخالهم وزوجي لما يزعف من خوه نقولو دائما خوك خوك لا يغرك صاحبك المهم كلنا بشر واكيد الناجحة فينا هي الي تتعلم من اخطاءها وتتحكم في اعصابها وفي علاقاتها وما ديرش الي يغضب ربي لان الدنيا فانية

[ام متين]

جهينة ربي يقويك صحيح الترميم في البيت يقلق لكن النتيجة من بعد تريحك تتهناي بالجديد ان شاء الله
لجين اصبري كلش يفوت وتتهناي بالغرفة الواسعة

[ام متين]

سمورة كيف احوال بنتك وانت ثاني مع ارتفاع tsh يعني الغدة راهي خاملة وما تخدمش ودير العيا وزيادة الوزن لكن مع الدواء رايحة تتعدل ولكن مرات تجي حالات فشلة ما تقدريش تعملي (راني نحكي على روحي ) الحمد لله على كل حال .

[ام متين]

ام صابرين العرس خلص بصحتك هيا ارجعي زهي الصفحات بالنشاط رمضان راه يدقدق على الابواب