الجزء 95 ** من واش طيبتي اليوم ** - الصفحة 96

طير الرحمة · 2014-11-01, 16:11

اقتباس:

المشاركة الأصلية كتبت بواسطة x ام رحاب x

مساء الخير طير الرحمة الصور تاع الحلوة روعة الشكل ماشاء الله
قمر ربي يحفضك حبيبتي تسلمي
رفيف راهي في الصفحة الاولى تاع القسم المعجنات
ام وسيم جاتك هايلة وعلاش ماعجباتكش كون حطيتيها زيادة وخلاص بلاك هي تعجبها

ايه عندك الحق ام رحااااااااب كاين اخوات ماشاء الله يعملو القاطو على شكل منحوتات
ام رحاب اله يخليك اريد وصفتك فى عمل عجيمة الشخشوخة الرقاق
يعني ماشاء الله تعمليه خفيف ورقيق ومورق
راني حابة نتعلم من عندك

أم ماجد · 2014-11-01, 16:13

لبنات غدانا اليوم خفيف غير انا وروزا وحفوظي وصاحبه

ومدلان الهام المسروق هههههه مدياتو لبابا بعد قليل امممممممممم

ارزاق · 2014-11-01, 16:32

يعطيكم الصحة كامل سخفت علي البسبوسة بصح نسيت مقدار الشاربات يعني قداه كمية الماء والسكر راني رايحا نديرها ضرك عاونوني تعيشو

ام سراج وملاك · 2014-11-01, 16:41

اقتباس:

المشاركة الأصلية كتبت بواسطة أم ماجد

لبنات غدانا اليوم خفيف غير انا وروزا وحفوظي وصاحبه

ومدلان الهام المسروق هههههه مدياتو لبابا بعد قليل امممممممممم

ام ماجد يعطيك الصحة اول مرة نشوف الفكرة نتاعك عجبتني كي حطيتيهم في بطات نتاع طون خرجلك المادلان روووعة

ام سراج وملاك · 2014-11-01, 16:42

اقتباس:

المشاركة الأصلية كتبت بواسطة رفيف رانية

صح قهيوتكم

قاطو المحقن جاء رووووعة

يعطيك الصحة رفيف

x ام رحاب x · 2014-11-01, 16:51

اقتباس:

المشاركة الأصلية كتبت بواسطة طير الرحمة

ايه عندك الحق ام رحااااااااب كاين اخوات ماشاء الله يعملو القاطو على شكل منحوتات
ام رحاب اله يخليك اريد وصفتك فى عمل عجيمة الشخشوخة الرقاق
يعني ماشاء الله تعمليه خفيف ورقيق ومورق
راني حابة نتعلم من عندك

م[SIZE="6"]عليش حبيبتي انت اطلبي برك
لعجينة انا ندير فيها السميد فيه العلك ونزيد قيس حفنة فارينة انا اندير سميد مولا مولاكس فيه العلك واندير الملح وانشمخو مليح وانديرو في الساشي تعود مبلولة بعد نص ساعة نولي ليه وانعاود نعجنو مليح وندير قرصات تعود صغار يعني ماشي كي تاع المسمن تعود صغار عليه وانخليهم يرتاحو مليح امبعد انجيب طاجين المسمن وانحل بالوحدة ونطيبها من جهة وامبعد نقلبها وانحط اخرى وانحل لعجينة في الطابلة وكي نبدا رايحة انحطها فوق لوخرة نبدا انكسل فيها على الاخرى حتان تكملي كامل 12 ورقة وكي تكمليهم تعاودي وخدوخرين ويلا ماتعرفيش اخدميهم مع وحدة معاك باه اتعاونك امبعد اكي تكملي تفتهيهم بالوحدة وتلويهم كامل واتقطعيهم بالمقص تا الكوزينة
توجدي المرقة
اجيبي اللحم ولا الجاج اديريهم في الكوكوطة واديري عليهم الزيت واتخليهم يتقلاو واديري 2حبات بصل مرحيين واتخليهم يتقلاو شوية شوية ملح فلفل اكحل شوية راص الحانوت واديريهم ايطيبو وكي ايطيب الحم ديري 2حبات بطاطا وديري حميصة ومغرفة كبيرة طوماطيش مصبرة واتخليهم ايطيبو وكي ايطيبو لازم اتكون لاصوص عاقدة باه اجيك بنينة
امبعد تحكمي الشخشوخة الي قطعتيها واديريها تفور وكي تفور ديريلها شوية زبدة ماتكريش وعلاه اتفوريها انا نقولك تفري شخشوخة باه ايفيد فيها المرقة واجي طرية
[

رفيف رانية · 2014-11-01, 16:58

اقتباس:

المشاركة الأصلية كتبت بواسطة x ام رحاب x

رفيف عجبني بزاف قاتو رولي ماخلاش فيا تقدري تعطيني طريقتك ونكون ليك شاكرة

نعطي الوصفة لحنونتي
4 بيضات+ 100 غ سكر + 70 غ فرينة +مغرف صغيرة خميرة +فاني
انا حشيتو بكرام شانتيي ومن فوق ثاني درتلو لكرام شانتيي
والثاني عملوتو بشوكولا نوتيلا في الحشو ومن فوق شوكولا
مي جاو 444444444 أمممممممم

x ام رحاب x · 2014-11-01, 17:03

مساء الخير ام سيراج وصحة قهوتك حبيبتي
انا درت حلوة بالكاكاو خفيفة كي القطن بصح مالقيتش الشارجور انشارجي التيليفون غاضتني ماصورتهاش

x ام رحاب x · 2014-11-01, 17:06

رفيف يالعميرة بووووووووووووووووووسة كبيرة ربي يحفضك ماتعرفيش شحال عجبني تسلمي وربي ان شا الله تسلكي كي الشعرة من العجين قولي امييييييييييييييين

ارزاق · 2014-11-01, 17:06

جاوبوني راح الحال تعيشو مقدار الماء والسكر للشاربات تاع البسبوسة سخفت عليها

x ام رحاب x · 2014-11-01, 17:15

ارزاق اديري كاس سكر اديري معاه 2كيسان ماء ان شاء الله ايجاوبوك لوخرين عندي بزاف مادرتهاش

ارزاق · 2014-11-01, 17:19

شكرا ام رحاب علي الرد حتي انا عندي مدة مدرتهاش راني حاطا الحوايج ونستنا

ام سراج وملاك · 2014-11-01, 17:23

اقتباس:

المشاركة الأصلية كتبت بواسطة x ام رحاب x

مساء الخير ام سيراج وصحة قهوتك حبيبتي
انا درت حلوة بالكاكاو خفيفة كي القطن بصح مالقيتش الشارجور انشارجي التيليفون غاضتني ماصورتهاش

مساء الانوار حبيبتي وبصحتك وشمن حلوة رولي لي درتها رفيف عيت نحوس عليها باش نشوفها

ام سراج وملاك · 2014-11-01, 17:24

اقتباس:

المشاركة الأصلية كتبت بواسطة x ام رحاب x

ارزاق اديري كاس سكر اديري معاه 2كيسان ماء ان شاء الله ايجاوبوك لوخرين عندي بزاف مادرتهاش

ارزاق انا ثاني نديرها هكذا ونزيد نصف حبة قارص معاها

قمر 77 · 2014-11-01, 17:24

ارزاق خيتي ديري كاسين ما كي يغلو مليح زيدي كاس و نص سكر دقائق و طفي